MMK

மருத்துவ கல்லூரி சேர்க்கை கலந்தாய்வுகளில் முஸ்லிம் மாணவர்கள் எதிர்கொள்ளும் பிரட்சனைகள் குறித்து மனிதநேய மக்கள் கட்சியின் செயலாளர் முதல்வருக்கு கடிதம்

2009-07-09T12:43:00.003+05:30

மனிதநேய மக்கள் கட்சியின் பொதுச் செயலாளர் பி. அப்துல் சமது தமிழக முதல்வர் கலைஞர் அவர்களுக்கு பின்வரும் கடிதத்தை அனுப்பியுள்ளார்;
''நடைபெற்று வரும் மருத்துவ கல்லூரிகள் சேர்க்கைக்கான கலந்தாய்வுகளில் பிற்படுத்தப்பட்ட முஸ்லிம் மாணவர்கள் எதிர்நோக்கும் ஒரு பிரச்சனையை உங்கள் கவனத்திற்கு கொண்டு வர விரும்புகிறேன். எங்கள் நீண்டக் கால கோரிக்கையான இடஒதுக்கீடு கோரிக்கையை நிறைவேற்றிய நீங்கள் இந்த குளறுபடியையும் நீக்க வேண்டுமென அன்புடன் கேட்டுக் கொள்கிறேன்.முஸ்லிம்களுக்கு 3.5 சதவிகித இடஒதுக்கீடு அளித்து உங்கள் தலைமையிலான அரசு நிறைவேற்றிய சட்டத்தில் திறந்த போட்டி (ஒ.சி)க்கான தகுதியை பெறும் முஸ்லிம் போட்டியாளர்ளுக்கு ஒ.சி. ஒதுக்கீட்டில் தான் இடம் அளிக்க வேண்டும். தகுதியின் அடிப்படையில் ஓ.சி. ஒதுக்கீட்டில் முஸ்லிம்கள் இடம் பெறும் காரணத்தினால் 3.5 சதவிகித இடஒதுக்கீட்டின் அடிப்படையில் இடம் பெறும் முஸ்லிம்களின் எண்ணிக்கை எந்த காரணத்தைக் கொண்டு குறைந்து விடக் கூடாது என்று முஸ்லிம்கள் இடஒதுக்கீடு தொடர்பான அவசர சட்டத்தின் விதி 5 குறிப்பிடுகின்றது. (நகல் இணைக்கப்பட்டுள்ளது)இடஒதுக்கீடு தொடர்பான இந்த அரசாணையின் விதிமுறைக்கு முரணாக தற்போது மருத்துவ பட்டப்படிப்பிற்கான சேர்க்கை கலந்தாய்வு நடைபெற்று வருகின்றது. ஓ.சி. தகுதியின் அடிப்படையில் தேர்வு செய்யப்பட்டுள்ள முஸ்லிம் மாணவர்களுக்கு அவர்கள் விரும்பும் மருத்துவ கல்லுரியில் ஒ.சி. பிரிவில் இடம் இல்லை என்று கூறப்பட்டு அவர்கள் தங்களை பிற்படுத்தப்பட்ட முஸ்லிம் ஒதுக்கீட்டிற்கு மாற்றிக் கொண்டால் அவர்கள் விரும்பும் மருத்துவக் கல்லூரியில் இடம் தருகிறோம் என்று அறிவுறுத்தப்படுகின்றது. இவ்வாறு இடம் அளிக்கப்பட்டால் பிற்படுத்தபட்ட முஸ்லிம் ஒதுக்கீட்டில் தேர்வுச் செய்யப்படும் மாணவர்கள் பாதிப்புக்குள்ளாகின்றனர். இது வரை இந்த குளறுபடியின் காரணமாக பி.சி.எம். ஒதுக்கீட்டில் தேர்வுச் செய்யப்பட்ட 10 மாணவர்களுக்கு இடம் இல்லை என்ற நிலை ஏற்பட்டுள்ளது. இதனால் மருத்துவ பட்டப்படிப்பில் சேரும் ஒட்டுமொத்தமான முஸ்லிம் மாணவர்களின் எண்ணிக்கையும் குறைந்து விடுகின்றது.
மாண்புமிகு முதல்வர் அவர்கள் இக்குளறுபடியை தீர்க்க உடனடியாக தலையிட்டு ஒ.சி. பிரிவில் தகுதிப் பெற்றுள்ள முஸ்லிம் மாணவர்களுக்கு அவர்கள் விரும்பும் மருத்துவக் கல்லுரியில் இடம் கிடைக்கும் அதே வேளையில் பிற்படுத்தப்பட்ட முஸ்லிம் ஒதுக்கீடு அடிப்படையில் தேர்வுச் செய்யப்பட்ட அனைத்து முஸ்லிம் மாணவர்களுக்கும் மருத்துவக் கல்லுரியில் இடம் கிடைப்பதற்கும் ஆவண செய்யுமாறும் கடந்த சில தினங்களாக நடைபெற்ற கலந்தாய்வில் ஏற்பட்ட குளறுபடியை திருத்துமாறும் அன்புடன் கேட்டுக் கொள்கிறேன்.

ஓரினச் சேர்க்கைக்கு ஆதரவுப் போக்கு:மத்திய அரசுக் கண்டித்து தமுமுக மாபெரும் ஆர்ப்பாட்டம்

2009-07-06T20:11:00.003+05:30

ஓரினச்சேர்க்கைக்கு ஆதரவு அளிக்கும் விதமாகவும், ஓரினச் சேர்க்கைக்கு தண்டனை வழங்கும் இந்திய தண்டனைச் சட்டம் பிரிவு 377லிஐ நீக்க முயலும் மத்திய அரசின் செயலைக் கண்டித்து தமுமுகவின் சார்பாக மாபெரும் கண்டன ஆர்ப்பாட்டம் இன்று 06,07,2009 மாலை 5 மணியளவில் சென்னை மெமோரியல் ஹால் அருகில் நடைபெற்றது.

இந்த ஆர்ப்பாட்டத்திற்கு தமுமுக பொருளாளர் ஓ.யூ. ரஹ்மத்துல்லாஹ் தலைமை தாங்கினார். மனிதநேய மக்கள் கட்சி அமைப்புச் செயலாளர் ஜைனுல் ஆப்தீன், மாநில வர்த்தகர் அணிச் செயலாளர் யாசின். மாநில தொண்டரணிச் செயலாளர் முகம்மது ரஃபி, மாநில மாணவரணிச் செயலாளர் ஜைனுல் ஆப்தீன் ஆகியோர் கண்டன உரை நிகழ்த்தினர். வட சென்னை மற்றும் தென் சென்னை மாவட்ட நிர்வாகிகள் முன்னிலை வகித்தனர்.

ஆர்ப்பாட்டத்தில், ''ஓரினச் சேர்க்கை செயலுக்கு வக்காலத்து வாங்கும் அவசியம் என்ன வந்தது? மேற்குலகை தனது புதிய வழிகாட்டியாக கொண்டு விளங்கும் ஐக்கிய முற் போக்கு கூட்டணி அரசுக்கு அநாகரீக பாதையில் செல்லும் அவசியம் என்ன? கோவாவிலும், சென்னை மகாபலிபுரத்திலும் மேற்கு நாடுகளைச் சேர்ந்த வக்கிர பேர்வழிகள் சுற்றுலாப் பயணிகள் என்ற போர்வையில் இங்கு வந்து தங்களது பாலியல் முறைகேடுகளுக்கு வடிகால் தேடும் போக்கு'' ஆகியன பற்றி கேள்விகள் எழுப்பப்பட்டன. இந்தக் கண்டன ஆர்ப்பாட்டத்தில் குழந்தைகள், பெண்கள் உட்பட பெருந்திரளானோர் கலந்து கொண்டனர்.

டெல்லியில் 400 ஆண்டுகால பள்ளிவாசலின் கட்டிடப் பகுதிகள் தகர்ப்பு! தமுமுக கடும் கண்டனம்

2009-06-28T13:59:00.001+05:30

தமிழ்நாடு முஸ்லிம் முன்னேற்றக் கழகத்தின் தலைவர் பேராசிரியர் எம்.ஹெச்.ஜவாஹிருல்லாஹ் அவர்கள் வெளியிடும் கண்டன அறிக்கை:
இந்தியத் திருநாட்டின் தலைநகர் டெல்லியின் மெஹரெலி பகுதியில் உள்ள 400 ஆண்டுகால பழமைவாய்ந்த திபியா வாலி பள்ளிவாசலை இடித்துத் தள்ள முயன்ற டெல்லி பெருநகர வளர்ச்சிக்குழும அதிகாரிகளையும், டெல்லி மாநில அரசையும் வன்மையாகக் கண்டிக்கிறோம்.

பள்ளிவாசலைத் தகர்க்கும் நோக்கத்துடன் நவீன இயந்திரங்கள் பொருத்தப்பட்ட கனரக வாகனங்களுடன் பள்ளிவாசலை முற்றுகையிட்ட டெல்லி பெருநகர வளர்ச்சிக் குழும அதிகாரிகளும், காவல்துறையினரும் சிறுபான்மை மக்களின் கடும் எதிர்ப்பையும் மீறி பள்ளிவாசலோடு சேர்ந்த பகுதிகளைத் தகர்த்து தரைமட்டமாக்கி இருக்கிறார்கள்.

டெல்லியை நவீனப்படுத்தப் போகிறோம் என்ற பெயரில் அதிகார வர்க்கம் செய்த இந்த அடாத செயல் மன்னிக்க முடியாதது. தேசத்தின் வரலாற்று அடையாளங்களை அழிக்கும் குறுகிய மனப்பான்மை வன்மையாக கண்டிக்கத்தக்கது.

திபியாவாலி பள்ளிவாசலின் தகர்க்கப்பட்ட பகுதிகள் மீண்டும் கட்டித் தரப்பட்டு முஸ்லிம்களிடம் ஒப்படைக்கப்பட வேண்டும். அதற்குக் காரணமான அதிகாரிகள் மற்றும் உத்தரவிட்ட அரசுகள் நாட்டு மக்களிடம் வருத்தம் தெரிவிக்க வேண்டும்.

மக்களின் வழிபாட்டு உரிமையை மறுக்கும் செயலை வன்மையாகக் கண்டிக்கிறோம்.

கடந்த சில மாதங்களுக்கு முன்பு, நூற்றுக்கணக்கான ஆண்டுகளாக தொழுகை நடைபெற்று வந்த பள்ளிவாசல் ஒன்றை ரயில்வேத்துறை தகர்த்து தரைமட்டமாக்கியது. இந்தியத் திருநாட்டின் தலைநகரில் இத்தகைய அடாத செயல்கள் நடப்பது வேதனைக்குரியது.

இதுபோன்ற செயல்கள் தொடர்ந்தால், தவறுகள் சரிசெய்யப்படாவிட்டால் காங்கிரஸ் அரசு கடும் மக்கள் போராட்டங்களை சந்திக்க நேரிடும் என எச்சரிக்கிறோம்.

நக்கீரன் மற்றும் திலகவதி I.P.S-யின் முஸ்லிம் விரோதப் போக்கை கண்டித்து நடந்த ஆர்ப்பாட்டம்.

2009-06-26T10:15:00.003+05:30

சென்னையில் நடந்த கொலை வழக்கு தொடர்பாக நக்கீரன் இதழுக்கு பேட்டியளித்த காவல்துறை உயர் அதிகாரி திலகவதி ஐ.பி.எஸ். அவர்கள் ''இஸ்லாமியர்களுக்கு கொலை செய்வது ஒன்றும் புதிதல்ல'' என்று பேட்டியளித்துள்ளார். தனியொரு நபரின் செயலுக்கு முஸ்லிம்கள் அனைவரையும் இழித்துரைப்பது வன்மையான கண்டனத்திற்குரியதாகும்.

முஸ்லிம் மத துவேசத்தை உருவாக்கத் துணிந்த காவல்துறை உயர் அதிகாரி திலகவதி ஐ.பி,எஸ்.ஐக் கண்டித்து தமிழ்நாடு முஸ்லிம் முன்னேற்றக் கழகம் சார்பில் இன்று (24.06.2009) மாலை 4.00 மணியளவில் சென்னை மெமோரியல் ஹால் எதிரே மாபெரும் கண்டன ஆர்ப்பாட்டம் நடைபெற்றது. இந்த ஆர்ப்பாட்டத்திற்கு தமுமுக பொருளாளர் ஓ.யூ. ரஹ்மத்துல்லாஹ் தலைமை தாங்கினார். துணைப் பொதுச் செயலாளர் ஜே.எஸ். ரிஃபாய், தமுமுக மாநில மாணவரணிச் செயலாளர் ஜெயினுலாப்தீன் ஆகியோர் கண்டன உரை நிகழ்த்தினர். மனிதநேய மக்கள் கட்சியின் பொருளாளர் எஸ்.எஸ். ஹாருன் ரசீது, தமுமுக மாநிலச் செயலாளர் காஞ்சி ஜுனைது, வட சென்னை மற்றும் தென் சென்னை மாவட்ட நிர்வாகிகள் கலந்து கொண்டனர்.

ஆர்ப்பாட்டத்தில், ''காவல்துறையில் உயர் அதிகாரியாகவும், ஓர் எழுத்தாளராகவும் இருப்பவர் இவ்வாறு பொறுப்பற்று பேசலாமா? அமைதி மார்க்கமான இஸ்லாத்தை வன்முறை மார்க்கமாக சித்தரிப்பது மெத்தப்படித்த அதிகாரிக்கு அழகா?'' என்று கேள்விகள் எழுப்பப்பட்டன. இத்தகைய பொறுப்பற்ற சமூக கருத்துக்கு திலகவதி ஐ.பி.எஸ் மன்னிப்புக் கேட்க வேண்டும் என்றும் முஸ்லிம்களை வம்புக்கு இழுத்த நக்கீரன் பத்திரிக்கையும் வெளியிட்ட செய்தியை வாபஸ் பெற வேண்டும் என்றும் இல்லாவிட்டால் போராட்டங்கள் தீவிரப் படுத்தப்பட்டு சட்டரீதியான நடவடிக்கையும் முடுக்கப் படும் என அறிவிக்கப் பட்டது.

இந்தக் கண்டன ஆர்ப்பாட்டத்தில் குழந்தைகள், பெண்கள் உட்பட பெருந்திரளானோர் கலந்து கொண்டனர்.

எகிப்தில் ஒபாமாவின் உரை தமுமுக தலைவரின் கருத்து (பிபிசி தமிழோசை)

2009-06-19T22:11:00.000+05:30

டவுன்லோடு செய்ய இங்கே கிளிக் செய்யவும்

உலக அமைதிக்கு வழி...ஓரிறை கொள்கை ஒன்றே!

2009-06-19T22:10:00.000+05:30

இலண்டன் இஸ்லாமிய அழைப்பு பணி மையம் சார்பாக உலக அமைதிக்கு வழி...ஓரிறை கொள்கை ஒன்றே! எனும் தலைப்பில் இஸ்லாமிய மாநாடு பிரிட்டன் தலைநகர் லண்டனில் நடப்பெற்றது.

மாநாட்டில் தமிழ்நாடு முஸ்லிம் முன்னேற்றக் கழகத் தலைவர்
Dr, M.H. ஜவஹிருல்லாஹ், JAQH அமீர் மெளலவS. கமாலுதீன் மதனி மெளலவி ஹாபிழ் யஹ்யா அஷ்ஷெய்க் M. மன்சூர் நளீமி மெளலவி முஹம்மது இஸ்மாயில் மற்றும் உலமா பெருமக்கள் கலந்துக்கொண்டு, உலக அமைதிக்கு இஸ்லாமிய கொள்கை, இஸ்லாமிய வட்டியில்ல கடன், படைத்தவனை வனங்கு;படைப்பினங்களை வனங்காதே! என்ற தலைப்புகளில் பேசினார்கள்.

லண்டனின் மாநாட்டிற்கு பலப்பகுதிகளில் இருந்து திரலாக கலந்துக்கொண்டனர்.

யுஜெஎன் வட்ட மேசை அமர்வில் த.மு.மு.க தலைவர்

2009-06-19T22:08:00.000+05:30

தமிழ்நாடு முஸ்லிம் முன்னேற்றக் கழகத்தின் தலைவர் பேராசிரியர் எம் ஹெச் ஜவாஹிருல்லாஹ் பல்வேறு நிகழ்ச்சிகளில் பங்குக் கொள்வதற்காக கடந்த ஜுன் 7ம் தேதி இரவு லண்டன் வந்தார். லண்டன் ஹூத்ரோ விமான நிலையத்தில் அவரை தைக்கால் ஜாகிர் ஹூசைன், காரைக்கால் டாக்டர் கபீர், லால்பேட்டை இல்யாஸ் தலைமையில் சிறப்பான வரவேற்பு அளிக்கப்பட்டது.

ஜுன் 8 முதல் 10 வரை லண்டன் மைதன்வேல் இஸ்லாமிக் சென்டரில் நடைபெற்ற யுனிவர்சல் ஜஸ்டிஸ் நெட்வர்க் (சர்வதேச நீதி இணையம்) – யுஜெஎன் அமைப்பின் வட்ட மேசை அமர்வில் தமுமுக தலைவர் கலந்துக் கொண்டார். கடந்த ஆண்டு மலேசியாவில் உள்ள பினங்கு நகரத்தில் யுஜெஎன் அமைப்பு தொடங்கப்பட்டது.

உலகின் பல்வேறு பகுதிகளில் மனித உரிமைகளுக்காக இயங்கும் முஸ்லிம் அரசு சாரா அமைப்புகளின் ஒரு இணைப்பு அமைப்பாக யுஜெஎன் உருவாக்கப்பட்டது. இதில் தமுமுகவும் இணைந்து செயல்படுகின்றது.

3 நாட்கள் நடைபெற்ற இந்த கூட்டத்தில் உலகில் பல்வேறு நாடுகளில் முஸ்லிம்கள் எதிர்நோக்கும் பிரச்னைகள் விவாதிக்கப்பட்டது. குறிப்பாக இலங்கை வட கிழக்கு மாகாணத்தில் வாழும் முஸ்லிம்களின் பிரச்னையை தமுமுக தலைவர் விரிவாக எடுத்துரைத்தார். ஐ.நா. உட்பட சர்வதேச அரங்குகளில் இலங்கை முஸ்லிம்களின் பிரச்சனை முன்னெடுத்துச் செல்வது என்று தீர்மானிக்கப்பட்டது. பிரிட்டன், மலேசியா, இந்தோனேசியா, பிரான்சு, டென்மார்க், நார்வே, தென் ஆப்ரிக்கா, நைஜீரியா உள்ளிட்ட நாடுகளில் இருந்து பிரதிநிதிகள் இந்த கூட்டத்தில் பங்குக் கொண்டார்கள்.

ஐ.நா. வினால் அங்கிகரிக்கப்பட்ட மனித உரிமை அமைப்பான இஸ்லாமிக் ஹூமைன் ரைட்ஸ் கமிசன் மற்றும் சிட்டிசன் இன்டர்நேசனல் அமைப்பு ஆகியவை இணைந்து இந்த கூட்டத்திற்கு ஏற்பாடு செய்திருந்தன.

பிரிட்டனில் உள்ள லீஸ்டர் நகரில் இயங்கும் இஸ்லாமிக் பவுன்டேசன் நிறுவனத்திற்கு கடந்த வெள்ளி (ஜுன் 11) அன்று தமுமுக தலைவர் வருகை புரிந்தார் 1973ல் தொடங்கப்பட்ட இந்த நிறுவனம் பிரட்டனில் மிக சிறப்பாக இஸ்லாமிய பிரச்சாரப் பணிகளை செய்து வருகின்றது.

ஆங்கிலத்தில் முன்னூருக்கும் மேலான நூல்களை இந்த நிறுவனம் வெளியிட்டுள்ளது. இந்த நிறுவனத்தின் தலைமை இயக்குனர் மனாசிர் ஹசன் தமுமுக தலைவரை வரவேற்று நிறுவனத்தின் பணிகளை விளக்கியதுடன் தமுமுகவின் சேவைகளையும் கேட்டறிந்தார். மதிய விருந்தும் அளித்தார் இந்த நிறுவனத்தின செயல் இயக்குனரான சென்னையை சேர்ந்த இர்சாத் பாகியும் இந்த சந்திப்பின் போது உடனிருந்தார்.

இந்த நிறுவனத்தின் சார்பாக ஒரு உயர் கல்வி நிறுவனமும் இயங்கி வருகின்றது. அங்கு இஸ்லாமிய வங்கியியல் குறித்த முதுகலை பட்டப்படிப்பும் டாக்டர் பட்டத்திற்காக பல்வேறு ஆய்வு பாடங்களும் நடத்தப்பட்டு வருகின்றன. தமுமுக தலைவருடன் தைக்கால் ஜாகிர் ஹூசைனும் பிரபல மருத்துவர் டாக்டர் அஜ்மலும் உடன் சென்றிருந்தார்கள்.

லீஸ்டரில் வெள்ளி மாலை அங்கு வாழும் தமிழக மற்றும் இலங்கை சகோதர்கள் ஏற்பாடு செய்திருந்த கலந்துரையாடல் நிகழ்ச்சியில தமுமுக தலைவர் பங்குக் கொண்டார். இலங்கை மவ்லவி இஸ்மாயில் நளீமி இந்த நிகழ்ச்சிக்கு தலைமை தாங்கினார். இதில் தமிழக நிலவரங்கள் மற்றும் இலங்கை நிலவரங்கள் குறித்து மிக ஆர்வமாக பங்குக் கொண்டோர் தமுமுக தலைவரிடம் கலந்துரையாடினர்.

உலக அமைதிக்கு வழி...ஓரிறை கொள்கை ஒன்றே!!

2009-06-13T11:41:00.001+05:30

நாள் : 14.06.2009 ஞாயிறு 4:00- PM T PM To 9:00 PM

இடம்: PLASHET SCHOOL { OLD BUILDING }Plashet Grove, East Ham, LONDON E6 1DG

சிறப்பு விருந்தினர் Dr, M.H.ஜவாஹிருல்லாஹ் { தலைவர் தமுமுக }

சிறப்புப் பேச்சாளர்கள்:

மெளலவி S.கமாலுதீன் மதனி { அமீர் JAQH,தமிழ்நாடு }

மெளலவி ஹாபிழ் யஹ்யாஅஷ்ஷெய்க் M.மன்சூர் நளீமிமெளலவி H.M.மின்ஹாஜ்

இஸ்லாமிய அழைப்புப் பணி மையம் லண்டன்

லண்டனில் த.மு.மு.க தலைவர்

2009-06-13T11:34:00.002+05:30

தமிழகத்தில் இரத்ததான முகாம்கள், கண்சிகிச்சை முகாம்கள், கல்விச் சேவைகள், இலவச மருத்துவ முகாம்கள், அவசர ஊர்தி அர்பணித்தல், சுனாமி நிவாரணப் பணிகள் என்று மாநிலத்தில் பரவலாக அனைத்து சமூக மக்களுக்கும் கடந்த 14 வருடங்களாக மிகச் சிறப்பான முறையில் சேவைகள் செய்து வரும் தமிழ்நாடு முஸ்லிம் முன்னேற்றக் கழகம் இந்திய எல்லையைத் தாண்டி வெளிநாட்டின் பல பகுதிகளில் மிகச் சிறப்பாக செயல்பட்டுவருவது குறிப்பிடத்தக்கது.

அந்த வகையில் பிரிட்டன் பயணம் செய்துள்ள தமுமுக தலைவர் முனைவர் ஜவஹிருல்லாஹ் அவர்கள் லண்டனில் வசிக்கும் நமது சமுதாயத்தவர்கள் ஏற்பாடு செய்துள்ள தமிழ்நாடு முஸ்லிம் முன்னேற்றக் கழகம் அமைப்பின் கிளை துவக்குவது சம்மந்தமாக பல்வேறு அமர்வுகளில் மக்களை சந்தித்து ஆலோசனை செய்துவருகின்றார்.

புதுவலசையில் 66வது ஆம்புலன்ஸ் அர்ப்பணிப்பு

2009-06-09T18:35:00.002+05:30

இராமநாதபுரதம் மாவட்டம் புதுவலசையில் தமுமுகவின் சார்பாக 66வது ஆம்புலன்ஸ் அர்ப்பணிக்கப் பட்டது. இதனை தமுமுகவின் பொதுச் செயலாளர் செ. ஹைதர் அலி அர்ப்பணித்தார். இந்த ஆம்புலன்ஸை புதுவலசை தாஸின் அறக்கட்டளையின் நிறுவனர் தாஸின் வழங்கினார். இந்த நிகழ்ச்சியில் தமுமுகவின் தலைமைக் கழகப் பேச்சாளர் கோவை செய்யது, மனிதநேய மக்கள் கட்சியின் மாவட்டச் செயலாளர் சலிமுல்லாஹ் கான், இராமநாதபுரம் கிழக்கு மாவட்டத் தலைவர் சாதிக் பாட்ஷர் மாவட்டச் செயலாளர் தஸ்பிக் அலி மற்றும் மேற்கு மாவட்டத் தலைவர் சல்மான் ஆகியோர் முன்னிலை வகித்தனர். நிகழ்ச்சியின் போது புதுவலசை கிளையின் சார்பாக கல்வி உதவிகளும் வழங்கப் பட்டன. இந்த ஆம்புலன்ஸ் அர்ப்பணிப்பு நிகழ்ச்சியில் 1200க்கும் மேற்பட்டோர் கலந்து கொண்டனர்.

இராமநாதபுரத்தில் கல்வி உதவி

2009-06-09T18:27:00.002+05:30

இராமநாதபுரம் நகர தமுமுக சார்பில் கல்வி உதவிகள் வழங்கப் பட்டன. ரூ. 2லட்சம் மதிப்புள்ள கல்வி உதவிகளை பொதுச் செயலாளர் செ. ஹைதர் அலி வழங்கினார். தமுமுக தலைமைக் கழகப் பேச்சாளர் கோவை செய்யது, மனிதநேய மக்கள் கட்சியின் மாவட்டச் செயலாளர் சலிமுல்லாஹ்கான் ஆகியோர் முன்னிலை வகித்தனர்.

ரங்கநாத் மிஸ்ரா ஆணையத்தின் பரிந்துரைகளை அமல்படுத்த ம.ம.க கோரிக்கை

2009-06-09T18:24:00.001+05:30

நன்றி : மலேசிய நண்பன்

வழக்கறிஞராக வேண்டுமா?

2009-06-05T20:43:00.001+05:30

சமூகத்தில் நடக்கும் அநீதிகளைத் தட்டிக் கேட்கவும், மனித உரிமைகளைக் காத்திடவும் துடிப்புள்ள வழக்கறிஞராக ஆசையா? உங்களுக்கு உதவ தமுமுக மாணவரணி தயாராக இருக்கிறது. சட்டக் கல்வி பயில விரும்பும் மாணவர்களுக்கு ஆலோசனையும், தகுதியுள்ள ஏழை மாணவர்களுக்கு கடந்த மூன்று ஆண்டுகளாக கல்விக் கட்டணமும் இலவசமாய் வழங்கப்பட்டு வருகின்றன.

தொடர்புக்கு :

காஞ்சி மு. ஜைனுல் ஆபிதீன் M.A., B.L.,

(மாநில மாணவரணி செயலாளர்)

செல் 99942 92932

வாக்குப்பதிவு மோசடியை எதிர்த்து வழக்குமனிதநேய மக்கள் கட்சி உயர்நிலைக்குழு முடிவு

2009-06-03T12:34:00.001+05:30

மனிதநேய மக்கள் கட்சியின் பொதுச் செயலாளர் பி. அப்துல் சமது வெளியிடும் பத்திரிக்கை அறிக்கை

மனிதநேய மக்கள் கட்சியின் உயர்நிலைக்குழு 02.06.2009 அன்று ஒருங்கிணைப்பாளர் பேரா. முனைவர். எம்.ஹெச். ஜவாஹிருல்லாஹ் தலைமையில் சென்னையில் கூடி தேர்தல் முடிவுகள் குறித்து விரிவாக ஆய்வு செய்யப்பட்டது. ஜீன்-6ம் தேதி மாநிலச் செயற்குழுவை சென்னையில் கூட்டுவதெனவும், அதைத் தொடர்ந்து திருச்சி, மதுரை, கோவை, சென்னை ஆகிய இடங்களில் மண்டலப் பொதுக் குழுக்களை நடத்துவதெனவும் தீர்மானிக்கப்பட்டது.

வாக்குப்பதிவு எந்திர மோசடிகள் குறித்து வழக்கு தொடருவதோடு, இனிவரும் தேர்தல்களின் வாக்குப்பதிவு வாக்குச்சீட்டு மூலமே நடப்பதற்கு வலுவான முயற்சிகளை முன்னெடுப்பதென முடிவெடுக்கப்பட்டது. எதிர்வரும் இடைத்தேர்தல்கள் வாக்குச்சீட்டு முறையில் இல்லாமல் வாக்குபதிவு எந்திரமுறையிலேயே நடக்கும் என்றால், அதில் போட்டியிடாமல் இருக்க அனைத்துக் கட்சித் தலைவர்களையும் சந்தித்து வேண்டுகோள் வைப்பது எனவும் முடிவெடுக்கப் பட்டது.

தமுமுக சார்பில் கோவை அரசு மருத்துவமனைக்கு உதவி

2009-06-03T12:29:00.002+05:30

கோவை மாவட்ட த மு மு க. சார்பில் 02-6-2009 அன்று கோவை அரசு மருத்துவமனைக்கு ருபாய் 25,000 மதிப்புள்ள நோயாளிகளுக்கான படுக்கை மெத்தைகள் வழங்கப்பட்டன.இந்த நிகழ்ச்சியில் த மு மு க. மாவட்ட மருத்துவ அணி செயலாளர் அசரப் தலைமையில் நடந்தது.இதில் மாநில செயலாளர் கோவை உமர் நோயாளிகளுக்கான மெத்தைகளை அரசு மருத்துவமனை டீன் டாக்டர் குமரனிடம் வழங்கினர்.

இந்த நிகழ்ச்சியில் தமுமுக மாவட்ட தலைவர் பசிர் அகமது. மாவட்ட செயலாளர் ஹமிது. மனித நேய மக்கள் கட்சி மாவட்ட பொருளாளர் அப்பாஸ். துனை செயலாளர் ஷாஜகான்.மற்றும் ம.ம.க இளைஞர் அணி செயலாளர் அப்பாஸ், கோவை தங்கப்பா, கவிஞர் ஹக், நுர்தின், ஜாபர்சாதிக் ஆகியோர்கள் கலந்துகொண்டார்கள்.

ஊடகங்களை வெல்லுவோம் வாருங்கள்!

2009-06-02T22:42:00.000+05:30

இன்று இன்பர்மேஷன் டெக்னாலஜி என்று சொல்லப்படக்கூடிய ஐ.டி துறைக்கு நிகராக வருமானத்தை அளிக்கக் கூடிய துறையாக மீடியா துறை இருந்து வருகிறது. ஆனால் இன்றைய அமெரிக்கா பொருளாதார வீழ்ச்சிக்கு பின்னர் உலகளவிலும் ஐ.டி துறை பின்ன டைவு அடைந்திருப்பதையும், பிரபல மான ஐ.டி நிறுவனங்களே தங்களின் ஊழியர்களை அன்றாடம் வெளியே அனுப்பி வருகிறது. ஆனால் அதற்கு பகரமாக ஊடகத்துறையின் வளர்ச்சி ராக்கெட் வேகத்தில் சென்று கொண்டிருக்கின்றது.

இந்த ஊடகத்துறையின் தொடர்பாக முதலில் என்னென்ன கல்விகள் தமிழகத்தில் இருந்து வருகின்றது என்று பார்க்கலாம்.

விஷுவல் கம்யூனிகேசன், ஜெர்னலிசம், எலக்ட்ரானிக்ஸ் மீடியா, மாஸ் மீடியா அண்ட் கம்யூனிகேசன்ஸ் ஆகிய படிப்புகளை தமிழ கத்தில் பல்வேறு பல் கலைக் கழகங்கள் மற்றும் சுயநிதி கல்லூரிகளில் பயிற்று விக்கப்பட்டு வருகின்றன.

விஷுவல் கம்யூனி கேஷன்ஸ் மற்றும் எலக்ட்ரானிக்ஸ் மீடியா ஆகிய இரண்டு படிப்பு களும் பி.எஸ்.சி., மற்றும் எம்.எஸ்.சி படிப்புகளாக வழங்கப்பட்டு வருகின்றன. பி.எஸ்.சி படிப்பதற்கு பிளஸ் டூவில் எந்த குருப் படித்தவர்களும் இதில் சேரலாம். அது போலவே இளநிலை பட்டம் முடித்தவர்கள் யார் வேண்டுமானாலும் எம்.எஸ்.சி விஸ்காம் மற்றும் எலக்ட்ரானிக்ஸ் மீடியாவைப் படிக்கலாம்.

இந்த விஸ்காம் மற்றும் எலக்ட்ரானிக்ஸ் மீடியா படிப்புகளில் இணை யதள வடிவமைப்பு, தொலைக்காட்சி நிகழ்ச்சி தயாரிப்பு, மல்டி மீடியா, அனிமினேஷன் ஆகியவை பாடத்திட்டங் களாகும். இதனை படித்து முடித்து விட்டால் தொலைக்காட்சிகள், வானொலிகள், விளம்பர தயாரிப்பு நிறுவனங்கள் மட்டுமில்லாமல் பல்வேறு அனைத்து ஊடகங்களிலும் நுழைவதற்கு இந்த படிப்புகள் ஒரு விசிடிங் கார்டு போன்று ஆகும். இதனைப் படித்து விட்டு வேலையில் சேர்பவர் களுக்கு ஆரம்ப நிலை சம்பளமே குறைந்தது ரூ.10,000க்கு மேல் கிடைக் கும். மேலும் வளைகுடா நாடுகளில் இந்த படிப்பு களுக்கு மவுசு அதிகமாக உள்ளது. ஊதியமும் மாதத்திற்கு லகரங்களில் கிடைக்கும்.

ஜெர்னலிசம் மற்றும் மாஸ் கம்யூனிகேஷன் படிப்புகளைப் பொறுத்த மட்டிலும் பத்திரிக்கை துறையில் நுழைய விரும்புபவர்கள் இதனை தேர்ந் தெடுக்கலாம். ஆரம்ப நிலை ஊதியமாக குறைந்தது ரூ.7,000 கிடைக்கும். இதுவே ஆங்கில ஊடகங்களாயின் ஆரம்ப நிலை ஊதியமே ரூ. 20,000க்கு குறையாது.மேற்கண்ட ஊடகப் படிப்புகளை தேர்ந்தெடுத்து படிக்க விரும்புபவர்கள் ஏதேனும் ஒருதுறையை முன்னரே தேர்ந்தெடுத்து அதில் சிறப்பு பயிற்சி பெறுவதே நன்று. படிக்கும் போதே பகுதி நேரம் வேலையை தேர்ந்தெடுக்கும் வசதியும் இந்தப் படிப்புகளில் உண்டு.

இந்த படிப்பினை வழங்கும் கல்வி நிறுவனங்கள்..

1) புதுக்கல்லூரி, சென்னை

2) லயோலோ கல்லூரி, சென்னை

3) சதக் கல்லூரி, சென்னை

4) அண்ணா பல்கலைக் கழகம்

5) சென்னை பல்கலைக் கழகம்

6) காமராஜர் பல்கலைக் கழகம்

7) ஏசியன் இன்ஸ்டிடியூட் ஆஃப் ஜெர்னலிசம், சென்னை

-புகாரியின் புதல்வன்

சொன்னதை செய்யுமா காங்கிரஸ்?

2009-06-02T20:36:00.000+05:30

சமூக, பொருளாதார தளங்களில் இந்திய முஸ்லிம்களின் பிற்பட்டத் தன்மையை ஆய்வு செய்வதற்காக ஐக்கிய முற்போக்குக் கூட்டணியின் கடந்த ஆட்சிக் காலத்தில் நீதிபதி ராஜேந்தர் சச்சார் தலைமையில் உயர்நிலைக்குழு அமைக்கப் பட்டது. அது தனது பரிந்துரைகளையும் சமர்பித்தது.

நாடாளுமன்றத்தில் விவாதித்து முடிக்கப் பட்டப் பிறகும், சச்சார்க்குழு பரிந்துரைகளை நடைமுறைப் படுத்த ஐ.மு.கூட்டணி அரசு உரிய முயற்சிகளை எடுக்கவில்லை. சச்சார் குழு பரிந்துரைகளை நிறைவேற்ற டெல்லியில் த.மு.மு.க. மாபெரும் பேரணியையும் நடத்தியது. மத்திய அரசிடம் பல்வேறு வழிகளில் மன்றாடிப் பார்த்தும், சச்சார் குழு பரிந்துரைகளை நிறைவேற்றுவதற் கான அறிகுறி ஆட்சியின் அந்திமகாலம் வரை தென்படவில்லை.

மறுபடியும், மத்தியில் பெரும்பான்மை ஆதரவோடு ஆட்சியைப் பிடித்திருக் கிறது காங்கிரஸ் கட்சி. சிறுபான்மை மக்களின் ஒட்டு மொத்த ஓட்டுக்களை பெற்றே அசுர பலத்தை பெற்றிருக்கிறது. இப்போதாவது காங்கிரஸ் சிறுபான்மை மக்களுக்கு தந்த வாக்குறுதிகளை நிறை வேற்ற வேண்டும். சிறுபான்மை முஸ்ம் களின் கல்வி மற்றும் பொருளாதார நிலைகளை பற்றி ஆராய்ந்து அறிக்கை தந்த நீதிபதி சச்சார் கமிட்டியின் பரிந்துரைகளை நிறைவேற்றுவதற் காக விரைவான முயற்சிகளை காங்கிரஸ் மேற்கொள்ள வேண்டும் என முஸ்லிம் சமுதாயம் எதிர்பார்க்கிறது.

சச்சார் கமிட்டியின் பிரதான பரிந்துரைகளான முஸ்லிம் பெரும் பான்மை பகுதிகளில் கல்விக் கூடங் களை நிறுவுவது, கல்வி வேலை வாய்ப்பு களில் முஸ்லிம்களுக்கு உரிய பிரதிநிதித்துவம் அளிப்பது ஆகியவற்றை உடனடியாக செயல்படுத்துவதன் மூலம் 50 ஆண்டு காலமாக கல்வி மற்றும் பொருளாதார நிலைகளில் கடைக்கோடி யில் இருக்கும் முஸ்லிம் சமுதாயம் முன்னேற ஒரு முனைப்பு உண்டாகும்.

கடந்த முறை ஆட்சியில் இருந்த காங்கிரஸ் சச்சார் கமிட்டி அறிக்கைகளை நடைமுறைப் படுத்துவதற்கு பெரிய அளவிலான முயற்சிகள் ஏதும் செய்ய வில்லை. முஸ்லிம்களின் சமூக, பொரு ளாதார நிலைகள் பற்றி ஆய்வு நடத்த அமைக்கப்பட்ட நீதிபதி ரங்கநாத் மிஸ்ரா கமிஷனின் பரிந்துரைகளை பாராளு மன்றத்தில் தாக்கல் செய்யக்கூட நடவடிக்கை எடுக்கவில்லை.

சச்சார் கமிட்டி மற்றும் ரங்கநாத் மிஸ்ரா கமிஷன் பரிந்துரைகளை அமல்படுத்த வேண்டும் என்று டெல்யை குலுங்க வைத்த தமுமுக பேரணி மற்றும் ஆர்ப்பாட்டங்கள் பல்வேறு முஸ்ம் அமைப்புகளின் தொடர் வலியுறுத்தல் களுக்கும் பின்புதான் சச்சார் கமிஷன் அறிக்கை பாராளுமன்றத்தில் தாக்கல் செய்யப்பட்டது குறிப்பிடத்தக்கது. சச்சார் கமிஷன் விவரித்திருந்த முஸ்ம்களின் கல்வி, சமூக, பொருளாதார நிலைமைகள் பற்றிய புள்ளி விவரங்கள் நாட்டில் பெரும் அதிர்வுகளை ஏற்படுத்தின.

ஆனாலும் சச்சார் கமிட்டி அறிக்கையின் பரிந்துரைகளை சரியான முறையில் அமல்படுத் தாத காங்கிரஸை, முஸ்லிம் களுக்கு அகில இந்திய அளவில் 10 சதவிகித இடஒதுக்கீடு அளிக்க வேண்டும் என்ற ரங்கநாத் மிஸ்ரா அறிக்கையை பாராளுமன்றத்தில் சமர்ப்பிக்காத காங்கிரஸை இந்த தேர்தலில் மன்னித்து பா.ஜ.க. எனும் நச்சுப்பாம்பை நசுக்குவதற்காகவும், நாட்டின் ஸ்திரத் தன்மைக்காவும் ஓட்டளித்து வெற்றி பெறச் செய்த சிறுபான்மை மக்களுக்கு காங்கிரஸ் என்ன கைமாறு செய்ய போகிறது.

சச்சார் கமிஷன் அறிக்கையை அமல்படுத்த காங்கிரஸ் அரசு முன்னுரிமை அளித்து செயல் படும் என மத்திய நிதியமைச்சரும், காங்கிரஸ் மூத்த தலைவருமான பிரணாப் முகர்ஜி கூறி யுள்ளது முஸ்லிம்களுக்கு நம்பிக்கையை ஏற்படுத்தியுள்ளது. சச்சார் கமிட்டி பரிந்துரை களை அமல்படுத்துவதோடு ரங்கநாத் மிஸ்ரா கமிட்டியின் பரிந்துரைகளையும் உடனடியாக பாராளுமன்றத்தில் தாக்கல் செய்து நடை முறைப்படுத்த வேண்டும் என்பதே சிறுபான்மை முஸ்லிம்களின் கோரிக்கை. சொன்னதை செய்யுமா காங்கிரஸ்.

தமிழகத்தின் துணை முதல்வராக மு.க. ஸ்டாலின் மனிதநேய மக்கள் கட்சி வாழ்த்து

2009-05-29T18:15:00.003+05:30

தமிழகத்தின் துணை முதல்வராக மு.க. ஸ்டாலின் அறிவிக்கப்பட்டிருக்கிறார். இது தொடர்பாக மனிதநேய மக்கள் கட்சி தலைமை ஒருங்கிணைப்பாளர் பேராசிரியர் முனைவர் எம்.ஹெச். ஜவாஹிருல்லாஹ் அவர்கள் வெளியிடும் பத்திரிக்கை அறிக்கை

தமிழகத்தின் துணை முதல்வராக திமுகவின் பொருளாளரும், தமிழக உள்ளாட்சித்துறை அமைச்சருமான சகோதரர் மு.க. ஸ்டாலின் அவர்களை அறிவித்த தமிழக முதல்வருக்கு பாராட்டுக்களை தெரிவித்துக் கொள்கிறோம். தமிழக துணை முதல்வராக பொறுப்பேற்க இருக்கும் மு.க. ஸ்டாலின் அவர்களுக்கும் வாழ்த்துக்களை தெரிவித்துக் கொள்கிறோம்.

சகோதரர் ஸ்டாலின் அவர்கள் தமிழகத்தின் துணை முதல்வராக சிறப்பாக பணியாற்றி, அரசு நிர்வாக பணிகளை சுறுசுறுப்பாக இயங்க வைத்து தமிழகத்திற்கு தொண்டாற்றிட வாழ்த்துகிறோம்.

பாஜக அணிக்கு தாவிய தெலுங்கானா கட்சி உடைகிறது!

2009-05-28T19:31:00.000+05:30

ஆந்திராவில் தெலுங்கானா ராஷ்ட்ரீய சமிதிக்கு (டி.ஆர்.எஸ்.) குறைந்த இடங்களே கிடைத்துள்ளதால் கட்சியின் அதிருப்தியாளர்களால் அக்கட்சி உடையும் நிலையில் உள்ளதாக தகவல்கள் கூறுகின்றன.

ஆந்திர மாநிலத்தைப் பிரித்து தனி தெலுங்கானா மாநிலம் உருவாக்கம் வேண்டும் என தெலுங்கானா ராஷ்ட்ரீய சமிதி தலைவர் சந்திரசேகர ராவ் கோரி வருகிறார். கடந்த தேர்தலில் காங்கிரசுடன் கூட்டணி வைத்திருந்த இக்கட்சி, தங்கள் கோரிக்கை நிறைவேற்றப்படாத தால் அங்கிருந்து விலகியது.

தெலுங்கு தேசம், இடதுசாரி கட்சிகளுடன் இணைந்து மூன்றாவது கூட்டணியின் சார்பில் இந்த தேர்தலில் போட்டியிட்டது தெலுங்கானா ராஷ்ட்ரிய சமிதி. ஆனால் தேர்வு முடிவுகள் வருவதற்கு முன்னதாகவே பாரதீய ஜனதா கட்சி தலைமையிலான தேசிய ஜனநாயகக் கூட்டணியில் இணைந்து கொண்டார் சந்திரசேகர ராவ்.

தங்களது கட்சித் தலைவரின் எதேச் சதிகாரப் போக்கால் அவரது கட்சியினர் அதிருப்தியில் உள்ளனர். ஏற்கனவே சந்திரசேகர ராவின் செயல்பாடுகள் பிடிக்காமல் இக்கட்சியின் பொதுச் செயலாளராக இருந்த பிரகாஷ், கட்சியிலிருந்து விலகினார். இக்கட்சியின் மற்றொரு ததலவரான திலீப் குமார், சந்திரசேகர ராவ் மீது கடும் அதிருப்தி அடைந்துள்ளார். கட்சியிலிருந்து விலகி புதிய கட்சியை ஆரம்பித்து தெலுங்கானா தனி மாநில கோரிக்கையை வற்புறுத்தப் போவதாக திலீப் குமார் தெரிவித்துள்ளார்.

தெலுங்கானா தனி மாநில கோரிக்கையில் தீவிரம் காட்டும் ககாதியா பல்கலைக் கழக முன்னாள் துணை வேந்தர் ஜெயக்குமார், மக்கள் போர்ப்படை நக்சல் இயக்கத்தின் தலைவராக இருந்த பல்லதீர் கட்டார் ஆகியோர் இவரது புதிய கட்சி யில் இணைவார்கள் என்று தகவல்கள் தெரிவிக்கின்றன.

Election-2009 வாக்குரிமை மறுக்கப்பட்ட தலித் மக்கள்!

2009-05-28T15:24:00.003+05:30

இரும்பு மங்கை என்றும் தலித் மக்களின் பெருந் தலைவி என்றும் மாயாவதி அகில இந்திய அளவிலும் புகழப்பட்டாலும் தலித் மக்களுக்கான அடிப்படை உரிமைகள் இன்னும் வழங்கப்படவில்லை என்ற அதிர்ச்சித் தகவல்கள் வெளிவந்த வண்ணம் உள்ளன.

விடுதலை பெற்ற 60 ஆண்டுகள் கடந்த பின்னரும் இந்நாட்டின் உழைக்கும் வர்க்கத்தின் உரிமை மறுக்கப்படும் நிலை தொடர்ந்து வருகிறது.

தலித் மக்களின் உரிமைகள் பறிக்கும் விவகாரங்கள் குறித்து தலித் உரிமை காக்கும் அமைப்பு 500 முறையீடுகளை தேர்தல் ஆணையத்திடம் வழங்கியுள்ளது.

1)2009 மக்களவைத் தேர்தலில் ஏழை தலித் வாக்களிக்கச் சென்ற போது தடுத்து நிறுத்தியதாக உள்ளாட்சி அமைப்புகளைச் சேர்ந்த புள்ளிகள்.

2) அரசியல்வாதிகள்

3) அரசியல் (கு) தொண்டர்கள்

4) தேர்தல் பணியாளர்கள்

5) காவல்துறை அதிகாரிகள்

தலித் மக்களின் உரிமைகளை ஆதிக்க சாதிவெறியினர் மறுத்ததில் முதலிடம் வகுத்ததை அந்த உரிமை அமைப்பு குறிப்பிட்டுள்ளது.

தலித் மக்களின் வாக்குரிமை மறுக்கும் விஷயத்தில் முதலிடத்தில் ஆந்திராவும், இரண்டாவது இடத்தில் மாயவதி ஆளும் உத்தரப் பிரதேசத்திலும், மூன்றாவது இடத்தில் ராஜஸ்தானும், நான்காவது இடத்தில் பீகாரும், ஐந்தாவது இடத்தில் மகராஷ்ட்ராவும் உரிமை பறிப்பு விஷயத்தில் முன்னிலை வகிக்கின்றன.

உரிமை மறுக்கப்படுவது தேசத்தின் உச்சகட்ட வன்முறை என தேசிய தலித் கண்காணிப்பகம் வேதனை தெரிவித்துள்ளது.

தலித் மக்களின் உரிமை மறுக்கப் பட்ட விவகாரத்தில் 28 சதவீத சம்பவங்கள் ஆதிக்க சாதியினரால் தலித் மக்கள் ஓட்டுப் போடாவிடாமல் விரட்டப் பட்டனர்.

தேர்தல் நாளன்று தலித் மக்கள் குடியிருக்கும் பகுதிகளைக் குறி வைத்து ஆதிக்க சக்திகள் வன்முறையை கட்டவிழ்த்து விட்டு குறிப்பிட்ட அந்தப் பகுதிகளில் வாக்குப்பதிவை சீர்குலைக்கும் செயல்களும் அதிகரித்த வண்ணம் உள்ளது.

தலித் வாக்காளர்களின் உரிமைகளை மறுப்பதில் அரசியல் கட்சிகள் அனைத்தும் ஒன்று பட்டு இருப்பதாக தேசிய மனிதவள மேம்பாட்டுத்துறை அமைச்சகத்தின் ஆலோசகர் பி.எஸ் கிருஷ்ணன் தெரிவிக்கிறார். 2 சதவீதத்தினர் கிராம பஞ்சாயத்துகளில் தலித் வாக்களர்களின் உரிமையை மறுக்கின்றனர்.

13 சதவீதம் தலித் வாக்குரிமை முறையீடுகள் அரசு இயந்திரம் தலித்களுக்கு எதிராக உள்ளதாக வேதனை தெரிவிக்கின்றன.

11 சதவீத வழக்குகள் தேர்தல் அதிகாரிகள்தலித் வாக் காளர்கள் வாக்களிப்பதற்கு தடையாக இருப்பதாக குறிப்பிடுகின்றன. 10 சதவீத வழக்குகள் ஆதிக்க சாதியினர் தலித்களுக்கு பதிலாக கள்ள ஓட்டு போடும் கொடுமைகளைக் குறித்து நொந்து கொள்கிறது.

மூன்று சதவீத தலித் மக்களின் வாக்குரிமை காவல் துறையினர் நிகழ்ந்த்தும் அடக்குமுறைகளால் பறிக்கப் படுகிறது.

மீதம் உள்ள தலித் வாக்காளர்கள் பணம் மற்றும் மதுவிற்கு விலை போகும் அவலம் நீடிப்பதாக தேசிய தலித் ஆணையம் குறிப்பிடுகிறது.

தலித்களின் துயரம் வாக்குப்பதிவு நாளோடு முற்றுப்பெறுவதில்லை. அதன் பிறகு தான் கிளைமாக்ஸ்.

தேர்தல் முடிவுகள் அறிவிக்கப்பட்ட பின்னரே அக்கிரமத்தின் உச்சகட்டம் நிகழ்த்தப்படுகிறது.

இந்த அநீதியை எதிர்த்து தேசிய தலித் கண்காணிப்பகம் பல்வேறு அரசியல் கட்சிகளின் தலைவர்கள், மாநில முதல்வர்கள், மூன்று தலைமை தேர்தல் ஆணையர்களை சந்தித்து முறையிட்ட போதும் பலன் ஒன்றும் விளையவில்லை என தங்களது உள்ளக் கொதிப்பை வெளியிட்டுள்ளனர்.

சட்டம் தலித்களின் விஷயத்தில் செயல்படவேயில்லை. தேர்தல் ஆணையம் நேர்மையான தேர்தல் நடைபெற உறுதி ஏற்றுக் கொள்ள வேண்டும்.

தலித் மக்களின் வாக்கு மறுப்பு தொடர்பாக தொடுக்கப்பட்ட அனைத்து முறையீடுகளின் மீதும் தீவிர விசாரணை நடத்தி நடவடிக்கை எடுக்க முடிக்கப்பட வேண்டும் என்றும் தேசிய தலித் தேர்தல் கண்காணிப்பகம் குறிப்பிட்டுள்ளது.

செல்வி மாயாவதி தேர்தல் களத்தில் முன்னிறுத்தப்படலாம். ஆனால் இந்தியாவில் எண்ணற்ற கிராமங்களில் தலித் மக்களின் வாக்குரிமை மறுக்கப்படுகின்றன. சேரிகளில் வெளிச்சக் கீற்று தென்படுவது எப்போது.

பாளையங்கோட்டையில் வரதட்சணை ஒழிப்பு கருத்தரங்கம்

2009-05-27T17:15:00.000+05:30

பாளையில் த.மு.மு.க. சார்பில் நடந்த வரதட்சணை ஒழிப்பு கருத்தரங்கில் பொதுச் செயலாளர் சகோ. செ.ஹைதர் அலி உரையாற்றினார். இதில் துணை பொதுச் செயலாளர் ஜே.எஸ்.ரிஃபாயி, மாநிலத் துணைச் செயலாளர் மைதின் சேட்கான், பேரா.ஹாஜாகனி மற்றும் த.மு.மு.க, ம.ம.க. மாவட்ட நிர்வாகிகள் பங்கேற்றனர்.

குர்ஆனை சமஸ்கிருதத்தில் மொழிபெயர்த்த ரஜியா சுல்தானா

2009-05-27T16:19:00.000+05:30

உலகப் பொதுமறை திருக்குர்ஆன் உலகின் பல்வேறு மொழிகளில் மொழி பெயர்ப்பு செய்யப்பட்டு வருகிறது. பழமையான பாரசீகம், கிரேக்கம், ரோமன், லத்தீன் போன்ற மொழிகளிலிருந்து கடந்த ஆண்டு நேபாள மொழியிலும் அருள்மறை குர்ஆன் மொழிபெயர்க்கப் பட்டது. உலகில் வாழும் மனிதர்கள் பேசும் அனைத்து மொழிகளிலும் சத்தியத் திருமறையாம் திருக்குர்ஆன் மொழியாக்கம் செய்யப்பட்டு மக்களின் இதயங்களை சுத்திகரிக்கிறது.

தற்போது இந்தியாவின் மிகப்பழமையான மொழிகளில் முக்கியம் இடம் வகிக்கும் வடமொழி என்று வர்ணிக்கப் படும் சமஸ்கிருத மொழியிலும் திருக் குர்ஆன் மொழிபெயர்க்கப்பட இருக் கிறது. ஹிந்து மதத்தின் வேத மொழி யாகக் கருதப்படும் சமஸ்கிருதத்தில் திருக்குர்ஆன் மொழிபெயர்ப்பு செய்யப் படுவது சமயங்களுக்கிடையே நன்னம் பிக்கை வளர்க்கும் முயற்சியாகும் என சமூகநல ஆர்வலர்கள் திருப்தி தெரிவிக்கிறார்கள்.

இந்த அரிய செயலை நிகழ்த்தி புகழ்பெறவிருப்பவர் ரஜியா சுல்தானா என்ற 21 வயது இளம்பெண் ஆவார். இவர் பேராசிரியர் முஹம்மது சுலை மானின் பேத்தியாவார். பேராசிரியர் முஹம்மது சுலைமான், திருக்குர்ஆனை ஹிந்தி மொழிக்கு மொழியாக்கம் செய்தவர் என்பது குறிப்பிடத்தக்கது. ரஜியா சுல்தானா, சமஸ்கிருத மொழியில் எம்.ஏ. பட்டம் பெற்றவர் என்பது குறிப்பிடத்தக்கது.

அசத்தும் அசதுத்தீன் உவைசி!

2009-05-27T16:12:00.001+05:30

ஹைதராபாத் மக்களவைத் தொகுதியை மீண்டும் ஒரு முறை கைப்பற்றியுள்ளது மஜ்லீலிஸ் இத்திஹாதுல் முஸ்லிமீன் கட்சி. இக்கட்சியின் தலை வரான அசதுத்தீன் உவைசி வெற்றி பெற்றார். ஹைதராபாத்மக்களவைத் தொகுதியை மஜ்லீலிஸ் இத்திஹாதுல் முஸ்லிமீன் கட்சி கைப்பற்றியிருப்பது எட்டாவது முறை என்பது குறிப்பிடத் தக்கது. அசதுத்தீன் உவைசி இரண்டாவது தடவையாக வெற்றி பெற்றிருக்கிறார்.

ஆறுதடவை அசதுத்தீனின் தந்தை சலாஹுதீன் உவைசி வெற்றி பெற்றார் என்பது குறிப்பிடத்தக்கது.

2009 மக்களவைத் தேர்தலில் உவைசி தன்னை எதிர்த்துக் போட்டியிட்ட தெலுங்கு தேச வேட்பாளர் ஜாகித் அலிகானை தோற்கடித்தார். இவர் சியாசத் என்ற உர்து செய்தி ஏட்டின் ஆசிரியராவார். தெலுங்கு தேசம், தெலுங்கானா ராஷ்ட்ரிய சமிதி, இந்திய கம்யூனிஸ்ட் கட்சி மற்றும் மார்க்சிஸ்ட் கம்யூனிஸ்ட் ஆதரவுடன் போட்டியிட்டார். இவரை அசதுத்தீன் உவைசி ஒருலட்சத்து 13 ஆயிரத்து 865 வாக்குகள் வித்தியாசத்தில் தோற்கடித்தார்.

தொகுதி மறுசீரமைப்பிற்கு பிறகு ஹைதராபாத் நாடாளுமன்ற தொகுதியில் முஸ்லிம் வாக்காளர்களின் எண்ணிக்கை அதிகமாகியது. 50லிருந்து 70 சதவீதம் வரை முஸ்லிம் வாக்காளர்களின் எண் ணிக்கை அதிகரித்துள்ளது.
கடந்த காலத்தில் இந்த தொகுதியில் பாரதீய ஜனதா போட்டியிட்டது. பாஜக வின் மூத்த தலைவரான வெங்கையா நாயுடுவை 1996ல் அசதுத்தீன் தோற்கடித்திருக்கிறார்.

தற்போதைய மக்களவைத் தொகுதியில் வெற்றி பெற்றது மட்டுமின்றி சட்டமன்ற தேர்தலிலும் அசதுத்தீன் கட்சி குறிப்பிடத்தக்க வெற்றியை பெற்றுள்ளது. இதுவரை ஐந்து சட்டமன்ற தொகுதி களைக் கைப்பற்றிவந்த மஜ்லீலிஸ் இத்திஹாதுல் முஸ்லிமீன் கட்சி தற்போது ஏழு சட்டமன்ற தொகுதிகளை கைப் பற்றியுள்ளது.

அசதுத்தீனின் தம்பியான அக்பருத்தீன் உவைசி சந்திராயன் குட்டா சட்டமன்ற தேர்தலில் போட்டியிட்டு வெற்றி பெற்றார். இங்கு அக்பருத்தீன் மூன்றாவது முறை யாக வெற்றி பெற்றிருக்கிறார்.

கட்சியின் செல்வாக்கு மிகுந்த சார் மினார் தொகுதியையும் தக்க வைத்துக் கொண்டது. யாகுத், புரா மற்றும் கர்வான் சட்டமன்ற தொகுதிகள் புதிதாக உருவாக்கப் பட்ட பஹதூர்புரா மற்றும் நம்பள்ள தொகுதிகளை கைப்பற்றியுள்ளது.

10 சதவீதம் முஸ்லிம்கள் உள்ள ஆந்திரப்பிரதேசத்தில் 294 சட்டமன்ற உறுப்பினர்களில் வெறும் பதினொரு பேரே முஸ்லிம்களாவார். இதில் ஏழு பேர் மஜ்லிஸ் இத்திஹாதுல் முஸ்மீன் கட்சியிலிருந்தும், மூவர் காங்கிரஸிலிருந்தும் ஒருவர் தெலுங்கு தேசத்திலிருந்தும் தேர்ந்தெடுக்கப்பட்டனர். காங்கிரஸின் இரண்டு முஸ்லிம் அமைச்சர்கள், முஹம்மது அலி ஷப்பீரும், முஹம்மது பரீத்தீனும் தோல்வியைத் தழுவியுள்ளனர். ஆந்திரா மாநிலத்தில் முஸ்லிம் எம்பிக்களின் எண்ணிக்கை இரண்டிலிருந்து ஒன்றாக குறைந்தது. அசதுத்தீன் மட்டுமே ஒரே முஸ்லிம் மக்களவை உறுப்பினர்.

தேவை அதிரடி ஆய்வு!

2009-05-27T08:17:00.000+05:30

2009 நாடாளுமன்ற தேர்தல் மதவாத சக்திகளையும் பிராந்திய கட்சிகளையும் வீழ்த்தி முடக்கி மூலையில் வைத்து விட்டது. இது தேசிய அளவிலான தீர்ப்பு. மக்கள் மதவாதத்திற்கு எதிராகு மிக தீர்க்கமாகவே தீர்ப்பளித்துள்ளனர் என்பதை தெளிவுபடுத்துகிறது.

எதிர்காலப் பிரதமர்களாக தங்களை வர்ணித்துக் கொண்டவர்களின் நிலை தங்களது தற்போதைய அந்தஸ்தை காப்பாற்றிக் கொண்டால் போதும் என்னும் நிலையில் கொண்டு போய் அவர்களை விட்டிருக்கிறது.

1991க்குப் பிறகு முதன்முறையாக ஒரு தேசிய கட்சி 200க்கு மேற்பட்ட இடங்களைக் கைப்ற்றியது. 2004ல் உத்தரப் பிரதேசத்தில் காங்கிரஸ் ஒன்பது இடங்களில் மட்டுமே வெற்றி பெற்றது. 2009 நாடாளுமன்ற தேர்தலில் 21 இடங்களைக் கைப்பற்றி குறிப்பிடத்தக்க சாதனையை நிகழ்த்தியது. இவையெல்லாம் காங்கிரஸ் மீது மக்கள் வைத்த நம்பிக்கையின் விளைவாக இந்த வெற்றி கிடைத்தது என காங்கிரஸ்காரர்கள் கூறினாலும் பாஜகவை புறக்கணிக்க நினைக்கும் இந்திய மக்களின் தற்காலிக மாற்று ஏற்பாடாகவே இது அமைந்திருக்கிறது என்பதை தற்போது வெற்றி பெற்றிருப்பவர்கள் உணர்ந்து கொண்டால் அவர்களுக்கு நல்லது.இந்த நாடாளுமன்ற தேர்தலில் முஸ்லிம்களின் பிரநிதித்துவம் கடந்த தேர்தல விட குறைந்திருப் பதை ஆரோக்கிய விஷயமாக எடுத்துக் கொள்ள முடியாது. 543 நாடாளுமன்ற உறுப்பினர்களில் 30 பேர் மட்டுமே முஸ்லிம் சமூகத்தைச் சேர்ந்தவர்கள் என்பதை சமூக நலன்நாடுபவர்களால் ஜீரணிக்க முடியாது.

2009 தேர்தலில் தொகுதி மறுசீரமைப்பு பின் மூலம் முஸ்லிம் சமூகம் பலன் அடைய அநேக வாய்ப்புகள் உண்டு என பரவலாக பேசப் பட்டது. ஏனெனில் முஸ்லிம்கள் பெரும்பான்மையாக வாழும் பல தொகுதிகள் தனித் தொகுதிகளாக இருந்தன. தற்போது தொகுதி மறுசீரமைப்பினால் அவை பொதுத் தொகுதிகளாவிட்டன. முஸ்லிம் நாடாளுமன்ற உறுப்பினர்கள் அதிகரிக்க ஒரு நல்ல வாய்ப்பு இது என கூறப்பட்டவை பொய்த்துப் போயின.2009 நாடாளுமன்ற தேர்தலில்தான் செல்வாக்கு மிகுந்த சிறுபான்மை தலைவர்கள் வெற்றி வாய்ப்பை பறி கொடுத்திருக்கிறார்கள்.பகுஜன் சமாஜின் ஷஹீத் சித்தீக், தேசியவாத காங்கிரஸின் தாரிக் அன்வர், சமாஜ்வாதி கட்சயின் ரசீத் மசூத், காங்கிரஸின் ஏ.ஆர். அந்துலே, சி.கே. ஜாபர் ஷெரீப், நூர்பானு, மவுதூத் மதானி, சலீம் ஷெர்வானி, அக்பர் அஹ்மத் டம்பி, டாக்டர் ஜாவீத் அக்தர், அஃப்சல் அன்சாரி, இல்யாஸ் ஆஸ்மி, ஷஹீத் அஹ்லாக், ஏ.ஏ. பாத்திமி உள்ளிட்ட அனைத்துக் கட்சி பிரமுகர்களும் நாடாளுமன்றம் செல்லும் வாய்ப்பை இழந்துள்ளனர்.ஹைதராபாத்தில் அசதுத்தீன் உவைசியை எதிர்த் துப் போட்டியிட்ட தெலுங்கு தேச வேட்பாளரும் பிரபல உருது ஊடகத்தின் ஆசிரியருமான ஷஹீத் அலிக் கான் உவைசியை எதிர்த்து போட்டியிட்டதால் தோல்வியடைய வேண்டியதாயிற்று.

ஒரே தொகுதியில் ஒரே சமுதாயத்திதைச் சேர்ந்த பிரபலங்கள் போட்டியிடுவதால் சமுதாயத்துக்கோ இந்த தேசத்துக்கோ என்ன பலன் விளையப் போகிறது? 60 ஆண்டுகளாகியும் இம்மாதிரியான அவலநிலைகள் தீரும் வழியைக் காணோம். தற்போதைய நாடாளு மன்றத்தில் ஃபரூக் அப்துல்லா, சல்மான் குர்ஷித் அத்தர் மணம் கமகமக்கச் சென்றிருக்கும் பத்ருதீன் அஜ்மல் போன்றோர் மட்டுமே பிரபல முகங்களாக தென் படுகிறார்கள். வழக்கமாக முஸ்லிம்களை அதிக அளவு நாடாளு மன்றத்திற்கு அனுப்பும் முலாயமின் சமாஜ்வாதி கட்சியின் சார்பில் ஒரு முஸ்லிம் கூட நாடாளுமன்றம் செல்லவில்லை. முலாயம் கல்யாண் சிங் அதீத நெருக்கம் சர்ச்சைகளை சகட்டுமேனிக்கு பற்ற வைத்தது.

சமாஜ்வாதி கட்சி 23 நாடாளுமன்ற தொகுதி களைக் கைப்பற்றியது. உத்திரப் பிரதேச அரசியல் நிலவரத்தை பொறுத்த அளவில் முலாயமின் அரசியல் முன்னேற்றத்திற்கு முஸ்லிம்களின் ஆதரவு பெரும் உதவி புரிந்தது. தனது சமூகத்தின் 7 சதவீத வாக்குகள் மட்டும் அவருக்கு போதாது என்ற நிலையில் முஸ்லிம் களின் 21 சதவீத வாக்குகள் முலாயமை முன்னேற்றியது.இருப்பினும் கல்யாண்சிங்கோடு முலாயம் குலாவியது அவரது பிரதமர், துணைப் பிரதமர்,மத்திய அமைச்சர் மற்றும் முதல்வர் கனவினை கலைத்துப் போட்டது. முஸ்லிம் எம்.பிக்கள் 1980ல் 48பேர் அவையை அலங்கரித்தார்கள். 1984ஆம் ஆண்டில் கூட 41 முஸ்லிம் எம்.பிக்கள் இருந்தார்கள்.2004ல் 36 முஸ்லிம்கள் நாடாளுமன்றத்திற்கு தேர்ந்தெடுக்கப் பட்டார்கள். ஆனால் இன்று மேலும் தேய்வடைந்து 30 என்ற நிலையிலேயே உள்ளது.

மாநில வாரிய முஸ்லிம் எம்.பிக்களைப் பார்த்தேமானால் உத்தரப் பிரதேசத்தில் எட்டு எம்பிக்களும், மேற்கு வங்காளத்தில் 6பேரும், காஷ்மீரில் நால்வரும், பீகாரில் மூன்று பேரும், கேரளாவில் 3 பேரும், தமிழ்நாட்டில் இருந்து இரு வரும், அஸ்ஸாமிலிருந்து இருவரும் ஆந்திரா மற்றும் லட்சத்தீவுகளில் ஒருவரும் மட்டுமே தேர்ந்தெடுக்கப் பட்டனர்.ராஜஸ்தான், மத்தியப் பிரசேதம், கர்நாடாக மற்றும் ஜார்கண்ட் மாநிலங்களில் ஒரு முஸ்லிம் நாடாளுமன்ற உறுப்பினர் கூட செல்லவில்லை. தங்கள் சமூகத்தின் பிரதிநிதித்துவம் குறித்து தீவிர மறு ஆய்வு நிகழ்த்த வேண்டிய நிலையில் சமுதாயம் உள்ளது.

ஒரிசாவில் பா.ஜ.க. வேட்பாளர் 9 பேர் டெபாசிட் இழந்தனர்

2009-05-26T21:13:00.000+05:30

ஒரிசா மாநிலத்தில் கடந்த ஆண்டு நடைபெற்ற கிறிஸ்தவர்களுக்கு எதிரான கலவரத்தை சங்பரிவார் சக்திகள் அரசியல் ஆதாயத்திற்காக முன்னெடுத்தன. இதனைத் தொடர்ந்து நவீன் பட்நாயக் தலைமையிலான பிஜு ஜனதா தளத்திற்கு மிகப்பெரும் நெருக்கடி ஏற்பட்டது. சில கட்சிகள் மாநிலத்தில் ஆட்சியைக் கலைத்து விட்டு கவர்னர் ஆட்சியைக் கொண்டு வர வேண்டும் என்று வலியுறுத்தின.

இந்நிலையில் நாடாளுமன்றத் தேர்தல் அறிவிப்புக்குப் பின்னர் ஆளுங்கட்சியிடம் கூடுதல் இடங்களை பாஜக கேட்டது. பிஜு ஜனதா தளம் கூடுதல் இடங்களைத் தர மறுக்கவே பாஜக, பிஜு ஜனதா தளத்துடன் 11 ஆண்டுகள் கொண்டிருந்த அரசியல் உறவை முறித்துக் கொண்டது. அரசுக்கு கொடுத்து வந்த ஆதரவையும் விலக்கிக் கொண்டது. ஆயினும் நவீன் பட்நாயக், தேசியவாத காங்கிரஸ் மற்றும் இடதுசாரி கட்சிகளின் ஆதரவைப் பெற்று ஆட்சியை காப்பாற்றிக் கொண்டார்.

இதனிடையே மாநிலத்தில் உள்ள 21 நாடாளுமன்றத் தொகுதிகளிலும் பாஜக தனித்துப் போட்டியிட்டது. பாஜகவுக்காக, பாஜகவில் அடுத்த பிரதமர் வேட்பாளர் என கூறப்பட்ட நரேந்திர மோடி, அத்வானி, ராஜ்நாத்சிங் ஆகியோர் பிரச்சாரம் செய்தனர். தேர்தல் முடிவுகள் பாஜகவுக்கு கடும் அதிர்ச்சியைக் கொடுத் துள்ளன. மாநிலத்தில் போட்டியிட்ட 21 வேட்பாளர்களில் ஒன்பது வேட்பாளர்கள் டெபாசிட் தொகையை இழந்தனர். தேர் தலுக்கு முன்பு பிஜு ஜனதா தளம் கட்சி யில் இருந்து விலகி பாஜக சார்பில் புவ னேஸ்வர் தொகுதியில் போட்டியிட்ட கேந்திரபாரா எம்.பி. அர்ச்சனா நாயக்கும் டெபாசிட் தொகையை பறிகொடுத் துள்ளார்.

நாடாளுமன்றத்தில் தேவ்பந்த் அறிஞர்கள்

2009-05-26T20:14:00.000+05:30

இந்திய விடுதலைப் போராட்டத்தில் மவ்லவி ஹிஃப்சுர் ரஹ்மான் மற்றும் மவ்லானா அபுல் கலாம் ஆசாத் போன்ற மார்க்க அறிஞர்கள் அரும்பாடு பட்டார்கள். பின்னர் அவர்களது தியாகத்திற்கு பரிசாக சட்டமன்ற உறுப்பினர் பதவியும், நாடாளுமன்ற உறுப்பினர் பதவிகளும் அவர்களைத் தேடிவந்தன. மத்திய அமைச்சரானார் ஆசாத் அது ஆயிற்று அறுபதாண்டு காலம். மார்க்க அறிஞர்கள் அரசியலில் சிறப்பிடம் பெறுவது என்பது இனி நடக்கவே நடக்காதோ என ஏங்கி தவித்த நிலையில் புகழ்பெற்ற தேவ் பந்த் மார்க்க கல்வி சாலையிலிருந்து உருவான இரண்டு மார்க்க அறிஞர்கள் மக்களவைக்கு தேர்ந்தெடுக்கப்பட்ட நிகழ்வு நடைபெற்றிருக்கிறது.

அஸ்ஸாமில் மவ்லவி பத்ருதீன் அஜ்மலில் வெற்றி பெற்றார். மவ்லவி அஸ்ராருல் ஹக் காசிமி பிகார் மாநிலம் கிஸன் கஞ்ச் தொகுதியிலிருந்தும் வெற்றி பெற்றிருக்கிறார். மவ்லவி பத்ருதீன் துப்ரி தொகுதியில் காங்கிரஸின் அன்வர் ஹுஸைனை வென்றார். மவ்லவி அஸ்ரருல் ஹக் காசிமி லாலுவின் ராஷ்ட்ரிய ஜனதா தளத்தின் முக்கிய தலை வரான முன்னாள் மத்திய அமைச்சர் முஹம்மது தஸ்லீமுதீனை தோற்கடித்தார்.

81 ஆயிரம் வோட்டு வித்தியாசத்தில் வென்ற அஸ்ராருல் ஹக் காசிமி டெல்லியைத் தளமாகக் கொண்டு இயங்கும் அகில இந்திய தலிமி வ மில்லி பவுண் டேஷனின் நிறுவனத் தலைவராவார். கிசன் கஞ்ச் தொகுதியைச் சேர்ந்த காசிமி தனது பகுதி குறித்து மிகுந்து கவலை கொண்டவராக விளங்கினார். கடந்த ஏழு ஆண் டுக்கு முன்பு மில்லி பெண்கள் பள்ளி கூடத்தை நிறுவினார். தனது வெற்றி கிசன் கஞ்ச் தொகுதி மக்களின் வெற்றி என்றார் மவ்லவி அஸ்ராருல் ஹக். மவ்லவி பத்ருதீன் அஜ்மல் அவர்களோ இந்திய அரசியலில் சில வருடங்களாக ஒளி வீசும் அரசியல் தலைவராக விளங்கி வருகிறார். தேவ் பந்த் மார்க்க அறிஞர்கள் மக்களவையில் தூள் கிளப்ப போகிறார்கள்.

-சர்ஜுன்

துபையில் ரத்த தான முகாம்

2009-05-26T20:11:00.002+05:30

துபை முஸ்லிம் முன்னேற்றக் கழகம் சார்பாக கடந்த 22.05.2009 அன்று மாபெரும் ரத்த தான முகாம் துபை அல்லிவாசல் மருத்துவமனையில் நடை பெற்றது. துபை முமுக நிர்வாகிகள் இதற்கான ஏற்பாடுகளை செய்தனர். முஸ்லிமல்லாத சகோதரர்களும் இம் முகாமில் கலந்து கொண்டு ரத்த தானம் செய்தனர். இம்முகாமில் முமுக துபை மண்டலத் தலைவர் அப்துல் ஹாதி சிறப்பு விருந்தினராக கலந்து கொண்டார். துபை மண்டல மருத்துவரணி செயலாளர் திருப்பந்துருத்தி அப்துல் ரவூப் மக்களை ஒருங்கிணைத்தார். மதுக்கூர் சேக் பரீத், கொள்ளுமேடு ஜாகிர் உசேன், மேலப் பாளையம் அப்துல் கரீம் ஆகிய சகோ தரர்கள் வாகன வசதிகளை சிறப்பான முறையில் செய்திருந்தார்கள்.

மின்னனு வாக்குப்பதிவு இயந்திரத்தில் குளறுபடிகள் (வீடியோ)

2009-05-21T13:20:00.001+05:30

மின்னனு வாக்குப்பதிவு இயந்திரத்தில் நடைபெற்ற குளறுபடிகள் பற்றி தமுமுக பொதுச் செயலாளர் செ.ஹைதர் அலி ஜெயா தொலைக்காட்சியில் கலந்து கொண்டு உரையாடிய வீடியோ தொகுப்பு.

Muslims in Parliament of India-2009

2009-05-20T23:34:00.000+05:30

இந்திய நாடாளுமன்றத்திற்கு தேர்ந்தெடுக்கப் பட்டுள்ள முஸ்லிம் எம்.பிகளின் தொகுப்புபடம் பெரியதாக தெரிவதற்கு படத்தின் மேல் கிளிக் செய்யவும்

திருவனந்தபுரம் அருகே மோதல்! -போலீஸ் துப்பாக்கிச் சூட்டில் 4 முஸ்லிம்கள் பலி!

2009-05-20T20:27:00.000+05:30

கேரள மாநிலம் திருவனந்தபுரம் அருகே உள்ள பீமாபள்ளி மற்றும் வலியதுறை பகுதியில் மீனவர்கள் அதிகம் வசித்து வருகிறார்கள். நேற்று முன்தினம் வலியதுறை பகுதியில் மீனவர்கள் அதிகம் வசித்து வருகிறார்கள். நேற்று முன்தினம் வலியதுறை பகுதியைச் சேர்ந்த சிலர் பீமாபள்ளி பகுதிக்குச் சென்று குடிபோதையில் ரகளை செய்துள்ளனர். இதனால் இருதரப்பினரி டையே மோதல் வெடித்துள்ளது.

இதனைத் தொடர்ந்து பீமாபள்ளியில் உள்ள வீடுகளுக்கு மீனவர்கள் தீ வைக்கப்பட்டது. இதில் 5 வீடுகள் தீயில் சாம்பலாயின. இதுபற்றி தகவல் அறிந்த தும் வலியதுறை போலீசார் சம்பவ இடத்திற்கு விரைந்து சென்றனர். அப்போது போலீசார் மீதும் அவர்கள் கல் வீசினர். இதில் இரண்டு உதவி ஆய்வாளர்கள் காயம் அடைந்தனர்.

சம்பவ இடத்திற்கு திருவனந்தபுரம் சஞ்சய் கவுல் விரைந்து சென்றார். கலவரத்தில் ஈடுபட்டவர்களிடம் சமரசப் பேச்சுவார்த்தை நடத்தினார். இதையடுத்து அவர்கள் கலைந்து சென்றனர்.

இந்நிலையில் பீமாபள்ளி பகுதியைச் சேர்ந்த சிலர் வலியதுறை பகுதிக்குச் சென்று அங்கு நிறுத்தி வைக்கப்பட்டி ருந்த 2 படகுகளுக்கு தீ வைத்தனர். இதனால் இருதரப்பினரும் மீண்டும் மோதிக் கொண்டனர்.

இதனைத் தொடர்ந்து போலீசார் கலவரக்காரர்கள் மீது துப்பாக்கிச் சூடு நடத்தினர். இதில் 4 பேர் சம்பவ இடத்திலேயே பலியானார்கள். இதனால் அங்கு பெரும் பதற்றம் ஏற்பட்டது.

இதனிடையே பலியான 2 பேரின் உடலை சம்பவ இடத்தில் இருந்து போலீசார் எடுக்கவிடாமல் உறவினர்கள் போராட்டத்தில் குதித்தனர்.

இந்த சம்பவத்தால் அப்பகுதியில் ஐந்து நாள் தடை உத்தரவு பிறப்பிக்கப்பட்டது.

ராம்பூரும்..... காஜியாபாத்தும்.........

2009-05-20T17:30:00.002+05:30

உத்தரப்பிரதேச மாநிலம் முஸ்லிம் வாக்காளர்கள் நிறைந்த மாநிலமாகும். முஸ்லிம்களின் வாக்குகளை அறுவடை செய்தே முலாயமின் சமாஜ்வாதி கட்சியும், மாயாவதியின் பகுஜன் சமாஜ் கட்சியும் ஆட்சி அதிகாரத்தை அனுபவித்து வந்தன.

இந்த இரண்டு அணிகளை நம்பிய முஸ்லிம்களும் தங்களது அரசியல் அதிகாரம் குறித்த எவ்வித அக்கறையும் இல்லாது ஓட்டு போடுவதை மட்டுமே முக்கியக் கடமையாக நினைத்துக் கொண்டே வாழ்ந்தனர். தங்களது மண் ணும், தங்களது அரசியல் பிரதிநிதித்துவ மும் வீணடிக்கப்படுவதைக் கண்டு சிறிதும் சிந்தனையின்றி வாழ்ந்து வந்ததன் விளைவாக முஸ்லிம் வாக்காளர்கள் நிறைந்த தொகுதிகளில் முஸ்லிம் அல்லா தவர்கள் தேர்ந்தெடுக்கப்படும் பரிதாப நிலை ஏற்படுகிறது.

அதற்கு உத்தரப்பிரதேசத்தில் மட்டு மல்ல, இந்தியா முழுவதும் உதாரணங்கள் உண்டு. எனினும் உ.பி.யில் நாம் கண் முன்னால் கவனிக்கும் எடுத்துக்காட்டு களாக ராம்பூரும் காஜியாபாத்தும் அமைந்துள்ளன.

முதலில் காஜியாபாத்தைப் பார்ப்போம். நான்கரை லட்சம் முஸ்லிம் வாக்காளர் களைக் கொண்ட இந்த தொகுதியில் இருந்து பாஜகவின் அகில இந்திய தலைவர் ராஜ்நாத்சிங் தேர்ந்தெடுக்கப் பட்டிருக்கிறார்.

முஸ்லிம்களின் வாக்கு வலிமை குவிந்துகிடந்த போதிலும் அங்கு முஸ்லிம் வேட்பாளர்களை எந்தக் கட்சியும் நிறுத்தவில்லை. காங்கிரசும், பகுஜன் சமாஜும் கூட முஸ்லிம் வேட்பாளர் களை நிறுத்தவில்லை.

தலித்துகளின் இரண்டரை லட்சம் வாக்குகளையும், ஒரு லட்சம் பிராமணர் வாக்குகளையும் கணக்கில் கொண்டு ஒரு பிராமணரை வேட்பாளராக நிறுத்தியது பகுஜன் சமாஜ்.

நான்கரை லட்சம் முஸ்லிம் வாக்குகள் அவர்களுக்கு மிரட்டும் அம்சமாக தென்படவில்லை. இறுதியில், தான் ஜெயிப் பேன் என்பதில் நம்பிக்கை இல்லாமல் இருந்த ராஜ்நாத்சிங் வெற்றி பெற்றிருக் கிறார்.முஸ்லிம்களை பிரதிநிதித்துவப் படுத்தவும், ஒருங்கிணைக்கவும் வழியில்லாத நிலையும் முஸ்லிம்களின் உரிமையை முன்னெடுக்க அவர்களுக்கான ஓர் அமைப்போ கட்சியோ இல்லாத நிலை யும் முஸ்லிம் வாக்காளர்களை கணிசமா கக் கொண்ட தொகுதியில் பாஜக வெற்றி பெற காரணமாக அமைந்துள்ளது.

அடுத்து, உத்தரப்பிரதேசத்தில் உள்ள மற்றொரு முஸ்லிம் மக்களவைத் தொகுதி யான ராம்பூர் தொகுதி. தலைசிறந்த மார்க்க அறிஞர்களையும், ஏராளமான மதரஸாக்களையும் கொண்ட ராம்பூரின் எம்.பி.யாக பதவி ஏற்க இருப்பவர் முன்னாள் நடிகை ஜெயப்பிரதா. மதச்சார் பற்ற அரசியல் தலைவராக தன்னைத் தானே அழைத்துக் கொள்ளும் முலாயம் சிங் யாதவ் தனது தரகு அரசியல் நண்பரான அமர் சிங்கின் தூண்டுதலின் பேரில் ஜெயப்பிரதாவை களமிறக்கினார்.

சமாஜ்வாடி கட்சியில் இரண்டாம் இடத் தில் தற்போது அந்தக் கட்சியை விட்டு சதி செய்து விரட்டி அடிக்கப்பட்டவரான ஆஜம்கான், ஜெயப்பிரதா ராம்பூரில் போட்டியிடுவதை கடுமையாக எதிர்த்தார். சரமாரியாக வினாக் கணைகளை தொடுத் தார். அழுகுணி ஆட்டம் ஆடிய ஜெயப்பிரதா எனது ஆபாசப் படங்களை தொகுதி முழுவதும் ஆஜம்கான் பரப் பினார் என ஓலமிட்டார். ஆஜம்கான் மறுத் தார். இதற்கிடையில் தேர்தல் முடிவுகளும் வெளியானது. ஜெயப்பிரதா வெற்றி பெற்றி ருக்கிறார். ஆஜம்கான் ராஜினாமா செய்வ தாக அறிவித்திருக்கிறார். அல்ல, தூக்கி அடிக்கப்பட்டிருக்கிறார். முஸ்லிம் பாரம் பரியமிக்க தொகுதி யில் ஒரு நடிகையை நிறுத்துவார்களாம். தட்டிக் கேட்கும் முஸ்லிமை கட்சியை விட்டு வெளியே றும் அளவுக்கு இம்சைகள் தருவார்களாம்.

முஸ்லிம்களின் நிஜமான பிரதிநிதித்துவத் தேவைகள் நிறைவேறும் இத்தகைய அரசியல் அசிங்கங்களும், அவலங்களும் அரங்கேறிக் கொண்டுதான் இருக்கும். அதுவரை ராஜ்நாத் சிங்குகளும், ஜெயப் பிரதாக்களும் மட்டுமே எம்.பி.க்களாக உலா வந்து கொண்டிருப்பர்.

-அபுசாலிஹ்

அஸாருதீன் வெற்றி சொல்லும் செய்தி!

2009-05-20T16:37:00.002+05:30

உத்தரப்பிரதேச மாநிலம் மொரா பாத்தில் போட்டியிட்ட இந்திய கிரிக்கெட் அணியின் முன்னாள் கேப்டன் முஹம்மது அசாருதீன் வெற்றி பெற்றிருக்கிறார். பரபரப்பான சூழ்நிலையில் காங்கிரசில் இணைந்த அவர் ஹைதராபாத்திலிருந்து போட்டி யிடுவார் என அரசியல் பார்வையாளர் கள் எதிர்பார்த்தனர். ஆனால் காங்கிரஸ் தலைமை தனக்கு பலவீன மாக உள்ள உத்தரப்பிரதேசத்திற்கு அவரை அழைத்துச் சென்று மொராபாத்தில் போட்டியிட வைத்தது. வேட்பு மனுத் தாக்கல் செய்ததில் இருந்தே கள நிலவரம் அஸாருதீனுக்கு சாதக மாகவே இருந்தது.

முஹம்மது அஸாருதீன் கிரிக்கெட் விளையாட்டில் மின்னும் நட்சத்திர மாக இருந்தபோது அவர் விளை யாட்டில் மேலும் பிரபலமாகி ஓய்வு பெற்றபின் அரசியலில் இறங்கி முக்கியத்துவம் பெற்றுவிட்டால் என்ன செய்வது என வயிறெரிந்த சில சக்திகள் அவர் கிரிக்கெட் சூதாட்டத் தில் ஈடுபட்டார் என பழிகள் சுமத்தி அவரை கிரிக்கெட் வாழ்க்கையை விட்டு முழுமையாக விடைபெற விடாமல் மனம் வெதும்பி வெளியேறச் செய்தனர்.

தான் குற்றமற்றவன் என பின்னர் நிரூபித்தார். வருடங்கள் பல உருண் டோடி விட்டன. அஸாருதீன் மிகவும் உயரத்திற்கு போவார் என எண்ணி அவர் மீது அவதூறுச் சேற்றை வாரி இறைத்தவர்களின் கனவு கலைந்தது. இறுதியில் அஸாருதீன் கிரிக்கெட் பிரபல்யத்தை வைத்தே முன்னணி அரசியல்வாதியாக மாறினார். தென் மாநிலத்தைச் சேர்ந்த அவர் வடமாநில மக்களவைத் தொகுதியில் போட்டி யிட்டு வெற்றியை ஈட்டினார்.

இதற்கு அவர் சார்ந்த சமூகத்திற்குத் தான் முதலில் நன்றி சொல்ல வேண்டும்.

-அபுசாலிஹ்

மயிலாடுதுறையில்: மணிசங்கர் அய்யர் தோற்றது ஏன்?

2009-05-20T16:00:00.000+05:30

மயிலாடுதுறையில் மணிசங்கர் அய்யரைக் குறிவைத்து பிரச்சார யுத் தத்தை ம.ம.க. நடத்தியது. 15 ஆண்டு களாக எம்.பி.யாக இருந்த அய்யர் மயிலாடு துறையை துபாய் ஆக்குவேன் என்று சொல்லி அதனை பாலைவனமாக மாற்றியது, விவசாயிகள் நலனை புறக் கணித்தது போன்றவற்றை மையமாக வைத்து பிரச்சாரம் செய்யப்பட்டது.

வெற்றி பெற்றால் மயிலாடுதுறைக்கு என்ன செய்வோம் என்று ம.ம.க. வேட்பாளர் வெளியிட்ட தொகுதி தேர்தல் அறிக்கை மக்களை வெகுவாகக் கவர்ந்தது.

அய்யருக்கு எதிராக சரியான மாற்று பேராசிரியர் ஜவாஹிருல்லாஹ்தான் என தொகுதி முழுக்க கருத்து பரவியது.

மயிலாடுதுறையில் மணிசங்கர் அய்யர் தோற்ற தற்கு மனிதநேய மக்கள் கட்சியின் பிரச்சாரம்தான் காரணம் என காங்கிரஸ் தலைவர்களில் ஒருவரான சுதர்சன நாச்சியப்பன் எம்.பி. தொலைக்காட்சி ஒன்றில் கூறியது குறிப்பிடத்தக்கது.

இதைத்தான் மே 17 அன்று ஹிந்து நாளிதழும், மே 18 அன்று டைம்ஸ் ஆப் இந்தியா நாளிதழும் குறிப்பிட்டிருக்கிறது.

ராம்விலாஸ் பாஸ்வான்-சாதனை வெற்றியும் வேதனைத் தோல்வியும்!

2009-05-20T15:45:00.002+05:30

இந்தியாவின் தலித் பெரும் தலைவரும் லோக் ஜனசக்தி தலைவருமான ராம்விலாஸ் பாஸ்வான் இந்த மக்களவைத் தேர்தலில் தனது சொந்தத் தொகுதியான ஹாஜிபூரில் தோல்வியைத் தழுவியிருக்கிறார்.

1989ல் இதே தொகுதியில் ராம்விலாஸ் பாஸ்வான் பெற்ற வெற்றி அசாதாரணமானது. ஏறக்குறைய ஐந்து லட்சம் வாக்குகள் வித்தியாசத்தில் வெற்றி பெற்ற பாஸ் வான், கின்னஸ் சாதனையாளர் களின் பட்டியலிலும் இடம் பெற்றார்.

2009ல் நிகழ்ந்த தேர்தலில் அவரது 'செல்ல' ஹாஜிபூர் தொகுதியில் 37 ஆயிரம் வாக்கு கள் வித்தியாசத் தில் தோல்வியைத் தழுவியுள்ளார். வீட்டுக்கு வீடு பாஸ்வானின் புகைப்படம் தொங்கும் என்றும், ஹாஜிபூரின் மாணவர்கள், இளைஞர்கள் பாஸ்வான் படம் போட்ட பனியனை அணிந்து கொண்டு செல்வது வழக்கம் என்றும் பாஸ்வான் செல்வாக்கை சிலாகித்துப் பேசுவோர் உண்டு.

அத்தனை செல்வாக்கு மிகுந்த பாஸ்வான் தற்போது தோல்வியைத் தழுவியிருக்கிறார்.

பாஸ்வானின் தோல்வி குறித்து அவரிடம் செய்தியாளர்கள் கேட்டபோது, ''இது ஒரு விளையாட்டு போன்றது. அரசியலில் வெற்றியும் தோல்வியும் மாறிமாறி வரும்'' என்றார்.

தான் தோல்வி அடைந்தாலும் ஹாஜிபூர் மக்களுக் காக உழைப்பதை நிறுத்தப் போவதில்லை என்றார். அத்துடன் மதவாத பாசிச சக்திகளை எதிர்த்துப் போராடுவது தொடரும் என்றார் ராம்விலாஸ் பாஸ்வான்.

மத்திய அரசில் இடம்பெற்றால் தாங்கள் பிற்போக்கு மதவாத சக்திகளான விஸ்வ ஹிந்து பரிஷத், ஆர்எஸ்எஸ், பஜ்ரங்தள் போன்ற அமைப்புகளை தடை செய்வோம் என தனது தேர்தல் அறிக்கையிலே குறிப்பிட்ட பாஸ் வானுக்கு, பல் வேறு நலத் திட் டங்களை வழங் கிய பாஸ்வானுக் குத்தான் ஹாஜி பூர் மக்கள் இவ்வாறு நன்றி(!)க்கடனை நிறை வேற்றியுள்ளனர்.

வெற்றியின் படிக்கட்டு-மக்கள் உரிமை தலையங்கம்

2009-05-20T10:26:00.001+05:30

15வது மக்களவைத் தேர்தலில் மீண்டும் காங்கிரஸ் கட்சி தலைமையிலான கூட்டணி ஆட்சி பீடம் ஏறியிருக்கிறது. பா.ஜ.க.வுக்கும் காங்கிரசுக்கும் கொள்கைகளில் சிறிய அளவு வித்தியாசம்தான் இருந்தாலும், பாஜகவுக்கு காங்கிரசு கட்சி பரவாயில்லை என்ற அளவில் சிலர் நிம்மதி அடையலாம்.

எனினும் லாலுபிரசாத் யாதவ், முலாயம்சிங் யாதவ், இடதுசாரிகள், தெலுங்குதேசம் என மூன்றாவது, நான்காவது அணிகளிலிருந்து தேர்ந்தெடுக்கப்பட்ட கட்சிகளைக் கொண்ட ஒரு புதிய அணி ஆட்சியமைத்திருந்தால் அது ஒடுக்கப் பட்ட, நலிந்த மக்களுக்கு ஆறுதலாக இருந்திருக்கும்.

இது நடைபெறாவிட்டாலும், பாசிச சக்திகள் முடக்கப்பட்டது நமக்கு மகிழ்ச்சியளிக்கிறது.

இன்றைய நிலையில் ராம்விலாஸ் பாஸ்வான் தலைமையிலான ராஷ்ட்ரீய லோக்தளம் கட்சி பீஹாரில் 12 தொகுதிகளில் போட்டியிட்டு அனைத்திலும் தோல்வியை சந்தித்திருக்கிறது. 1989ல் ராம்விலாஸ் பாஸ்வான் தனது சொந்தத் தொகுதியான ஹாஜிபூரில் நான்கரை லட்சத்துக் கும் மேற்பட்ட வாக்குகள் வித்தியாசத்தில் வெற்றி பெற்று கின்னஸ் சாதனைப் பட்டியலில் இடம்பெற்றார் என்பது குறிப்பிடத்தக்கது.

தமிழ்நாட்டில் பாட்டாளி மக்கள் கட்சி ஏழு தொகுதிகளில் போட்டியிட்டு அனைத்திலும் தோல்வியை சந்தித்திருக்கிறது.

பணபலமும், படைபலமும் கொண்ட இக்கட்சி கள் கூட்டணி பலத்துடன் நின்று தோல்வியைத் தழுவியிருக்கும் போது மனிதநேய மக்கள் கட்சி தோல்வியடைந்தது ஆச்சரியமில்லை.

அரசியலில் தோல்விகள் தவிர்க்க முடியாதது. திமுக 1957ல் போட்டியிட்டபோது, வெறும் நான்கு சட்டமன்றத் தொகுதிகளில் மட்டுமே வெற்றி பெற்று பிற இடங்களில் படுதோல்வி அடைந் தது. டெபாசிட்டை பறிகொடுத்தது.

1991ல் பா.ம.க. ஒரே ஒரு சட்டமன்றத் தொகுதி யில் வெற்றி பெற்று பிற இடங்களில் படுதோல் வியை சந்தித்து டெபாசிட்டை இழந்தது.

பல அரசியல் கட்சிகள் தோல்வியைத் தழுவியிருக்கின்றன. பலர் படுதோல்விகளை சந்தித்திருக்கிறார்கள்.

டெபாசிட் தொகைகளை இழந்த கட்சிகள் பின்னாளில் ஆளுங்கட்சிகளாகவும், எதிர்க்கட்சி களாகவும் அதிகாரத்தை ஆட்டுவிக்கும் கட்சிகளாக வும் மாறியிருக்கின்றன.

இன்று தமிழகத்தில் பிரபல கட்சியாகத் திகழும் தே.மு.தி.க. இத்தேர்தலில் அனைத்து தொகுதிகளி லும் டெபாசிட்டை இழந்திருக்கிறது.

கட்சி ஆரம்பித்து தொடர் தோல்விகளை சந்தித்த மதிமுக வெகு காலத்திற்குப் பின்புதான் அரசியல் அங்கீகாரம் பெற்றது.

1991 சட்டமன்றத் தேர்தலில் ஒரே ஒரு இடத்தில் மட்டுமே திமுக தப்பிப் பிழைத்தது.

1984 தேர்தலுக்குப் பின்னால் உ.பி. மாநிலத்தில் படுதோல்விகளையும், மந்தமான வாக்குகளையும் பெற்றுவந்த காங்கிரஸ் இப்போதுதான் 20 மக்களவைத் தொகுதிகளை வென்றிருக்கிறது.

இந்திரா காந்தி, காமராஜர், அண்ணா போன்ற பிரபலங்கள் எல்லாம் தேர்தலில் தங்கள் தொகுதி களில் தோற்றவர்கள் என்பதை நினைவூட்டு கிறோம்.

மாபெரும் அறிவுஜீவிகளாக கருதப்படும் ப.சிதம்பரமும், மன்மோகன்சிங்கும் ஒருமுறை நாடாளுமன்றத் தேர்தலில் மூன்றாவது இடத்துக்கு தள்ளப்பட்டவர்கள் என்பதும், பிறகு அவர்கள் பிரதமராகவும், நிதியமைச்சராகவும் ஆனார்கள் என்பதும் வரலாறு.

இன்று பிரபல தலைவர்களாக உள்ள ஸ்டாலின், ஜெயலலிதா, வைகோ போன்றவர்கள் களத்தில் தோல்வி கண்டு மீண்டவர்கள்தான்.

தேர்தல் களம் என்பது தோல்வி, படுதோல்வி, விரக்தி, ஏமாற்றம் இவையாவையும் உள்ளடக் கியது என்பதை மறந்துவிடலாகாது. இதை ஒரு சவாலாக ஏற்றால்தான் அடுத்த வெற்றிகளைக் குவிக்க முடியும்.

தேர்தலைப் பற்றி மட்டுமே லட்சியமாகக் கொண்டவர்களுக்கும், போராட்ட வாழ்க்கையை அமைத்துக் கொண்டு லட்சியத்துக்காக அரசி யலுக்கு வந்திருக்கும் ம.ம.க. தொண்டர்களுக்கும் வித்தியாசம் உள்ளது.

இனிதான் நமக்கு பணிகள் அதிகமாக காத்திருக் கிறது. காடுகளைக் கடந்து விட்டோம். இனி மேடுகளைத் தாண்ட வேண்டும்.

போர் வீரர்களுக்கு ஓய்வில்லை. ம.ம.க.வினருக்கு தோல்வி இல்லை.

அரசு அதிகாரிகளா? திமுக பணியாளர்களா?

2009-05-20T09:30:00.000+05:30

வாக்குச் சாவடியில் பணியாற்றும் அரசு அதிகாரிகள் பெரும்பாலும் ஆளும் கட்சிக்கே சாதகமாக நடந்து கொள்கின்றனர். குறிப்பாக திமுகவுக்கு சாதகமாகவே அதிகாரிகள் செயல்பட்டு வருகின்றனர். அதனாலேயே திமுக ஆட்சிக்கு வரும்போதெல் லாம் அரசு ஊழியர்களின் சம்பளமும் மற்ற படிகளும் உயர்த்தப்படுகின்றன. அதற்கு விசுவாசமாகவே இவர்கள் தேர்தல் நேரத்தில் நடந்து கொள்கின்றனர்.

மதுரையில் ஓட்டு போடு வதற்காக சுந்தரராஜபுரம் வாக்குச் சாவடிக்கு மு.க.அழகிரி வந்தபோது அங்கு பணியில் இருந்த அரசு அதிகாரிகள் அனைவரும் எழுந்து நின்று கைக்கூப்பி வணக்கம் தெரிவித்துள்ளனர். பின்னர் அவர் வாக்களித்துவிட்டு வெளியே செல்லும்வரை யாரும் உட் காரவே இல்லையாம். இதைவிட வேறு என்ன சொல்ல முடியும் இவர்களின் நடுநிலை(!)த் தன்மைக்கு?

மேலும் திருமங்கலம் இடைத் தேர்தலில் இவர்கள் ஆற்றிய சேவையும் அனை வரும் அறிந்ததே!

மாநிலத் தேர்தல் ஆணையர் நரேஷ் குப்தா போன்றவர்கள் நடுநிலையாக இருந்தாலும் இதுபோன்ற அலுவலர் களை வைத்துக் கொண்டு எப்படி தேர்தலை நியாயமாக நடத்த முடியும். அதிலும் இதற்கு முன் இருந்த கோபால் சாமி பி.ஜே.பி.க்கு நெருக்கமானவர் என்றும் கூறப்பட்டது. இப்போது வந்துள்ள தலைமைத் தேர்தல் ஆணையாளர் நவீன் சாவ்லா காங்கிரசுக்கு நெருக்க மானவர் என்று கூறப்படுகிறது.

இதனால்தான் சிவகங்கை தொகுதி வேட்பாளர் சிதம்பரம் பல சந்தேகங் களுக்கு இடையில் வெற்றி பெற்றதாக அறிவிக்கப்பட்டது. வைகோவின் தோல்வியும் சந்தேகத்திற்குரியதாகவே உள்ளது. மேலும் வாக்கு எண்ணிக் கையின் போது நம்மை தண்ணீர் பாக்கெட் உட்பட எதையும் எடுத்துச் செல்ல தேர்தல் அதிகாரிகளான அரசு ஊழியர்கள் அனுமதிக்கவில்லை. ஆனால் திமுக வினர் பிரியாணி உட்பட உணவுகளை சாப்பிட்டுக் கொண்டு தேர்தல் நிலவரங் களை செல்போனில் வேறு விவரித்துக் கொண்டிருந்தனர்.

ம.ம.க. உறுப்பினர்கள் எண்ணிக்கை அளவுக்கு கூட பல ஓட்டுச் சாவடிகளில் நமக்கு வாக்குகள் பதிவாக வில்லை என்பது பலத்த சந்தேகங்களை எழுப்பி உள்ளது. உதாரணத்திற்கு மத்திய சென்னை துறை முகம் தொகுதியில் ஏழு கிணறு பகுதி பிஷப் கேரியர் பள்ளி வாக்குச் சாவடி எண் 25ல் ம.ம.க. உறுப்பினர் ஒருவர் தமது குடும்பத்தினர் வாக்கு களையும் சேர்த்து சுமார் 30 வாக்குகளை அளித்துள் ளார். ஆனால் வாக்கு எண்ணிக்கையின் போது இங்கு எந்த வாக்கும் பதிவாக வில்லை என கூறப்பட்டது.

அப்படி யானால் ரயில் என்ஜினுக்கு பதிவு செய்யப் பட்ட வாக்கு கள் எங்கே போயிற்று? ஒன்று, ரயில் என்ஜினுக்கு பதிவு செய்யப்பட்ட வாக்கு கள் வேறு சின்னத்தின் எண்ணிக்கையில் பதிவு செய்யப்பட்டிருக்க வேண்டும் அல்லது இந்த வாக்குகள் பதிவாகாதது போல் செய்யப்பட்டிருக்க வேண்டும் என்பது தெளிவாகிறது.

பத்து நபர்கள் ஓட்டு போட்டாலும் ஒரே ஓட்டு மட்டும் பதிவானதாகக் காட்டும் சாப்ட்வேர்கள் எல்லாம் தாராள மாக உண்டு என சாப்ட்வேர் நிபுணர்கள் கூறுகின்றனர்.

தங்களுக்கு விசுவாசமான ஊழியர் களைக் கொண்டு எதை வேண்டுமானா லும் ஆளும் கட்சியினர் செய்திருக்கலாம் என்பதை நாம் மறுப்பதற்கில்லை.

எனவே வாக்குப் பதிவும், எண்ணிக் கையும் நியாயமாக நடக்க, முறை கேடுகள் புரிய வாய்ப்புள்ள மின்னணு இயந்திரத்தை தவிர்த்துவிட்டு வாக்குப் பெட்டியில் ஓட்டு போடும் நடைமுறை யையே கொண்டுவர வேண்டும். மேலும் தேர்தலில் ஆளும் கட்சிக்கு ஆதரவாக செயல்படும் அரசு ஊழியர்கள் மீது பாரபட்சமில்லாமல் கடும் நடவடிக்கை எடுக்க வேண்டும்.

இழப்புகள் இன்றி எதிர்காலம் இல்லை!

2009-05-19T23:46:00.000+05:30

தேர்தல் தோல்விகளுக்குப் பின் னால் ஒரு சில அபிமானிகள் பழைய பல்லவியைப் பாடுகின்றனர். பேசாமல், வாய்மூடி திமுக தர முன்வந்த ஒரு தொகுதியை ஏற்றுக் கொண்டு போயி ருக்கலாமே... என்று பேசுகிறார்கள்.

நமது சமுதாயத்தை அடிமைத்தன மாக எடை போடுகிறார்களே... என்ற சொரணையில்தான் 'தன்மான அரசி யல்' என்ற முடிவை எடுத்தோம்.

முஸ்லிம் லீக் பாணி அடிமை அரசியலை நாமும் செய்ய வேண்டி யிருந்தால் புதிய அரசியல் கட்சியே தேவையில்லை.

இரண்டு மத்திய அமைச்சர் பதவி களை இழந்துவிட்டுத்தான் பாமக, புதிய கூட்டணியை அமைத்தது. இன்று இழப்புகளை சந்தித்திருக்கிறது. ஆனால், எதிர்காலத்தை இழக்க வில்லை. அதுபோல் மத்திய அரசை தங்கள் கட்டுப்பாட்டில் வைத்திருந்த இடதுசாரிகள், புதிய பாதையைத் தேர்ந்தெடுத்தார்கள். இன்று சரிபாதி இடங்களை இழந்திருக்கிறார்கள். பாமகவும், இடதுசாரிகளும் பழையதை நினைத்து ஒடுங்கிவிடவில்லை. அதை இப்போதும் சரி என்று கூறி நம்பிக்கை யோடு அடுத்தக் கட்டத்திற்கு நகர் கிறார்கள். இதை முஸ்லிம் சமுதாயம் கவனிக்க வேண்டும்.

இன்று தனித்து நின்றோம். சமுதாயத்தில் எழுச்சியை ஏற்படுத்தி இருக்கிறோம். புதிய நம்பிக்கையை ஊட்டியிருக்கிறோம். அந்த வகையில் வெற்றி பெற்றிருக்கிறோம்.

பதவிதான் முக்கியம் எனக் கருதியிருந்தால்,

ஒரு எம்.பி. தொகுதியை ஏற்று, வெற்றி பெற்று நாடாளுமன்றம் சென்றிருப்போம்.
வக்ஃப் வாரியத்தை இழந்தி ருக்க மாட்டோம்.
காங்கிரஸ் தர முன்வந்த சவூதி அரேபியாவுக்கான தூதர் பதவியை ஏற்றிருப்போம்.
காங்கிரஸ் தர முன்வந்த கவர்னர் பதவியைப் பெற்றிருப்போம்.

சமுதாயத்தின் நிலை மாற வேண் டும் என்பதற்காகத்தான் தியாகங் களைச் செய்துவிட்டு தலைநிமிர்ந்து நிற்கிறோம். நாங்கள் விலைபோகாத சமுதாய ஊழியர்கள் என்பதை களத்தில் நிரூபித்து விட்டோம்.

எந்தத் தியாகமும் செய்யாமல், எதையும் பெற முடியாது. நாளை சமுதாய நன்மைக்காக இன்று ம.ம.க. தியாகத் தீயில் தன்னையே உருக்கி இருக்கிறது. நமது எதிர்காலம் பிரகாச மாக இருக்கிறது. காரணம் சமுதாயம் நம்மோடு இருக்கிறது. இதை எதிர் காலம் உணர்த்தும் இன்ஷாஅல்லாஹ்.

-சாதிக்

ஒரு பானை சோற்றுக்கு ஒரு சோறு பதம்! இதை நம்ப முடிகிறதா?

2009-05-19T22:30:00.000+05:30

தமுமுக கோட்டையாகத் திகழும் மத்திய சென்னையில், துறைமுகத்தில் தமுமுக தொண்டர்களின் எண்ணிக் கையே பல ஆயிரம். அவர்களின் குடும்பத்தினர் ஓட்டுகள் பல பல ஆயிரம். இங்கு போஹ்ரா முஸ்லிம்கள் ஆயிரக்கணக்கில் ரயில் என்ஜினுக்கு ஓட்டு போட்டுள்ளார்கள். நாம் 25 ஆயி ரம் வாக்குகள் எதிர்பார்த்தோம். ஆனால் வாக்குப் பதிவு இயந்திரம் காட்டும் கணக்கு வெறும் 70 வாக்குகள் மட்டுமே.

பொள்ளாச்சி தொகுதியில் குனிய முத்தூர் பகுதி நமது முக்கிய ஆதரவு பகுதியாகும். இப்பகுதி நமது வேட்பாளர் உமர் அவர்களின் சொந்த ஊராகும். ஊர் மக்கள் இவர் மீது, அமைப்புக்கு அப்பாற்பட்டு அன்பாக இருப்பவர்கள். அங்கு நமக்கு போடப்பட்ட வாக்குகளில் 20 சதவீதம் கூட வாக்கு இயந்திரம் காட்டவில்லை.

ராமநாதபுரத்தில் தேவிப்பட்டினம், மண்டபம் பகுதிகளில் ஆயிரம், இரண்டா யிரம் என மக்கள் ரயில் என்ஜினுக்கு வாக்களித்துள்ளனர். ஆனால் வாக்குப் பதிவு இயந்திரத்தில் வந்த எண்ணிக் கையோ அரசுத் தரப்பின் அயோக்கியத் தனத்தை அப்படியே தோலுரித்துக் காட்டும் விதத்தில் இருந்தது.

சரிகிறது மோடி செல்வாக்கு!

2009-05-19T21:36:00.004+05:30

மோடியை பாஜகவின் நட்சத்திர தலைவராக அக்கட்சியினர் தலைமேல் தூக்கி வைத்துக் கொண்டாடினர். கட்சி யினர் பாராட்டியது போதாது என்று ஊட கங்கள் கூட மோடி புகழ் பாடின. மோடிக்கு இந்தியா முழுவதும் செல்வாக்கு இருப்பதாக கன்னாபின்னாவென கதை பின்னப்பட் டன. மோடி வருங்காலப் பிரதமர் என்றே அனைத்து ஊடகங் களும் குறிப்பிட்டன.

அத்வானியை பாஜகவின் பிரதமர் வேட்பாளர் என அறிவித்த பின்னரும் கூட மோடியை முன்னிறுத்திய சங்பரி வார் கும்பல் வெறித்தனமான பிரச்சாரத் தில் ஈடுபட்டது. கொடூர இனப்படு கொலையாளன் மோடியை, தேர்ந்த பொருளாதார மேதை போல வர்ணித்து, சிலாகித்து மகிழ்ந்த சங்கும்பல் மோடிக்கு அகில இந்திய அளவில் செல்வாக்கு பெருகுகிறது என கதை விட்டனர். இறுதியில் எல்லாம் கடைந்தெடுத்த கயமைக் கதைகள் என்பதும், அவர்கள் விட்ட கலர் கலரான ரீலுக்கு யாரும் மயங்கவில்லை என்பதும் நடைபெற்று முடிந்த நாடாளுமன்றத் தேர்தலில் தெளிவானது. நாடெங்கும் படுதோல்வி அடைந்ததோடு மோடியின் சொந்த மாநிலமான குஜராத்திலும் பலத்த சரிவை சந்தித்தது.

2004ல் பெற்ற ஓட்டு வீதத்தை விட நடைபெற்று முடிந்திருக்கும் தேர்தலில் குறைவாகவே பெற்றுள்ளது.

இந்தத் தேர்தலில் காங்கிரஸ் தலைமை யிலான ஐக்கிய முற்போக்கு கூட்டணி 261 இடங்களில் வெற்றி பெற்று மீண்டும் ஆட்சியைப் பிடித்தது.

2004லம் பாஜக படுதோல்வியை சந்தித்தது. அதைவிட மூன்றரை சதவீத வாக்குகளைக் குறைவாகப் பெற்றுள்ளது பாஜக. பாஜகவுக்கும் காங்கிரசுக்கும் இடை யிலான வாக்குகள் வித்தியாசம் 10 சதவீத மாக உள்ளது. பாஜகவில் இப்போது முக்க லும் முனகலும் கேட்கத் தொடங்கியுள்ளன.

---------------------------------

மோடியால்தான் தோற்றோம்-சரத்யாதவ் சலிப்பு

நரேந்திர மோடியை தேவை யில்லாமல் முன்னிறுத்தியதால் தேசிய ஜனநாயகக் கூட்டணி தோல்வியைத் தழுவியது என தேசிய ஜனநாயகக் கூட்டணியின் ஒருங்கிணைப்பாளரான சரத் யாதவ் கூறியிருக்கிறார்.

பாஜகவுக்கு என்ற சொல்லிக் கொள்ளும்படியாக செல்வாக்கு இல்லாத நிலையில் ஒடுக்கப்பட்ட மக்களின் வாக்குகளைப் பெறுவதற் காக கூட்டணி அமைத்து கொல் லைப்புற வழியாக வாக்குகளைப் பெறுவதே மதவாத பாஜகவின் வாடிக்கை. இந்நிலையில் ஓரளவு கிடைக்கக் கூடிய சொற்ப வாக்களை யும் கெடுத்துக் குட்டிச்சுவராக்கும் வேலையை பாஜக செய்கிறதே என பாஜக தலைமையிலான தேசிய ஜனநாயகக் கூட்டணித் தலைவர்கள் வேதனைப்பட்ட கதை நாடெங்கும் அரசியல் பார்வையாளர்களால் வியப்புடன் உற்று நோக்கப்படுகிறது.

மோடியை வாக்கு குவிக்கும் மாய இயந்திரம் போல் பாஜகவும், மீடியாக்களும் முன் நிறுத்தியபோது பாஜகவுடன் கூட்டணி வைத்த சில கட்சிகள் அலறின.

பாஜகவுடன் கூட்டணி வைத்ததற் காக வாக்கு வங்கியை இழந்து பரிதவிக்கும் அந்தக் கட்சிகள் மோடியை தூக்கிப் பிடிக்கும் பாவத்திற்கும் சாட்சியாக இருப்பதா என வேதனையடைந்த அந்தக் கட்சிகள் பயந்தது போலவே நடைபெற்றது.

பின்னர் ஏன் சரத் யாதவ் அலறமாட்டார்?

முற்றுபெற்று விட்டதா ஈழ விடுதலைப் போராட்டம்?

2009-05-19T19:55:00.000+05:30

1980களில் தொடங்கிய தமிழ் ஈழ விடுதலைப் போராட்டம் இறுதி முடிவை தழுவியிருக்கிறது. எல்.டி.டி.ஈ, ப்ளாட், டெலோ, ஈரோஸ், ஈ.என்.டி.எல்.எப்., இ.பி.ஆர்.எல்.எப். போன்ற தமிழ் ஈழ விடுதலை இயக்கங்கள் சிங்கள பேரின வாதத்திற்கு எதிராக ஆயுதப் போராட்டத்தை முன்னெடுத்தன.

ஒவ்வொரு இயக்கமும் ஏதாவது ஒருவகையில் தனிச் சிறப்பு பெற்றிருந்தது. இதில் பலர் இந்தியாவிலும் பாலஸ் தீனத்திலும் ஆயுதப் பயிற்சியைப் பெற்றனர்.

இந்திய உளவுத்துறை 'டெலோ' அமைப் புக்கு பேராதரவை வழங்கி பயிற்சி கொடுத்தது. தமிழக உளவு அமைப்புகள் விடுதலைப் புலிகளை ஆதரித்து பயிற்சி அளித்தன.

ஒரு கட்டத்தில் ஆறு அமைப்புகளின் தலைவர்களான பிரபாகரன், சபா ரத்தினம், பத்மநாபா, உமா மகேஸ்வரன் உள்ளிட்டவர்கள் ஒன்றாக நின்று கைகளை உயர்த்தி பத்திரிகையாளர்களுக்கு மத்தியில் தங்கள் ஒற்றுமையை வெளிக்காட்டினர். தமிழகமே பூரித்தது.

எம்.ஜி.ஆர். புலிகளை ஆதரித்ததும், அந்தக் கோபத்தில் கருணாநிதி டெலோ அமைப்பின் தலைவரான சபா ரத்தி னத்தை ஆதரித்ததும் ஈழப் பிரச்சினை யில் குழு மோதல்களுக்கு வித்திட்டது.

பிரபாகரன் மிகச்சிறந்த போர்க்கலை நிபுணராக அடையாளம் காணப்பட்டார். உமா மகேஸ்வரனும், சபாரத்தினமும் சர்வ தேச போராட்ட வரலாறுகளை அறிந்த நுட்பமிகுந்த தலைவர்களாக அறியப்பட்ட னர். பத்மநாபாவோ மார்க்சிய பார்வையு டன் கூடிய போராட்டத்தை முன்னெடுப் பதில் தன்னை வெளிக்காட்டிக் கொண்டார்.

இப்படி ஆளுமைமிக்க போராளித் தலைவர்கள் ஈழப் போராட்டத்தை வெளி உலகுக்கு கொண்டு வந்தனர். குட்டிமணி, தங்கதுரை போன்றவர்கள் இவர்களுக்கு முன்னுதாரணத்தை ஏற்படுத்தியிருந்தனர்.

ஈழத் தந்தை என போற்றப்பட்ட செல்வா, சமீபகால அரசியல் தலைவராக மதிக்கப்பட்டு புலிகளால் கொல்லப்பட்ட அமிர்தலிங்கம், உண்ணாவிரதமிருந்து உயிர்விட்ட திலீபன் போன்றோர் ஈழப் போராட்டத்தின் அரசியல் முகங்களாக திகழ்ந்தனர்.

ஒரு கட்டத்தில் தமிழ் போராட்ட அமைப்புகளுக்குள் ஏற்பட்ட மோதல் களும், அதில் உமா மகேஸ்வரன், சபா ரத்தினம், பத்மநாபா என பல தலைவர் கள் கொல்லப்பட்டதும் ஈழ வரலாற்றில் கரும்புள்ளிகளாகும். இந்தக் குழு மோதல்களில் விடுதலைப் புலிகளே இறுதியாக வென்றனர்.

தமிழகத்தில் எம்.ஜி.ஆர். முதல்வராக இருந்தபோது அன்று கொடுத்த ஐந்து கோடி ரூபாய் நிதி (இன்று 50 கோடிக்கு சமம்) புலிகளின் வளர்ச்சியில் மாபெரும் உதவியாக இருந்தது.

அனைவரையும் ஒடுக்கிவிட்டு ஒட்டு மொத்த ஈழ விடுதலை யின் கதாநாயகனாக பிரபாகரன் உருவா னார். அவரது ஆளுமை, போர்த் திறன், கட்டுப் பாடு மற்றும் ஒழுக்கத்துடன் புலிகளை உருவாக்கிய திறமை, சர்வதேச தொடர்பு, நிதி உருவாக்கம், ஆயுத கொள்முதலுக் கான தொடர்பு ஆகியன பலவகையிலும் புலிகள் அமைப்பை அரசுக்கு இணை யான அமைப்பாக மாறியது.

ஈழத் தமிழர்களின் ஏகப் பிரதிநிதியாக பிரபாகரனும், விடுதலைப் புலிகளும் உருவானார்கள். இடையில் அங்கே கிட்டுவுக்கும், மாத்தையாவுக்கும் ஏற்பட்ட அதிகாரப் போட்டி புலிகளை சலனப் படுத்தியது. ஒரு கட்டத்தில் மாத்தை யாவுக்கு பிரபாகரன் மரண தண்டனை வழங்கினார்.

1987ல் இந்திய ராணுவம் இலங்கைக்குச் சென்ற போது, ஒரு கட்டத்தில் புலிகளும் இந்திய ராணுவமும் மோத வேண்டிய நிலை ஏற்பட்டது.

உலகின் மிகப்பெரிய ராணுவமான இந்தியப் படையை பிரபாகரன் திணறடித் தார் என்பது உண்மை. சுமார் 2 ஆயிரம் இந்திய வீரர்கள் உயிர் துறந்தனர்.

இந்திய ராணுவத்தை எதிர்த்ததன் மூலம் பிரபாகரனும், விடுதலைப் புலிகளும் தங்கள் ராணுவ வலிமையை உலகுக்கு உணர்த்தினர்.

தியாகம், இணையற்ற உழைப்பு, கட்டுப்பாடு என தமிழர்களின் கவனத்தை ஈர்த்த விடுதலைப் புலிகள் முறையான அரசியல் இயக்கத்தை வளர்த்தெடுக்கத் தவறியது அவர்களது வரலாற்று பிழையாகும்.

இலங்கை ராணுவத்தை ஓட ஓட விரட்டியதோடு, கிளிநொச்சியை தலை நகராகக் கொண்டு, அறிவிக் கப்படாத ஒரு தேச நிர்வாகத் தையே புலிகள் வழி நடத்தி னர். தமிழ் ஈழ வங்கி, தமிழீழ காவல்துறை, அரசியல் தலைமையகம், நீதிமன்றம், மருத்துவமனை, கல்விக் கூடங்கள், நிவாரண முகாம் கள், போர் பயிற்சியகங்கள் என புலிகள் உலகத் தமிழர் களை வியக்க வைத்தனர்.

ஆனால், அவர்கள் செய்த சில தவறுகள் என்றோ நிகழ வேண்டிய தனி ஈழ தாயகத்தை முகிழவிடாமல் தடுத்து விட்டது.

கிழக்கு இலங்கையில் காத்தான் குடியில் முஸ்லிம்கள் மீது நடத்திய படுகொலைகள்.
இந்திய முன்னாள் பிரதமர் ராஜீவ் காந்தியைக் கொன்றது.
ஈழத் தமிழர்களின் அபிமான தலைவர்களில் ஒருவரான அமிர்தலிங்கத்தைக் கொன்றது.
சக தமிழ் போராளி அமைப்பு களையும், போராளிகளையும் இரக்கமின்றி கொன்றது.

இந்த நான்கு காரணங்கள்தான் புலிகள் மீது பலரின் கோபத்தை திருப்பியது; இலங்கை பொதுமக்களின் அனுதாபத்தை இழக்க வைத்தது; இந்தியாவை எதிரியாக்கியது.

எல்லாவற்றுக்கும் மேலாக தமிழ் ஈழத் தோடு ஒன்றி வாழ்ந்த தமிழக மக்கள் ராஜீவ் படுகொலைக்குப் பின்னர் புலிகளை நூறு சதவீதம் நிராகரித்தது புலிகளே எதிர்பாராத ஒன்று.

ஜெயவர்த்தனே, பிரேமதாசா, சந்திரிகா என எல்லா இலங்கை பிரதமர்களும் புலிகளோடு போரிட்டனர். பிரபாகரன் மல்லுக் கட்டினார். பின்னர் நார்வே நாடு அமைதிப் பேச்சுவார்த்தை நடத்தியது. ஆனால் தனி நாட்டுக்கான உத்தரவாதம் இல்லையென்பதால் பிரபாகரன் பின் வாங்கினார். அமைதிப் பேச்சுவார்த்தை வெற்றி பெறவில்லை. இந்த காலக்கட்டத் தில்தான் புலிகள் அமைப்பில் முரண் பாடுகள் வெடித்து சாதிய ஏற்றத்தாழ்வு கள் வெளிப்பட்டன. வன்னி தமிழர்கள், கிழக்குப் பகுதி தமிழர்கள் என்ற பாகுபாடுகளினால் கருணா தலைமையிலான புலிகள் குழு பிளவுபட்டனர். இது ஈழத் தமிழர்கள் எதிர்பாராத ஒன்று.

புலிகள் அமைப்பிலிருந்து ஒரு குழு பெரிய அளவில் விலகியது இது இரண்டாவது முறை. ஏற்கனவே உமா மகேஸ்வரன், பிரபாகரனிடமிருந்து கருத்து வேறுபாடுகளினால் பிரிந்தபோது புலிகள் அமைப்பு பெரிய அளவில் பலகீன மடைந்தது. அப்போது பிரபாகரனே மனமுடைந்து டெலோ அமைப்பில் சேரும் மனநிலைக்கு ஆளானார் என்பது பலருக்கும் தெரியாது.

ஆனால், கருணாவின் பிரிவு புலிகளையே அழிவுக்கு உள்ளாக்கிவிட்டது. பிரபாகரனின் மறைவிடம் உட்பட அனைத்து விவகாரங்களையும் அறிந்த கருணா, அதை அப்படியே இலங்கை ராணுவத்திடம் விவரித்த பிறகுதான் முழுமையான போருக்கு பல நாடுகளின் உதவியுடன் இலங்கை தயாரானது.

இந்த காலக்கட்டத்தில் புலிகளின் மூளையாகத் திகழ்ந்த ஆன்டன் பால சிங்கம் மரணமடைந்ததால் புலிகளின் சர்வதேச தொடர்பு பின்னடைவை சந்தித்தது.

அதே காலக்கட்டத்தில் போரும் உக்கிரமாகத் தொடங்கியது. புலிகளின் அமைதி முகமாக காட்சியளித்த தமிழ்ச் செல்வன் கொல்லப்பட்டதிலிருந்து புலிகள் தொடர் சரிவை சந்தித்து வந்தனர்.

புலிகளின் தலைநகரான கிளிநொச்சியை ராணுவம் கைப்பற்றியது. புலிகளையும், பிரபாகரனையும் ராணுவம் துரத்தியது.

இடையில் தமிழக அரசியல் களத்தில் ஈழ ஆதரவு போராட்டங்கள் வெடித்த போது, சமாதான நாடகங்களும், போலியான போர் நிறுத்தங்களும் அறிவிக்கப் பட்டன.

ஈழப் போர் தமிழ்நாட்டில் அரசியல் படுத்தப்பட்டது. யார் உண்மையான ஈழ ஆதரவாளர்? என்ற போராட்டத்தில் கருணாநிதி, ஜெயலலிதா, ராமதாஸ் உள்ளிட்ட பலரும் தங்களை

முன்னிலைப்படுத்திக் கொண்டனர்.

ஆனால் வைகோ, திருமாவளவன், பழ.நெடுமாறன் ஆகியோரை நம்பிய ஈழத் தமிழர்கள் இந்த மூவரையும் ஏனோ நம்பவில்லை.

மறுபுறம் உலகெங்கும் வாழும் ஈழத் தமிழர்கள் சர்வதேச கவனத்தை ஈர்க்கும் மனிதாபிமான போராட்டங்களை நடத்தினர்.

இஸ்ரேலுக்கு ஒரு ஆபத்து என்றால், ஓடோடி உதவி செய்யும் அமெரிக்கா ஈழ விவகாரத்தில் மவுனம் காத்தது. ஐ.நா. அவை கூட போதிய நடவடிக்கை எதை யும் எடுக்கவில்லை.

ஆனால் இந்தியா, பாகிஸ்தான், இஸ்ரேல், சீனா போன்ற எதிரும் புதிரு மான அரசியல் கருத்துக்களைக் கொண்ட நாடுகள் இலங்கை ராணுவத்துக்கு உதவி செய்தது. இலங்கையை உக்கிரமாக தூண்டிவிட்டது.

எல்லா வழிகளும் அடைக்கப்பட்ட நிலையில் புலிகள் போர் நிறுத்தத்திற்கு தயாரானதும், இலங்கை அரசு அவர் களை நம்பவில்லை. காரணம் புலிகளின் கடந்தகால செயல்பாடுகள் அப்படி!

ஆனால், போரி னால் பாதிக்கப்பட்ட தமிழர்கள் உண வின்றியும், மருந்து களின்றி யும் அவதிப் பட்ட துயரத்தை சர்வதேச சமூகம் வேடிக்கைப் பார்த் தது கொடூரமானது.

இப்போது மே 18 அன்று விடுதலைப் புலிகள் அழிக்கப் பட்டதாகவும், பிரபாகரன், அவர் மகன் சார்லஸ் ஆன்டனி, அரசியல் பிரிவு தலைவர் நடேசன், ரமேஷ் உள்ளிட்டோர் கொல்லப்பட்ட தாகவும் இலங்கை அரசு அறிவித்திருக் கிறது.

போர் முனையில் இவர்கள் கொல்லப் பட்டிருப்பது உலகமெங்கும் வாழும் தமிழர்களை மிகப்பெரும் அதிர்ச்சியில் ஆழ்த்தியிருக்கும் என்பதில் ஐயமில்லை.

30 ஆண்டுகளாக நடைபெற்று வந்த ஒரு விடுதலைப் போராட்டம் தோல்வி யில் முடிந்தது ஒரு பெரும் சோகமாகும்.

பாலஸ்தீன விடுதலை இயக்கத்திற்கு (பி.எல்.ஓ) பிறகு உலகில் கவனத்திற்குரிய போராளிக் குழுவாக எல்.டி.டி.ஈ. அமைப்பு அடையாளம் காணப்பட்டது.

இவர்களின் சிறப்பு அம்சம் தரைப் படையைத் தவிர கடற்படையையும், விமானப் படையையும் உருவாக்கிய தாகும். இது புலிகளின் மீதான மதிப்பீடு களை உயர்த்தியது.

இன்று பிரபாகரன் கொல்லப்பட்டிருக் கலாம். உலகமெங்கும் வாழும் ஈழத் தமிழர்களுக்கு இது ஒரு கறுப்பு வாரமாக இருக்கும். தமிழகத்தில் ஒரு மிகப்பெரும் சோகம் பரவும்.

ஈழத் தமிழர்களின் தமிழ் ஈழ கனவுகள் உடைக்கப்பட்டிருக்கிறது. அவர் களுக்கு பிரபாகரன் ஒரு யாசர் அராஃபத்தாகவும், ஒரு சேகுவேரா ஆகவும் திகழ்ந்தார்.

இனி அவர்களது அரசியல், வாழ் வுரிமை, சமூக நீதி எல்லாம் என்னவாகும் என்று தெரியவில்லை.

பிரபாகரன் மீது நமக்கு மாற்றுக் கருத்து உண்டு. விமர்சனங்கள் உண்டு. புலிகளின் அரசியல் தவறுகள் மீது மாறாத கோபம் உண்டு.

ஆனால், அவர்கள் நடத்தியது ஒரு விடுதலைப் போராட்டம் என்பதில் ஐயமில்லை. ஒரு இன மக்களின் விடுத லைப் போராட்டம் ஏகாதிபத்திய சக்தி களின் கொடூரக் கரங்களால் ஒழிக்கப் பட்டிருப்பது எதிர்பார்க்காத ஒன்று. ஆனால் இது முற்றுப்புள்ளி அல்ல...

வெற்றியை இழந்திருக்கிறோம் களத்தை இழக்கவில்லை!

2009-05-19T14:00:00.000+05:30

கண்மணிகளே...

அஸ்ஸலாமு அலைக்கும் (வரஹ்...)

தேர்தல் பரபரப்புகள் ஓய்ந்து, புதிய ஆட்சியின் மந்திரிசபை குறித்து பரபரப்புகள் நிலவும் நேரத்தில் இக்கடிதம் வரைகிறேன்.

எல்லோரும் வெற்றி உலாவரும் நேரத்தில் உங்கள் முகத்தில் ஒருவித சோர்வு நிலவக்கூடும். வெற்றியையும் லி தோல்வியையும் கருத்தில் கொண்டுதான் நாம் தேர்தல் களத்துக்கு வந்தோம். 'தோல்வி தான் வெற்றிக்கான படிக்கல்' என்பதை நினைவில் கொள்ள வேண்டும்.

நாம் தனித்து நின்று தேர்தலை சந்தித்ததே மிகப்பெரிய வெற்றியாகும். பணபலமும், அதிகார பலமுமின்றி இருபெரும் கூட்டணிகளை சமாளித்திருக் கிறோம். அதிகார முறைகேடுகளை எதிர்கொண்டிருக்கிறோம்.

ஒவ்வொரு தொகுதியிலும் ஆளும் கட்சியின் சார்பில் பல கோடிகள் வாரி இறைக்கப்பட்டது. ஜெயலலிதா மீது உள்ள கோபத்தில் அரசு ஊழியர்களில் சிலரும் வாக்குப் பதிவின் போது, ஆளுங் கட்சியின் அராஜகங்களுக்கு துணை போயினர் அல்லது கண்டும் காணாமல் இருந்தனர்.

நமக்கு விழுந்த வாக்குகளை ஆளும் தரப்புக்கு மாற்றும் வகையில் வாக்குப் பதிவு இயந்திரத்தில் திட்டமிட்டு தில்லுமுல்லுகள் செய்யப்பட்டதால், 67 ஆயிரத்திற்கும் குறைவான வாக்குகளை மட்டுமே நாம் பெற்றதுபோல் தோற்றம் உருவாக்கப்பட்டிருக்கிறது.

நமது எழுச்சியை விரும்பாத ஆளும் கட்சி, மிகுந்த நுட்பத்தோடு நம்மை இழிவுபடுத்த நடத்திய சதியை நாம் கண்டு பிடித்துவிட்டோம்.

இப்போது தேர்தல் ஆணையத்தால் நாம் பெற்றதாக வெளியிடப்பட்டிருக்கும் வாக்கு எண்ணிக்கை உண்மையாகவே நமக்குப் பதிவான வாக்குகளில் ஒரு பகுதிதான் என்பதை காலம் நிரூபிக்கும்.

கண்மணிகளே...

நமது சமுதாய எழுச்சியை நிலை குலைய வைக்கும் வகையில் ஆளும் கட்சி செய்த அயோக்கியத்தனத்தை தெரிந்து கொண்ட சமுதாய மக்கள் கொந்தளித்துப் போயுள்ளனர். 21 ஆயிரம், 19 ஆயிரம், 13 ஆயிரம் என நமக்கான வாக்குகளை தொகுதி வாரியாக அறிவித்த போது ஒரு கணம் குழம்பிப் போய் விட்டோம்.

அலை அலையாய் ஆண்களும் பெண் களும் நமக்கு ஓட்டுப் போட்டார்கள். ஜமாஅத், ஜமாஅத்தாக நமக்குப் பிரச் சாரம் நடந்தது. சமுதாய ஆர்வலர்கள் தன்னெழுச்சியாக வாக்கு சேகரித்தார்கள். முஸ்லிமல்லாத சகோதர சகோதரிகள் நமது மாற்று அரசியலையும், கண்ணிய மான பிரச்சாரத்தை வரவேற்றார்கள்.

நான்கு தொகுதிகளில் நிச்சயம் தலா ஒரு லட்சம் வாக்குகள் கிடைக்கும் என பிற கட்சி வேட்பாளர்களே அடித்துக் கூறினார்கள்.

இதைத்தான் ஆளுங்கட்சியால் ஜீரணிக்க முடியவில்லை. மனிதநேய மக்கள் கட்சியால் திமுக கூட்டணி வேட் பாளர்கள் தோற்றார்கள் என்ற நிலை வந்துவிடக் கூடாது என்பதற்காகவே நமது தொகுதிகளில் பெரும்பாலான வாக்குப் பதிவு இயந்திரங்களில் தொழில் நுட்ப சூழ்ச்சிகளை செய்து தங்கள் கொடூர எண்ணத்தை வெளிக்காட்டி யுள்ளனர்.

கண்மணிகளே...

இவ்வளவு கேவலமாகவும், கொடூர மாகவும் திமுக தரப்பு நடந்து கொள்ளும் என கனவிலும் நினைக்கவில்லை. எனினும் நாம் இதை இப்படியே விட்டு விடப் போவதில்லை. கோழைத்தனமான இந்த சதிச் செயலை அம்பலப்படுத்தி தமிழகமெங்கும் பல்வேறு வடிவ போராட்டக் களங்களையும், பொதுக் கூட்டங்களையும் நடத்துவது குறித்து விரைவில் உயர்நிலைக் குழுவில் முடிவெடுத்து அறிவிப்போம்.

சட்டரீதியாக இதை அணுகுவது குறித்தும் தீவிரமாக ஆலோசித்து வருகி றோம். தேர்தல் ஆணையத்தையும் சந்திக்கப் போகிறோம்.

எனவே கண்மணிகளே... கலங்காதீர் கள். நமக்கு மொத்தமே 66 ஆயிரம் வாக்குகள்தான் கிடைத்தன என நினைக்காதீர்கள். நமக்கு நான்கு லட்சம் கிடைத்து, அதில் 66 ஆயிரம் வாக்குகள் மட்டுமே காட்டப்பட்டிருக்கிறது.

நாம் தோல்வியை ஒப்புக் கொள் கிறோம். ஆனால் வாக்கு எண்ணிக் கையை ஏற்க மாட்டோம். இதனை மக்களிடம் அம்பலப்படுத்துவோம்.

முதல்வர் கருணாநிதி ராஜதந்திரி என்பதைக் காட்டியுள்ளார். ஒரு ராஜதந்திரி, தனது அதிகபட்ச ராஜதந்திரத் தாலேயே வீழ்வார் என்பதை அவர் விரைவில் உணர்வார். உணர வைப்போம்.

கண்மணிகளே...

நாம் பெற்ற வாக்குகள் மகத்தானவை. யார் காலிலும் விழாமல், மார்க்க வரை முறைகளை மீறாமல், பிரியாணி பொட்ட லங்களை வழங்காமல், சாராயம் வாங்கிக் கொடுக்காமல், வாக்குச் சாவடிகளை கைப்பற்றாமல், கள்ள ஓட்டு போடாமல், வாக்காளர்களுக்கு பணம் கொடுக்காமல், அராஜகங்களை செய்யாமல், ஆளும் கட்சி பலமில்லாமல், பிரபல சின்னமில்லா மல், கவர்ச்சி அரசியல் செய்யாமல், அவதூறு பிரச்சாரத்தில் ஈடுபடாமல் இவ்வளவு வாக்குகளைப் பெற்றிருக் கிறோம் என்றால், இது இமாலய சாதனை யாகும். பிற கட்சிகள் பத்து தொகுதிகளில் பெற்ற வெற்றிக்கு இணையான சாதனையாகும்.

மேற்சொன்ன அனைத்தையும் செய்து தான் பிற கட்சிகள் ஓட்டு வாங்கின. ஆனால் நாமோ மாற்று அரசியலின் அவசியத்தை மட்டுமே முன்வைத்து பிரச்சாரம் செய்தோம். கண்ணியமாக மக்களை அணுகினோம். அவர்களோடு கைகுலுக் கினோம். கலந்துரையாடினோம். விழிப் புணர்ச்சி கருத்துக்களைப் பேசினோம். அதனால் ஒரு பெரும் அலை ஏற்பட்டது. இதுவே மக்கள் மன்றத்தில் நமக்கு கிடைத்த வெற்றியாகும்.

கண்மணிகளே...

எல்லாவற்றையும் தாண்டி நமக்கு ஏற்பட்ட பொருளாதார நெருக்கடி கொஞ் சநஞ்சமல்ல. ஒரு தொகுதியில் 10 கோடி, 20 கோடி என மற்றவர்கள் செலவு செய்த போது, நாமோ 20 லட்சம் ரூபாய் கூட செலவு செய்ய முடியாத துயர நிலைக்கு தள்ளப்பட்டோம், ஒரு தொகுதிக்கு 20 லட்ச ரூபாயை வைத்துக் கொண்டு தேர் தலை எப்படி சந்திப்பீர்கள்? என பலரும் கேள்வி கேட்டனர்.

வேறு என்ன செய்வது? சட்டியில் இருப்பதுதானே அகப்பையில் வரும்! நமக்கு வந்த தேர்தல் நிதியைக் கொண்டு அதற்குள்தானே செலவு செய்ய முடியும்? நமக்கு அம்பானியுடனோ, பிர்லாக்க ளுடனோ பழக்கம் கிடையாது. ஏழை எளிய மக்களின் வியர்வையையும், நடுத்தர மக்களின் நன்கொடைகளையும் வைத்துதான் பணி செய்து வருகிறோம்.

எனவே, நிதி நெருக்கடியால் நமக்கு ஏற்பட்ட பின்னடைவுகள் சொல்லி மாளாது. எனினும் அதையும் தைரியமாக எதிர்கொண்டுதான் தேர்தல் களத்தை வலம் வந்தோம்.

கண்மணிகளே...

இந்த நேரத்தில் ஒரு விஷயத்தை மிகமிக முக்கியமாக குறிப்பிட விரும்பு கிறேன். ஏராளமான நமது சகோதரர்கள் கடந்த ஒரு மாதமாக ஓய்வின்றி உழைத்தார் கள். குடும்பத்தினரை பிரிந்து வந்து களப்பணியாற்றினார்கள். அவர்களின் தியாகம் இணையற்றது.

சொந்தக் காசை எடுத்து வந்து அவர் களது செலவுகளை அவர்களே ஏற்றுக் கொண்டார்கள். தங்கள் ஊரிலிருந்து மொத்தமாக எடுத்துவந்த அரிசி, பருப்பு, காய்கறிகளைக் கொண்டு தங்கள் உணவு களை தாங்களே சமைத்துக் கொண்டார் கள். தங்கள் ஒரு வார வருமானத்தை இழந்து, வெயிலில் அலைந்து, வாகன வசதியின்றி வாக்கு சேகரித்த அவர்களது உழைப்பை நினைக்கும்போது கண்ணீர் மல்குகிறது. இந்த சகோதரர்கள் இல்லா விட்டால் நம்மால் எந்த பொதுப்பணியை யும் செய்ய முடியாது. அருமையான சகோதரர்களை இந்த இயக்கத்திற்கு அளித்த அந்த இறைவனைப் புகழுகின்றோம்.

கண்மணிகளே...

இப்படிப்பட்ட அருமை தொண்டர் கள் வேறு எந்த கட்சியில் இருக்கிறார்கள். கிடைத்ததை சுருட்டும் சுயநலக் கூட்டங்களுக்கு மத்தியில், இருப்பதை இழக்கும் இவர்கள்தான் இந்த இயக்கத்தின் இரத்த ஓட்டம் என்பதை நாம் எப்போதும் அறிந்திருக்கிறோம்.

கண்மணிகளே...

இதுபோல் வெளிநாடுகளில் வாழும் நமது சகோதரர்கள் நமது வெற்றிக்காக ஆற்றிய அரும்பணிகள் நமது தாயகத் தொண்டர்களுக்கு இணையானது. 10 மணி நேர வேலை முடிந்ததும் ஓய்வெடுக்கச் செல்லாமல், கட்டடம் கட்டடமாக ஏறி அங்கே பிரச்சாரம் செய்தார்கள்.

'இங்கு நடக்கும் தேர்தலுக்கு அங்கு எதற்கு பிரச்சாரம்?' என்று கேட்கலாம்.

அங்கு அவர்கள் வாழ்ந்தாலும், அவர் களின் இதயங்கள் தமிழகத்தில்தான் வாழ்கின்றன. அங்குள்ளவர்கள் தாயகத் தில் உள்ள தங்கள் உறவினர்களிடம் தொலைபேசி மூலம் பேசி, நமக்கு ஆதர வாக வாக்குகளைப் பதிவு செய்யவே அங்கும் பிரச்சாரம் நடைபெற்றது.

மின்னஞ்சல், குறுஞ்செய்திகள், கடிதங் கள் என ஒரு பெரும் சூறாவளியே வெளி நாடுகளில் வீசியது. பல சகோதரர்கள் வாக்குப் பதிவுக்கு முதல் நாள் 'தஹஜ்ஜத்' தொழுதார்கள். பலர் நோன்பு நோற்று பிரார்த்திருத்திருக்கிறார்கள்.

அவர்களுக்கெல்லாம் எப்படி நன்றி கூறுவது என்று தெரியவில்லை. இறைவன் நமக்காக உழைத்த அனைவருக்கும் ஈருலகிலும் நன்மைகளைத் தருவானாக என பிரார்த்திக்கிறோம். மேலும் நமக்கு ஆதரவளித்த இந்திய தேசிய லீக் (நிஜாம்), பாப்புலர் ஃபிரண்ட் ஆப் இந்தியா, இந்திய தவ்ஹீத் ஜமாஅத், மக்கள் ஜனநாயக கட்சி (ஷெரீப்), ஜமாஅத்தே இஸ்லாமி, இஸ்லாமிய விழிப்புணர்வு கழகம், கிறித்தவ வாழ்வுரிமை இயக்கம் உட்பட அனைவருக்கும் நன்றியைத் தெரிவிக் கிறோம்.

கண்மணிகளே..

தேர்தல் 4 தொகுதிகளிலும் நாம் வெற்றி வாய்ப்பை இழந்ததும் உலகமே முடிவிற்கு வந்தது போல் உங்களில் சிலர் விரக்தியின் உச்சத்திற்கு சென்றுள்ளதை நான் அறிவேன். இன்னும் சிலர் நாம் தஹஜ்ஜத் தொழுகையை தினமும் தொழுது இறைவனை இறைஞ்சினோம், நஃபிலான நோன்பை வைத்தோம்; உம்ரா செய்தோம், இருப்பினும் நாம் கேட்ட பிரார்த்தனையை இறைவன் அங்கீகரிக்க வில்லையே என்று ஆதங்கம் கொண்டுள்ள தையும் நான் அறிவேன். இத்தகைய மனப்பான்மையில் உள்ள சகோதரர் களுக்கு பதிலாக அமைந்துள்ளது பின் வரும் திருக்குர்ஆன் வசனங்கள்:

நம்பிக்கைக் கொண்டோரே! பொறு மையுடனும் தொழுகையுட னும்(இறைவனிடம்) உதவி தேடுங்கள். நிச்சயமாக அல்லாஹ் பொறுமை யுடையவர்களுடன் இருக்கிறான்.

(திருக்குர்ஆன் 2:153)

இன்னும், அல்லாஹ்வின் பாதை யில் கொல்லப்பட்டோரை ''(அவர் கள்) இறந்துவிட்டார்கள் என்று கூறா தீர்கள் அப்படியல்ல! அவர்கள் உயிருள் ளவர்கள் எனினும் நீங்கள் (இதை) உணர்ந்து கொள்ள மாட்டீர் கள். (திருக்குர்ஆன் 2:154)

நிச்சயமாக, நாம் உங்களை ஓரளவு அச்சத்தாலும் பசியாலும் பொருள் கள் உயிர்கள் விளைச்சல்கள் ஆகிய வற்றின் இழப்பினாலும் சோதிப் போம். ஆனால் பொறுமையுடை யோருக்கு (நபியே!) நீர் நன்மாராயங் கூறுவீராக! (திருக்குர்ஆன் 2:153)

(பொறுமை உடையோராகிய) அவர்களுக்குத் துன்பம் ஏற்படும் போது 'நிச்சயமாக நாம் அல்லாஹ்வுக்கே உரியவர்கள் 'நிச்சயமாக நாம் அவனி டமே திரும்பிச் செல்வோம்' என்று கூறுவார்கள். (திருக்குர்ஆன் 2:156)

இத்தகையோர் மீது தான் அவர் களுடைய இறைவனின் நல்லாசியும் நற் கிருபையும் உண்டாகின்றன; இன்னும் இவர்கள் தாம் நேர் வழியை அடைந் தவர்கள். (திருக்குர்ஆன் 2:157)

இந்த வசனங்கள் உஹது போர் முடிவடைந்த நிலையில் அருளப் பட்டவை. இந்த வசனங்கள் தான் இன்று தேர்தல் பின்னடைவை சந்தித்திருக் கும் நமக்கு ஒரு உந்துதல் சக்தியாக இருக்க வேண்டும். இந்த தேர்தல் முடிவு கள் நம்மை சுயபரிசோதனை செய்துகொள்ள இறை வன் நாடியுள்ள நிகழ்வுகள் என்பதை முதல் நாம் உணரவேண்டும்.

கடந்த காலங்களில் நாம் பெரிய வெற்றிகளைப் பெற்ற போது, நாம் இறை வனுக்கு உரிய வழியில் நன்றி செலுத்தி இருக்கின்றோமா என்பதை சற்று சிந்தித் துப் பாருங்கள். மேலே குறிப்பிட்டுள்ள வசனங்களில் இறைவன் நம்மை பொறுமை யைக் கொண்டும் தொழுகையைக் கொண்டும் உதவி தேட சொல்கிறான். நமக்கு வெற்றிக் கிட்டும் போதும், நாம் இறைவனுக்கு நன்றி செலுத்த வேண்டும். நாம் சோதனைகளை எதிர்கொள்ளும் போது நாம் பொறுமையுடன் அதனை எதிர் கொள்ள வேண்டும்.

முஸ்மில் பதிவாகியுள்ள ஒரு நபிமொழியில் அண்ணல் நபி (ஸல்) அவர்கள் கூறுகிறார்கள்:

வியப்பிற்குரியவராக நம்பிக்கையா ளர் இருக்கிறார். இறைவன் நம்பிக்கை யாளர்களுக்கு அளிப்பதெல்லாம் அவருக்கு நன்மையாகத்தான் இருக்கும். ஒரு நன்மை நம்பிக்கையாளனுக்கு கிடைக்கும் போது அவன் அதற்கு நன்றி செலுத்துகிறான். அது அவனுக்கு நன்மை யாகவே அமைகின்றது. நம்பிக்கை யாளனுக்கு இறைவன் சோதனைகளைத் தரும்போது அவன் பொறுமை காக்கி றான். அது அவனுக்கு நன்மையாகவே அமைகின்றது.

எனவே கண்மணிகளே... இந்தத் தேர் தல் நாம் வெற்றி வாய்ப்பை இழந்துள்ள நிலையில் நாம் விரக்தி கொள்வதில் பயனில்லை.

இந்த முடிவில் நாம் அறியாத நன் மையை இறைவன் நமக்குத் தந்துள் ளான். நாம் இந்த நேரத்தில் பொறுமை யைக் கொண்டும் தொழுகையைக் கொண்டும் இறைவனிடம் உதவி தேடு வதே; அடுத்து நமக்கு பெரிய வெற்றி கிடைக்க உதவிடும்.

கண்மணிகளே...

நாம் வெற்றியை இழந்திருக்கிறோம். களத்தை இழந்து விடவில்லை. சூழ்ச்சி அரசியலில் சோதனைகளை சந்தித்திருக் கிறோம். இன்றைய நிகழ்காலம் நம்மை கைவிட்டிருக்கலாம். இறையருளால் நாளைய எதிர்காலம் நம்முடையதே என்பதை மறவாதீர்.

தேர்தலை மட்டுமே குறிக்கோளாகக் கொண்டவர்கள் துவண்டு போவார்கள். நாமோ லட்சியவாதிகள். தேர்தல் என்பது நமது பயணத் திட்டத்தில் ஒரு பகுதி மட்டுமே. வெற்றி பெற்றிருந்தால் செய்ய வேண்டியிருந்த பணிகளை இனி வெளியில் இருந்து போராடி செய்வோம்.

இந்த நாடாளுமன்றத் தேர்தல் நமக்கு பயிற்சிக் களம் மட்டுமே. அடுத்துவரும் சட்ட மன்றத் தேர்தலை தெளிவான திட்டமிட லோடு சந்திப்போம். நாளை நமதே என்பதை மறவாதீர் இன்ஷாஅல்லாஹ்.

(நம்பிக்கையாளர்களே!) நீங்கள் தைரி யத்தை இழந்திட வேண்டாம்; கவலைப் படவும் வேண்டாம்; (உண்மையாகவே) நீங்கள் நம்பிக்கைக் கொண்டவர்களாக இருந்தால் நீங்கள்தான் வெற்றி அடை வீர்கள். (திருக்குர்ஆன் 3:139)

அன்புடன்

எம்.ஹெச்.ஜவாஹிருல்லாஹ்

ம.ம.க.வினர் மீது பொய் வழக்குகள்

2009-05-19T13:40:00.002+05:30

மனிதநேய மக்கள் கட்சியினர் சென்னையில் தாக்கப்பட்டதைக் கண்டித்து தமிழகம் முழுவதும் வெள்ளியன்று (15.6.09) தமுமுக, மமக சார்பில் கண்டன ஆர்ப்பாட்டங்கள் நடைபெற்றன. இந்த ஆர்ப்பாட்டங் களில் ஆயிரக்கணக்கானோர் கலந்து கொண்டனர். திமுக ரவுடிகளுக்கு எதிராகவும், காவல்துறையைக் கண் டித்தும் முழக்கங்கள் எழுப்பப்பட்டன. எனினும் அனைத்து ஆர்ப்பாட் டங்களும் அமைதியான முறையில் நடந்து முடிந்தன.

ஆனால் திமுக அமைச்சர்கள் மற்றும் நிர்வாகிகளின் தூண்டுதல் பேரில் காவல்துறையினர் மற்றும் ம.ம.க.வினர் மீது தொடர்ச்சியாக பொய் வழக்குகளை புனைந்து வருகின்ற னர். ராமநாதபுரத்தில் ஆர்ப்பாட்டத் தில் கலந்து ம.ம.க. வேட்பாளரும், மாவட்டச் செயலாளருமான சலிமுல்லா கான் உட்பட 100 பேர் மீது கொலை முயற்சி வழக்குப் பதிவு செய்யப்பட்டுள்ளது. வந்தவாசியில் ததஜ அலுவலகத்தை தாக்கியதாக 30 பேர் மீதும், சேலத்தில் 20 பேர் மீதும் என ம.ம.க.வினர் மீது வழக்குகளைப் பதிவு செய்யும் அடக்குமுறையைக் கையாள ஆரம்பித்துவிட்டது ஆளுங் கட்சியான தி.மு.க.

தமுமுகவின் ஆரம்ப காலங் களில் அடக்குமுறையைக் கட்டவிழ்த் தது இதே திமுகதான். ஆயினும் தமுமுக வீறு கொண்டு எழுந்தது. மக்களின் பேரியக்கமாக மாறியது. இப்போது ம.ம.க. மீதான வழக்கு களும், அடக்குமுறைகளும் ம.ம.க. வின் எதிர்கால அரசியல் எழுச்சி யையே காட்டுவதாக அரசியல் பார்வையாளர்கள் கூறுகின்றனர்.

தமிழக தேர்தல் தில்லுமுல்லுகள் குறித்து முழுமையான விசாரணை தேவை

2009-05-18T18:38:00.002+05:30

மனிதநேய மக்கள் கட்சி போட்டியிட்ட நான்கு தொகுதிகளிலும் வெற்றி வாய்ப்பை இழந்திருக்கிறது. இந்த முடிவை எதிர்பார்த்துதான் நாம் போட்டியிட்டோம். இருபெரும் கூட்டணிகளையும், அவர்களது பணபலத்தையும் எதிர்த்து வெற்றி பெறுவது அவ்வளவு எளிதல்ல என்பது நமக்கு தெரியும்.

ஆனால், ஒவ்வொரு தொகுதியிலும் 75 ஆயிரம் தொடங்கி 1 லட்சம் வரை வாக்குகளைப் பெறுவோம் என எதிர்பார்த்தோம். ஆனால் நம்மை அதிர்ச்சியில் ஆழ்த்தும் விதமாக குறைவான வாக்குகளை நாம் பெற்றதாக தேர்தல் ஆணையம் அறிவித்துள்ளது. இதை நம்மால் நம்ப முடியவில்லை, ஏற்க முடியவில்லை.

உதாரணத்திற்கு, மத்திய சென்னை தொகுதியில் துறைமுகம் பகுதியிலும், பொள்ளாச்சி தொகுதியில் குனியமுத்தூர் பகுதியிலும், ராமநாதபுரம் தொகுதியில் மண்டபத்திலும், மயிலாடுதுறை தொகுதியில் கும்பகோணத்திலும் ஒரு வாக்குச் சாவடியில் குறைந்தது ஆயிரம் வாக்காளர்கள் ம.ம.க. வேட்பாளர்களுக்கு வாக்களித்துள்ளனர். ஆனால் மிகமிகக் குறைவான வாக்குகளே கணக்கில் வருகிறது.

'வாக்குப் பதிவு இயந்திரங்களில் மோசடி நடந்துள்ளது' என்ற ஜெயலலிதாவின் குற்றச்சாட்டு உண்மையானதுதான் என்பது இதன்மூலம் தெரிய வருகிறது. (இதுகுறித்து தினமணி நாளிதழில் மே 14 அன்று வந்த செய்தி தனியாக உள்ளது).

மயிலாடுதுறை தொகுதிக்குட்பட்ட நாச்சியார்கோவிலில் பூத் ஒன்றில் எந்த பொத்தானை அழுத்தினாலும் அது கை சின்னத்தில் ஒலி எழுப்பியது. உடனே ஜே.எஸ்.ரிஃபாயி தலைமையிலான குழு ஒரு புகார் கொடுத்த பிறகே அது சரிசெய்யப்பட்டது. அதுபோல் பாபநாசம் அருகே ஒரு கிராமத்தில் இதே குற்றச்சாட்டை மக்கள் கூறிய பிறகே அது சரிசெய்யப்பட்டது.

நமது கவனத்திற்கு வராமல் எத்தனை வாக்குப்பதிவு இயந்திரங்களில் இந்த சதி நடத்தப்பட்டிருந்தது என்று தெரியவில்லை.

ஆளும் கட்சியினர், அரசு ஊழியர்களின் உதவியுடன் பல தில்லுமுல்லுகளை செய்ததாக சில பத்திரிகையாளர்கள் நம்மிடம் தெரிவித்தனர்.

ம.ம.க. போட்டியிடும் தொகுதிகளில் நமது வாக்குகளை பத்தில் ஒரு பங்காக குறைத்து காண்பிக்க திட்டமிட்டு சதி செய்திருக்கிறது ஆளும் கட்சி.

எதிர்காலத்தில் முஸ்லிம்கள் வலுவான அரசியல் பேரம் செய்யக் கூடாது என்பதற்காக இச்சதி அரங்கேற்றப்பட்டுள்ளது.

நாம் பல பூத்துகளில் நமது சகோதரர்களை ஏஜென்டுகளாக போட்டிருந்தோம். அவர்களும், அவர்களுடைய குடும்பத்தினரும் போட்ட வாக்குகள் கூட காணாமல் போய், அங்கே பூஜ்யம் வாக்குகள் என உள்ளது. இது நமது குற்றச்சாட்டை மேலும் வலுப்படுத்தியிருக்கிறது.

அதுபோல் பா.ம.க.வை ஏழு தொகுதிகளிலும் தோற்கடிக்க திட்டமிட்டு தில்லுமுல்லுகள் நடத்தப்பட்டிருக்கிறது.

மதுரையில் அழகிரிக்கு கடும் போட்டியைக் கொடுத்த மார்க்சிஸ்ட் கட்சியைப் பழிவாங்கும் விதத்தில் கன்னியாகுமரி தொகுதியில் அக்கட்சி 'டெபாசிட்' இழந்ததாக அறிவிக்கப்பட்டிருக்கிறது. கன்னியாகுமரி மார்க்சிஸ்டுகளின் கோட்டை மட்டுமல்ல, அதிமுகவின் வலுவான பகுதியுமாகும்.

திமுகவை கடுமையாக எதிர்க்கும் வைகோ, தா.பாண்டியன் ஆகியோர் அநியாயமாக தோற்கடிக்கப்பட்டுள்ளனர். வைகோ தொகுதியில் பதிவான வாக்குகளை விட கூடுதலான 22 ஆயிரம் வாக்குகள் எண்ணப்பட்டு வைகோ தோல்வியடைந்ததாக அறிவிக்கப்பட்டிருக்கிறார். தா.பாண்டியன் தொகுதியில் தலைக்கு 1000 ரூபாய் பணம் வினியோகிக்கப்பட்டு கட்சி சாராத வாக்காளர்கள் தா.பாண்டியனுக்கு எதிராக கடைசி நேரத்தில் திசை திருப்பப்பட்டனர்.

முதலில் 330 வாக்குகள் வித்தியாசத்தில் தோற்றுவிட்டதாக அறிவிக்கப்பட்ட ப.சிதம்பரம், பிறகு வெற்றி பெற்றதாக அறிவிக்கப்பட்ட மாயாஜாலமும் நடந்துள்ளது. திடீரென எங்கிருந்தோ வந்த தொலைபேசியினால் சிதம்பரம் வெற்றி பெற்றுவிட்டதாக கொஞ்சமும் மனசாட்சியின்றி அறிவிக்கப்பட்டிருக்கிறது.

தமுமுக நிர்வாகிகள் அதிகமாக வசிக்கும் பகுதிகளில் உள்ள வாக்குச்சாவடிகளில் கூட ரயில் எஞ்சினுக்கு ஒரு வாக்கு கூட பதிவாகவில்லை என்று கூறுவதை நம்ப முடியாமல் வாக்களித்தவர்கள் குமுறுகிறார்கள்.

முஸ்லிம்களின் எழுச்சியை அச்சுறுத்தும் வகையில் மத்திய சென்னை தொகுதியில் திமுகவினரால் நடத்தப்பட்ட கலவரம் பலரையும் வாக்குச்சாவடி பக்கம் போகவிடாமல் தடுத்துவிட்டது.

மத்திய சென்னையில் கலவரத்தால் பாதிக்கப்பட்ட பகுதிகளில் மறு வாக்குப் பதிவு அனுமதி கேட்டும் மறுக்கப்பட்டிருக்கிறது.

தேர்தல் ஆணையம் நேர்மையாக செயல்பட முடியாத பலகீனமான நிலையில் உள்ளது.

நமது இக்குற்றச்சாட்டுகள் குறித்து முழுமையான விசாரணை நடத்தப்பட வேண்டும். அப்போதுதான் தேர்தலில் நடைபெற்ற தில்லுமுல்லுகள் அனைத்தும் அம்பலமாகும்.

-தமிமுன் அன்சாரி

இனிவரும் தேர்தல்களில் ஓட்டுச்சீட்டு முறையை மீண்டும் கொண்டுவர வேண்டும்!மனிதநேய மக்கள் கட்சி வலியுறுத்தல்!!

2009-05-18T13:05:00.001+05:30

மனிதநேய மக்கள் கட்சியின் தலைமை ஒருங்கிணைப்பாளரும் தமுமுகவின் தலைவருமான எம்.ஹெச். ஜவாஹிருல்லாஹ் அவர்கள் வெளியிடும் அறிக்கை:

ஒடுக்கப்பட்ட மக்களும் அரசியல் உரிமை பெறவேண்டும், அடித்தட்டு மக்களுக்கும் அதிகாரப் பிரதிநிதித்துவம் வேண்டும், அரசியலில் லஞ்சத்தையும், ஊழலையும், மதவாதத்தையும் வேறுக்க வேண்டும் என்பவை உள்ளிட்ட மக்கள் நலன் சார்ந்த மகத்தான லட்சியங்களை முன்வைத்து மனிதநேய மக்கள் கட்சி மக்களவைத் தேர்தலில் களமிறங்கியது.

மத்திய சென்னை, மயிலாடுதுறை, ராமநாதபுரம், பொள்ளாச்சி ஆகிய தொகுதிகளில் மனிதநேய மக்கள் கட்சி போட்டியிட்டது. இத்தொகுதிகளில் ம.ம.க.வுக்கு வாக்களித்த மக்களுக்கு இதயம் கனிந்த நன்றியைத் தெரிவித்துக் கொள்கிறோம்.

கட்சி தொடங்கி மூன்று மாதங்களில் நான்கு தொகுதிகளில் மிகப்பெரிய சக்திகளை எதிர்த்து மனிதநேய மக்கள் கட்சி களம் கண்டது. தேர்தலில் வெற்றி கிட்டாவிட்டாலும் மனிதநேய மக்கள் கட்சியின் உயர்ந்த லட்சியங்கள் எதிர்காலத்தில் வெல்ல இடையறாது பாடுபடுவோம் என்பதை தெரிவித்துக் கொள்கிறேன்.

இந்தத் தேர்தல் முடிவுகள் மின்னணு வாக்குப் பதிவு இயந்திர முறை மீது பலமான சந்தேகங்களை எழுப்பியுள்ளது. எந்தவொரு பொத்தானை அழுத்தினாலும் ஒரு குறிப்பிட்ட சின்னத்திற்கு செல்லும் நிலை பல தொகுதிகளில் ஏற்பட்டது போல மனிதநேய மக்கள் கட்சி போட்டியிட்ட தொகுதிகளிலும் ஏற்பட்டுள்ளது.

மின்னணு தொழில்நுட்பத்தில் முன்னேறிய அமெரிக்கா, ஐரோப்பிய நாடுகளில் கூட மின்னணு வாக்குப் பதிவு இயந்திரங்கள் பயன்படுத்தப்படுவதில்லை. இந்தியாவில் மீண்டும் ஓட்டுச்சீட்டு முறையில் தேர்தல் நடத்தப்பட வேண்டுமென மனிதநேய மக்கள் கட்சி கோருகின்றது.

மனிதநேய மக்கள் கட்சி வேட்பாளர்கள் பெற்ற ஓட்டுகளின் எண்ணிக்கை

2009-05-17T11:58:00.001+05:30

செ.ஹைதர் அலி (மத்திய சென்னை) 13,160

பேரா. எம்.ஹெச். ஜவாஹிருல்லாஹ் (மயிலாடுதுறை) 19, 816

எஸ். சலிமுல்லாஹ் கான் (இராமநாதபுரம்) 21, 439

இ. உமர் (பொள்ளாச்சி) 13, 933

காயமடைந்த ம.ம.க தொண்டர்கள் சிகிச்கைக்காக அப்போலோவில் அனுமதி

2009-05-13T19:38:00.002+05:30

இன்று (13-05-09) நடைபெற்ற வாக்குப்பதிவின் போது திமுக குண்டர்களின் கொலைவெறித் தாக்குதலில் காயமடைந்தோர்களை சென்னை அப்போலோ மருத்துவமனையில் தீவிர சிகிச்சைக்காக அனுமதிக்கப் பட்டுள்ளனர்.

சிகிச்சை பெறுபவர்களை தமுமுக பொதுச் செயலாளர் செ. ஹைதர் அலி ம.ம.க பொதுச் செயலாளர் அப்துல் சமது ஆகியோர் உடல்நலம் விசாரித்து ஆறுதல் தெரிவித்தனர்.

சிகிச்சை பெறுபவர்களை ம.ம.க பொருளாளர் ஹாருன் ரசீத் உடன் இருந்து கவனித்து வருகிறார்.

சிகிச்சை பெற்று வருபவர்களை ஐ.என்.டி.ஜெ தலைவர் பாக்கர், அதிமுக திருவல்லிக்கேணி சட்டமன்ற உறுப்பினர் பதர் சையது, முஸ்லிம் தொண்டு இயக்கத்pன் பொதுச் செயலாளர் முகம்மது ஹனிபா ஆகியோர் உடல்நலம் விசாரித்தனர்.

மறுஓட்டுப் பதிவு நடத்த வேண்டும் ம.ம.க கோரிக்கை

2009-05-13T19:03:00.000+05:30

மத்திய சென்னை தொகுதிக்கு உட்பட்ட திருவல்லிக்கேணி பகுதியில் இன்று காலை சுமார் 11.00 மணியளவில் திருவல்லிக்கேணியில் திமுக பகுதி செயலாளரும் மற்றும் சென்னை மாநகராட்சி மாமன்ற உறுப்பினருமான காமராஜ், திமுகச் சேர்ந்த சேரன் ஆகியோர் தலைமையில் திமுக குண்டர்கள் 200க்கு மேற்பட்டோர் திருவல்லிக்கேணி என்.கே.டி. பள்ளி வாக்குச்சாவடி எண் 97, 98, 99, 100, 102, 104, 110 உட்பட்ட பத்து வாக்குச்சாவடிகளைக் கைப்பற்றி கள்ள ஓட்டு போடுவதாக தகவல் வந்ததையடுத்து ம.ம.க. வேட்பாளர் ஹைதர் அலி அவர்கள் அங்கு சென்றுள்ளார்.

அப்போது திமுக குண்டர்கள் வீச்சரிவாள், கத்தி, கடப்பாரை, உருட்டுக்கட்டை போன்ற பயங்கர ஆயுதங்களுடன் மனிதநேய மக்கள் கட்சியின் பிரமுகர்கள் பயணம் செய்த கார்களை (Safari Car (Ash Colour) No.PY01 AA 1977 & Bolero Car (White Colour) No. TN 21 AX 9001) துவம்சம் செய்துவிட்டு, கார்களில் இருந்த திரு. ஜாகிர் உசேன், ஹசன், மீரான் மொய்தீன், காஜா, பாரூக், சலாவுதீன், ஹைதர் அலி, வசீம், ஜாகிர் உசேன் மற்றும் மூஸா உள்ளிட்ட நபர்களை கொலை செய்யும் நோக்கத்துடன் கொலை வெறித் தாக்குதல் நடத்திக் கொண்டிருந்தார்கள். அப்போது எமது கட்சி வேட்பாளரைக் கண்டவுடன் அவரையும் கொலை செய்யும் நோக்கத்துடன் மேற்கண்ட ஆயுதங்களுடன் அவரை நோக்கி ஓடி வந்து கொண்டிருந்தார்கள். உடனே கட்சிப் பிரமுகர்களின் உதவியுடன் அங்கிருந்து தப்பிச் சென்ற ஹைதர் அலி அவர்கள், மத்திய சென்னை தேர்தல் அதிகாரியிடம் மேற்கண்ட அசம்பாவிதங்கள் குறித்து எடுத்துக் கூறி நடவடிக்கை எடுக்கும்படி புகார் கொடுத்துள்ளார். மேலும் காவல்துறையிடமும் அவர் புகார் கொடுத்துள்ளார். ஆனால் ஆளுங்கட்சியினர் மீது காவல்துறை எவ்வித நடவடிக்கையும் எடுக்கவில்லை.

இதனிடையே கலவரச் சூழலை தங்களுக்கு சாதமாகப் பயன்படுத்திக் கொண்ட திமுக குண்டர்கள், மேற்கண்ட 10 வாக்குச் சாவடிகளிலும் எண்ணற்ற கள்ள ஓட்டுக்களை போட்டுள்ளனர். மேலும் கொடிய ஆயுதங்களுடன் வாக்குச் சாவடிகளைக் கைப்பற்றி பொதுமக்களை உள்ளே விடாமல் தடுத்து தொடர்ச்சியாக கள்ள ஓட்டுக்களைப் போட்டுள்ளார்கள். இதனால் பொதுமக்கள் வாக்குச் சாவடிக்குள் செல்ல பயந்து தங்களுடைய வாக்களிக்கும் உரிமையை பயன்படுத்த முடியவில்லை.

இந்த அசம்பாவிதம் நடந்து கொண்டிருக்கும் போது அங்கிருந்த ஐஸ்'ஹவுஸ் காவல் நிலைய ஆய்வாளர் ரகுபதி உள்ளிட்ட காவல்துறையினர் மனிதநேய மக்கள் கட்சியினருக்கு எதிரான வன்முறையை கைகட்டி வேடிக்கைப் பார்த்துக் கொண்டிருந்தனர். தேர்தல் அதிகாரிகளும் அலுவலர்களும் திமுகவினருக்கு ஆதரவாகவே செயல்பட்டனர்.

இச்சூழ்நிலையில், மத்திய சென்னை தொகுதியில் வன்முறைகள் நடந்தேறிய வாக்குச் சாவடிகள் எண் 97, 98, 99, 100, 102, 104, 110 உட்பட பத்து வாக்குச் சாவடிகளில் மத்திய காவல் படை உதவியுடன் மறு தேர்தல் நடத்துமாறும், அதுவரை மத்திய சென்னை தொகுதிக்கான வாக்கு எண்ணிக்கையை நிறுத்தி வைக்குமாறும், மேலும் திமுக குண்டர்களுக்கு ஆதரவாகவும், மனிதநேய மக்கள் கட்சிக்கு எதிராகவும் செயல்பட்ட காவல்துறையினர் மீது உரிய நடவடிக்கை எடுக்குமாறும், கொலைவெறித் தாக்குதலில் ஈடுபட்ட திமுக குண்டர்கள் மீது சட்டப்படி நடவடிக்கை எடுக்க ஆவன செய்யுமாறும் மாநில தலைமைத் தேர்தல் ஆணையரிடம் மனிதநேய மக்கள் கட்சி வேட்பாளர் ஹைதர் அலி அவர்கள் கோரிக்கை மனுவை அளித்துள்ளார்.

தமுமுக மற்றும் மமக தலைமை நிர்வாகிகள் ஓட்டளித்த காட்சிகள்

2009-05-13T16:28:00.001+05:30

வாக்குச் சாவடிகளை சோதனை செய்யும் தமுமுக தலைவர் பேரா. எம்.ஹெச். ஜவாஹிருல்லாஹ்

மனிதநேய மக்கள் கட்சியின் மத்திய சென்னை வேட்பாளரும் தமுமுகவின் பொதுச் செயலாளருமான செ. ஹைதர் அலி முத்தால்பேட்டை மேல்நிலைப் பள்ளியில் ஓட்டளித்தார்.

இராமநாதபுரம் ம.ம.க வேட்பாளர் சலிமுல்லாஹ்கான் இராமநாதபுரம் எம்.எஸ்.கே உயர்நிலைப் பள்ளியில் வாக்களித்த காட்சி

மயிலாடுதுறையில் பேராசிரியர் இறுதிநாள் பிரச்சார காட்சிகள்

2009-05-12T11:41:00.000+05:30

மயிலாடுதுறையில் பேராசிரியர் இறுதிநாள் (11.5.2009 பிரச்சார காட்சிகள்

பொள்ளாச்சியில் உமர் தீவிர வாக்கு சேகரிப்பு

2009-05-12T11:35:00.000+05:30

மனிதநேய மக்கள் கட்சியின் பொள்ளாச்சி வேட்பாளரும் தமுமுகவின் மாநிலச் செயலாளருமான இ.உமர் இறுதிகட்ட வாக்குச் சேகரிப்பு

மத்திய சென்னையில் பொதுச் செயலாளர் சூறாவளி பிரச்சாரம்

2009-05-12T11:05:00.000+05:30

மனிதநேய மக்கள் கட்சியின் மத்திய சென்னை வேட்பாளரும் தமுமுகவின் பொதுச் செயலாருமான செ.ஹைதர் அலி வாட்டி எடுக்கும் கத்தரி வெயிலையும் பொருட்படுத்தாமல் தீவிர பிரச்சாரம் செய்தார்

எந்தவித எதிர்பார்ப்புமின்றி 14 ஆண்டுகளாக மக்கள் சேவை : ம .நே. ம. க., வேட்பாளர் சலிமுல்லாகான் பேட்டி

2009-05-12T10:44:00.001+05:30

எந்த எதிர்பார்ப்புமின்றி மனிதநேய மக்கள் கட்சி 14 ஆண்டுகளாக மக்கள் சேவை செய்து வருவதாக அதன் ராமநாதபுரம்வேட்பாளர் சலிமுல்லாகான் தெரிவித்தார்.
"தினமலர்' நிருபருக்கு அவர் அளித்த சிறப்பு பேட்டி: ராமநாதபுரம் தொகுதியில் அனைத்து சமுதாய மக்களும் எங்கள் கட்சியினரை அன்புடன் வரவேற்று, தங்களது ஓட்டு மனித நேய மக்கள் கட்சிக்கே என கூறியுள்ளனர். எங்கள் கட்சி தொண்டர்கள் தன்னலம் பாராமலும், பசியறியாமலும் ஆற்றிய பணிகளால் இன்று தொகுதி முழுவதும் மக்கள் மனித நேய மக்கள் கட்சி பற்றி பேசி வருவதை காணமுடிகிறது.எனது வெற்றி உறுதி என்பதால் மற்ற கட்சியினரிடம் எங்களை பற்றி தவறான வதந்திகளை பரப்பி வருகின்றனர்.
என் மேல் தவறான குற்றச்சாட்டுகளை துண்டு பிரசுரங்களாக அச்சிட்டு முகவரியில்லாமல் வினியோகிக்கின்றனர். குற்றச்சாட்டு கூறுபவர்கள் உண்மையானவர்களாக இருந்தால் என்னுடன் நேருக்கு நேர் பொது மேடையில் விவாதிக்க தயாரா? எனது பொது வாழ்க்கையில் நான் யாருக்கும் எப்போதும் கெடுதல் செய்யவில்லை . என் மீது கூறப்பட்ட குற்றசாட்டை நிருபித்தால், நான் வெற்றி பெற்றால் எனது பதவியை ராஜினாமா செய்ய தயார்.
மனித நேய மக்கள் கட்சி கடந்த 14 ஆண்டுகளில் மக்களுக்கு பல்வேறு நலத்திட்ட உதவிகளை செய்துள்ளது. 2008 முதல் நடப்பு வரையில் மட்டும் 18 பேர்களுக்கு ரூ.52 ஆயிரம் மதிப்பில் ஆம்புலன்ஸ் சர்வீஸ் இலவசமாக செய்துள்ளோம். மாவட்டம் முழுவதும் 10 ஆம்புலன்ஸ்கள் இலவச சேவைக்காக நிறுத்தி வைத்துள்ளோம். கண்சிகிச்சை முகாம்கள், பொது மருத்துவ முகாம்கள், சர்க்கரை நோய் கண்டறியும் முகாம் போன்ற 20க்கும் மேற்பட்ட முகாம்கள் நடத்தி போலியோ விழிப்புணர்வு பிரசாரம் நடத்தியுள்ளோம்.
ராமநாதபுரம், மண்டபம், பரமக்குடி, போகலூர், கிளியூர், புதுமடம், வேதாளை, பனைக்குளம் போன்ற பகுதிகளில் 564 மாணவ, மாணவிகளுக்கு ரூ.2.37 லட்சம் கல்வி உதவிகள் வழங்கியுள்ளோம். நோன்பு பெருநாளுக்கு புத்தாடை, உணவு பொருட்கள் என ரூ.7 லட்சம் மதிப்பில் தானம் செய்யப்பட்டுள்ளது.
இதுவரை ராமநாதபுரம், மண்டபம், வேதாளை ஆகிய பகுதிகளில் கல்வி, மருத்துவம், சிறுதொழில் துவங்க நகை ஈடாக பெற்று வட்டியில்லாமல் கடன் வழங்கியுள்ளோம்.
நான் இந்த தொகுதியில் வெற்றி பெற்றால், அனைவருக்கும் கல்வி கிடைக்க கல்வி நிதிஉதவி வழங்க முயற்சிப்பேன். மீனவர்களுக்கும், ஏழை எளியவர்களுக்கும் வட்டியில்லா கடன் வழங்கும் வங்கியை துவங்குவேன்.
கடல் அட்டை மீதான தடையை நீக்க குரல் கொடுப்பேன். சேது சமுத்திர திட்டத்தை நிறைவேற்ற பாடுபடுவேன். 6 சட்டசபை தொகுதிகளிலும் தொழிற்சாலை துவங்க நடவடிக்கை எடுப்பேன். தொகுதியில் சாலை வசதிகள், ராமேஸ்வரத்திற்கு கூடுதல் ரயில், கிழக்கு கடற்கரை சாலை வழியாக கீழக்கரை, சாயல்குடி, தூத்துக்குடி செல்லும் வகையில் ரயில் போக்குவரத்து கொண்டு வர முயற்சி செய்வேன்.
கடல்சார்ந்த ஆராய்ச்சிகளை ஊக்கப்படுத்தும் வகையில் கடல்சார் பல்கலை., கொண்டு வர முயற்சிப்பேன். எங்கள் கட்சி கடந்த 14 ஆண்டுகளாக எந்த எதிர்பார்ப்புமின்றி மக்களுக்காகவே சேவை செய்து வருகிறது. தற்போது முதன்முறையாக அரசியல் ரீதியாக மக்களை சந்திப்பதால், மக்கள் எங்களை முழுமனதோடு ஏற்று கொண்டுள்ளனர்.எங்களுடன் புதிய தமிழகம் கட்சியினரும் சேர்ந்து பணியாற்றுவது எங்களுக்கு வலு.
அபிராமம், வீரசோழன், பார்த்திபனூர், பரமக்குடி, எமனேஸ்வரம், பெரியபட்டினம், கமுதி, வேதாளை, மண்டபம், ராமேஸ்வரம், தொண்டி, மணமேல்குடி, மேலபுதுக்குடி, காஞ்சிரங்குடி, நரிப்பையூர், சிக்கல் வாலிநோக்கம் உள்ளிட்ட அனைத்து ஜமாத்துகளிலும் எங்களுக்கு ஆதரவு அளித்துள்ளதுடன், எங்களின் வெற்றிக்காக சிறப்பு பிரார்த்தனை செய்துள்ளனர். மக்களுக்காக இரவு பகல் பாராமல் உழைக்க நான் தயாராக இருக்கிறேன். இவ்வாறு சலிமுல்லாகான் கூறினார்.

அவதூறு பரப்புவோர் இறைவனை அஞ்சிக் கொள்ளட்டும்-தமுமுக தலைவர்

2009-05-10T19:17:00.001+05:30

தமுமுக தலைவரும் மனிதநேய மக்கள் கட்சியின் மயிலாடுதுறை தொகுதி வேட்பாளருமான பேரா. ஜவாஹிருல்லாஹ் அவர்களின் அறிக்கை:

நான் மயிலாடுதுறை தொகுதியில் மனிதநேய மக்கள் கட்சியின் வேட்பாளராகப் போட்டியிடுகிறேன். வாக்கு சேகரிப்பதற்காகவும், ஆதரவு கோரியும் தொகுதியில் உள்ள அனைத்து முக்கியப் பிரமுகர்களையும், மதத் தலைவர்களையும் சந்தித்து வருகிறேன். கடவுள் நம்பிக்கை இல்லாதவர்கள், கிறித்தவ பாதிரியார்கள் என பலரையும் சந்தித்தது போலத்தான் திருவாடுதுறை ஆதினம் அவர்களையும் சந்தித்தேன். திருக்குர்ஆன் மொழியாக்கப் பிரதி ஒன்றை பரிசளித்துவிட்டு அவரிடம் ஆதரவு கோரினேன். அவரும் நான் தேர்தலில் வெற்றி பெற தனது ஆதரவை தெரிவித்தார்.நான் அவரது காலில் விழவும் இல்லை. கையெடுத்து வணக்கம் செய்யவும் இல்லை.

இச்செய்தியைத் ஆதினத்திடம் ஆசி பெற்றதாக அவர்களது பாணியில் தினமணி பத்திரிகை செய்தி வெளியிட்டிருக்கிறது. இந்தச் செய்தியை வைத்துக் கொண்டு அவதூறு பரப்புவதை மட்டுமே நோக்கமாகக் கொண்ட சிலர் இச்செய்தியைத் திரித்து ஆதினத்தை நான் வணங்கியது போலவும், அருளாசி பெற்றது போலவும் சித்தரித்து அவதூறுச் செய்திகளைப் பரப்பி வருகின்றனர்.

நான் என்னுடைய மாணவப் பருவத்திலிருந்து ஏகத்துவக் கொள்கையை உயிர்மூச்சாகப் பின்பற்றி வருபவன் என்பது அனைவருக்கும் தெரியும். ஆனால் மட்டமான அரசியல் லாபத்திற்காக சிலர் இவ்வாறான அவதூறுப் பிரச்சாரம் செய்வது வேதனையளிக்கிறது. அவர்கள் இறைவனை அஞ்சிக் கொள்ளட்டும் என்று எச்சரிக்கிறேன்

துறைமுகத்தில் மோட்டார் சைக்கிள் பேரணி

2009-05-10T12:44:00.001+05:30

மனிதநேய மக்கள் கட்சியின் மத்திய சென்னை வேட்பாளர் செ. ஹைதர்அலி இன்று (10-05-09) நூற்றுக்கணக்கான இரு சக்கர மோட்டார் சைக்கிள் மூலம் வாக்கு சேகரித்தார்.

சலிமுல்லாஹ்கானை ஆதரித்து பாக்கர் பிரச்சாரம்

2009-05-09T16:16:00.000+05:30

மனிதநேய மக்கள் கட்சியின் இராமநாபுரம் மாவட்டச் செயலாளர் சலிமுல்லாஹ்கானை ஆதரித்து இந்திய தவ்ஹுத் ஜமாத்தின் தலைவர் எஸ்.எம். பாக்கர் நேற்று கீழக்கரையில் நேற்று (08-05-09) பிரச்சார செய்தார்

ராஜபக்சே போர்க் குற்றவாளி! - தமுமுக தலைவர் குற்றச்சாட்டு

2009-05-08T22:29:00.000+05:30

இலங்கையில் Genocide எனப்படும் இனப்படுகொலை செய்யும் ராஜபக்சே ஒரு போர்க் குற்றவாளியே. தடை செய்யப்பட்ட ரசாயன ஆயுதங்கள் பயன்படுத்தப்பட்டு அப்பாவித் தமிழர்கள் படுகொலை செய்யப்படுகிறார்கள்.

அணிசேரா அமைப்பில் உறுதியாக செயல்பட்டு வந்த இந்தியா, தென் ஆப்பிரிக்காவில் இனவெறி அரசுக்கு எதிராக பெரும்பான்மை கறுப்பினத்தவர்கள் ஆட்சி அமைக்க உதவியது. ஆனால் தற்போது அத்தகைய வலிமையை இந்தியா இழந்து நிற்கிறது.

மத்திய வெளியுறவுத்துறை அமைச்சர் பிரணாப் முகர்ஜி, ''இலங்கை அரசுக்கு ஆதரவளிக்கவில்லை'' என்றார். அடுத்த வாரமே, தாம்பரம் பகுதியில் இலங்கை ராணுவ வீரர்களுக்கு இந்திய ராணுவம் பயிற்சி அளிக்கும் புகைப்படங்கள் வெளியாயின.

மகிந்த ராஜபக்சே மயிலாடுறை நாடாளுமன்றத் தொகுதி காங்கிரஸ் உறுப்பினர் மணிசங்கர் அய்யரின் நெருங்கிய நண்பர். அவரது இல்லத் திருமணத்திற்கு ராஜபக்சே வந்து சென்றார் என்பது ஊரறிந்த உண்மை.

இலங்கைத் தமிழர்களுக்கு எதிராகப் பேசிவந்த ஜெயலலிதா தேர்தல் நேரத்தில் மாற்றிப் பேசுகிறார்.

தேர்தல் தேதி அறிவித்து, வேட்பாளர் பட்டியல் எல்லாம் வெளியான பிறகு தமிழக முதல்வர் கருணாநிதி 'பந்த்' அறிவிக்கிறார். ஆனால் இலங்கையில் தமிழர்கள் வாழும் வடகிழக்குப் பகுதிக்கு சுயநிர்ணய உரிமை அளிப்பதே பிரச்சினைக்கு நிரந்தரமான தீர்வு என்பதை நாங்கள் நெடுங்காலமாக சொல்லி வந்திருக்கிறோம் என்றும் தமுமுக தலைவர் எம்.ஹெச். ஜவாஹிருல்லாஹ் குறிப்பிட்டுள்ளார்.

மூலம் ம.ம.க ஓட்டு சேகரிப்பு இரு சக்கர வாகனப் பேரணி (video)

2009-05-08T21:28:00.000+05:30

மயிலாடுதுறையில் பிரச்சாரத்தில் ஈடுபட்டிருந்த த.மு.மு.க சகோதரர்கள் விபத்தில் சிக்கினர். 2 பேருக்கு காயம்!

2009-05-08T19:20:00.000+05:30

மயிலாடுதுறை தொகுதியில் போட்டியிடும் தமுமுக தலைவர் பேரா. ஜவாஹிருல்லாஹ் அவர்களுக்கு ஆதரவாக ம.ம.க., த.மு.மு.க., தொண்டர்கள் உற்சாகத்தோடு களப்பணி ஆற்றி வருகின்றனர். இன்று நோட்டீஸ் வினியோகம் செய்வதற்காக துண்டு பிரசுரங்களோடு 4 மணி அளவில் ம.ம.க சகோதரர்கள் ஆட்டோவில் கும்பகோணத்திலிருந்து சோழபுரம் சென்று கொண்டிருந்தனர். மாணிக்க நாச்சியார் கோவில் என்ற இடமருகே சென்று கொண்டிருதபோது எதிர்பாராத விதமாக ஆட்டோ கவிழ்ந்து விபத்தில் சிக்கியது. இதனால் ஆட்டோவில் இருந்த சகோதரர்களுக்கு பலத்த காயம் ஏற்பட்டது. இதில் சோழபுரத்தை சேர்ந்த தஞ்சை மாவட்ட மருத்துவ அணி செயலாளர் சகோ. யாசர் என்பவரின் கால் நரம்பு துண்டாகி பெரும் காயம் ஏற்பட்டது. சோழபுரம் கிளை த.மு.மு.க செயலாளர் பக்ருதீனுக்கு கையில் காயம் ஏற்பட்டது.
தகவல் கிடைத்ததும் சம்பவ இடத்திற்கு வந்த தமுமுகவினர் உடனடியாக அவர்களை மருத்துவமனைக்கு கொண்டு சென்றர்.

சகோ. யாசர் ஏற்கெனவே ஒரு கால் ஊனமானவர் அவருக்கு தற்போது மற்றொரு காலிலும் அடிபட்டதால் 5 மணிநேரம் ஆப்ரேசன் செய்ய வேண்டியுள்ளது என மருத்துவர்கள் கூறி விட்டனர். இன்று இரவு ஆப்ரேஷன் நடக்க உள்ளது. காயமடைந்த சகோதரர்களை ம.ம.க துணைப் பொதுச் செயலாளர் தமிமுன் அன்சாரி, அமைப்புச் செயலாளர் ஜைனுல் ஆபிதின் மற்றும் மற்றும் த.மு.மு.க லி ம.ம.க மாவட்ட நிர்வாகிகள் சென்று நலம் விசாரித்து தேவையான மருத்துவ வசதிகளை ஏற்பாடு செய்து தந்து வருகின்றனர்.

காயமடைந்த நிலையிலும் தேர்தல் பணிகள் எங்களால் பாதிக்கப்பட்டு விட்டதே என்று அந்த சகோதரர்கள் கூறியது அனைவரையும் நெகிழ்ச்சியடையச் செய்தது. சகோதரர்கள் உடல் நலம் பெற பிரார்த்தனை செய்யும்படி கேட்டுக் கொள்கிறோம்.

சகோதர்களின் நலன் விசாரிக்க
9894131996(நசீர்) 9629339953 (சபீர்)

மனிதநேய மக்கள் கட்சிக்கு புதிய இணைதளம்

2009-05-08T15:47:00.000+05:30

மனிதநேய மக்கள் கட்சியின் இணைதளத்தை (www.mmkindia.com) இன்று மனிதநேய மக்கள் கட்சியின் பொதுச் செயலாளர் பி. அப்துல் சமது துவக்கி வைத்தார். இந்த இணையதளத்தில் தேர்தல் செய்திகள், படங்கள், வீடியோக்கள், அறிக்கைகள் ஆகியவற்றை உடனுக்குடன் அப்டேட் செய்யப்பட்டு வருகின்றது.

அப்போது மனிதநேய மக்கள் கட்சியின் ஊடகப் பொறுப்பாளர் ஜைனுல் ஆபிதீன், மக்கள் உரிமை பொறுப்பாசிரியர் அபூசாலிஹ், தமுமுக மாணவரணி துணைச் செயலாளர் மாலிக் மற்றும் அலாவுதீன் ஆகியோர் உடன் இருந்தனர்.

இந்த இணையதளத்தை ராமேஸ்வரம் ராஃபி நிர்வகித்து வருகிறார்.

மத்திய சென்னையில் போட்டியிடாமல் வேறு தொகுதி மாறினால்....பேரம் பேசிய தயாநிதி மாறன் கும்பல் அம்பலப் படுத்தும் நியூ இந்தியன் எக்ஸ்பிரஸ்...

2009-05-07T16:50:00.000+05:30

''தமிழ்நாடு முஸ்லிம் முன்னேற்றக் கழகத்தின் அரசியல் பிரிவான மனிதநேய மக்கள் கட்சியின் எழுச்சி தமிழக அரசியலில் காலகாலமாக கோலோச்சி வரும் ஏதேச்சதிகார வர்க்கத்தினரை பீதியடைய வைத்து புலம்ப வைத்தது. பரம்பரை பரம்பரையாக மக்களின் தேவைகளை புறக்கணித்து அரசியல் அதிகாரத்தை சுவைத்து வரும் சக்திகளின் பதவி ஆசையையும், பணத்திமிரையும், ஒரு மாபெரும் மக்கள் இயக்கத்தை கிள்ளுக்கீரையாக நினைத்து பேரம் பேசிய ஓர் இழி செயலை மத்திய சென்னை மக்களவைத் தொகுதியின் மனிதநேய மக்கள் கட்சி வேட்பாளர் செ.ஹைதர் அலி தோலுரித்துக் காட்டியுள்ளார்.

07.05.2009 ஆம் தேதி வெளியாகி உள்ள நியூ இந்தியன் எக்ஸ்பிரஸில் வேட்பாளர் ஹைதர்அலியின் நேர்காணல் வெளியாகியிருந்ததது. அதில் மத்திய சென்னை மனிதநேய மக்கள் கட்சியின் மத்திய சென்னை வேட்பாளர் ஹைதர் அலி பேட்டியளித்திருந்தார் அதில்,

ஹைதர் அலி எக்ஸ்பிரஸ் செய்தியாளரிடம் இது குறித்து கூறும்போது ''தன்னையும் தனது சகாக்களையும் தயாநிதிமாறனின் ஆட்கள் அணுகி மத்திய சென்னையில் போட்டியிட வேண்டாம் என வற்புறுத்தியதாக தெரிவித்தார். அதோடு பெரும் தொகை தருவதாகவும் வேறு தொகுதியில் போட்டியிடுங்கள் என்றும், அவ்வாறு வேறு தொகுதியில் போட்டியிட்டால் அதற்கான அனைத்துச் செலவுகளையும் அவர்களே (தயாகும்பல்) பார்த்துக் கொள்வதாகவும், கூறியதாகவும்'' ஹைதர் அலி தெரிவித்தார். மத்திய சென்னையில் தயாநிதிமாறனின் வெற்றி வாய்ப்பை மறுத்த ம.ம.க வேட்பாளர் எங்களைப் போல் மக்களோடு அவர்களால் ஒன்றிப் பழக முடியாது. இணைந்த பணியாற்ற முடியாது. கட்சிக்காரர்களோடு கூட நெருங்கிப் பழக முடியாத ஒருவர், சாதாரண மக்களோடு எவ்வாறு நெருங்கி வருவார் என்றும் செ. ஹைதர் அலி வினா விடுத்தார்.

இதற்கு முன்பு தயாநிதிமாறன் பெற்ற வெற்றி தமிழ்நாடு முஸ்லிம் முன்னேற்றக் கழகத்தின் பேராதரவினால் கிடைத்த வெற்றியாகும். இந்த மக்களவைத் தேர்தலின் முடிவு தமிழ்நாட்டில் உள்ள அரசியல் தலைவர்களுக்கு அதிர்ச்சியை வழங்கும். மக்கள் உண்மையை உணர்ந்து விட்டார்கள்.

தமிழ்நாடு தவ்ஹீத் ஜமாத் திமுகவுக்கு ஆதரவு தெரிவித்துள்ளதின் மூலம் முஸ்லிம் வாக்காளர்களை விட்டு திமுக மேலும் அந்நியப்படுத்தி விட்டது. தவ்ஹீத் ஜமாத் திமுகவுக்கு ஆதரவு தெரிவித்ததனால் இதுவரை யாருக்கு ஓட்டுப் போடுவது என முடிவெடுக்காமல் இருந்த வாக்காளர்கள் அனைவரும் எங்களுக்கு ஆதரவாகவே வாக்களிப்பார்கள். நேர்மையாளர்கள் யார்? என்பதை அது தெளிவு படுத்தும்' என்றார்.

அ.தி.மு.க வேட்பாளர் முஹம்மது அலி ஜின்னாவைப் பற்றி கூறும்போது வாக்காளர்கள் திமுகவுக்கு எதிரான மனநிலையில் இருக்கிறார்கள். முஸ்லிம் வாக்காளர்கள் தி.மு.கவுக்கு எதிராக வாக்களிப்பார்கள். அ.தி.மு.க.வுக்கு வாக்களிப்பது குறித்து பரிசீலிக்கவே மாட்டார்கள். நாங்கள் மக்களுக்கு மாற்றத்தினை வழங்குவோம்' என்றார்.

-சர்ஜீன்

வில்லிவாக்கத்தில் ம.ம.க தீவிர வாக்கு சேகரிப்பு

2009-05-07T12:27:00.001+05:30

மனிதநேய மக்கள் கட்சியின் மத்திய சென்னை வேட்பாளர் செ. ஹைதர் அலி நேற்று (06.05.2009) வில்லிவாக்கம் பகுதியில் தீவிர வாக்கு சேகரிப்பில் ஈடுபட்டார்.

அண்ணா சமாதியில் புதிய பராசக்தி

2009-05-06T20:28:00.000+05:30

அபு ஹுசைன், துபை

கேள்வி: பல தொகுதிகளில் வாக்காளர்களுக்கு கோடி கோடியாக பணம் பட்டுவாடா செய்யப்பட உள்ளதாக செய்திகள் வருகின்றவே...?

பதில்: நாற்பது தொகுதிகளிலும் பணம் பட்டுவாடா செய்யப்பட உள்ளதாக செய்திகள் வருகின்றன. தேர்தல் ஆணையம் இவ்விஷயத்தில் உறுதியான நடவடிக்கை எடுக்கும் என நம்புகிறோம்.

முகம்மது இப்ராகிம், பரங்கிப்பேட்டை

கேள்வி: தேர்தல் கள அனுபவத்தில் ம.ம.க.வினரின் உழைப்பு எப்படி இருக்கிறது?

பதில்: நமது தொண்டர்களின் அர்ப்பணிப்பு நமது கண்களை ஈரமாக்குகிறது. தங்கள் வருமானத்தையும், சொந்த வேலைகளையும் கூட பத்து நாட்களுக்கு ஒதுக்கி வைத்துவிட்டு அவர்கள் ஆற்றும் களப்பணி மகத்தானது. கூலிக்கு வேலை செய்யும் பிற கட்சித் தொண்டர்களுக்கு மத்தியில் தியாகத்துடனும், சமுதாய ஆர்வத்துடனும் அவர்கள் கடும் வெயிலில் காட்டும் களப்பணிகள் பிறருக்கு முன்மாதிரியாக இருக்கிறது. இத்தகைய சகோதரர்கள் இருப்பதால் தான், நமது கட்சி யாரையும் எதிர்கொள்ளும் திறன் கொண்டதாக இருக்கிறது.

எஸ். ரியாஸ், கரூர்

கேள்வி: ம.ம.க.வை மட்டும் குறிவைத்து ஜெயினுலாபிதீன் எதிர்ப்பு பிரச்சாரம் நடத்துவதை அவரது தொண்டர்கள் ஏற்கவில்லை போல் தெரிகிறதே...?

பதில்: ஒரு கவர்னர் பதவி, சவூதி அரேபியாவுக்கான தூதர் பதவி என இரண்டையும் நிராகரித்து, தனி அணியாக ம.ம.க. துணிந்து களம் கண்டிருக்கிறது. ஒரு தொகுதி அரசியலை முடிவுக்கு கொண்டு வருவதற்காக வக்ப் வாரியத்தையும் தூக்கி எறிந்திருக்கிறோம்.

இந்தத் தியாகத்தையும், தன்மான அரசியலுக்கான முயற்சியையும், சமுதாய மக்களில் 99 சதவீதம் பேர் மனதார ஆதரிக்கிறார்கள். நம்மை விமர்சிப்பவர்கள் கூட நமது துணிச்சலைப் பாராட்டு கிறார்கள். அதனால்தான் வரவேற்பு இதுவரை இல்லாத அளவுக்கு பெருகுகிறது.

இந்நிலையில் நம் மீது அநியாயமாக அவதூறுகளைக் கூறி நமது தன்மான அரசியலை கொச்சைப்படுத்துபவர் களையும் இறைவனின் தீர்ப்புக்கே விட்டுவிடுகிறோம்.

தன்னோடு இருந்தவர்கள் இன்று மாபெரும் தலைவர்களாக மாறிய கோபத்தில் பொறாமையோடு செயல்படும் அவரை அவரது தொண்டர்கள் அடையாளம் கண்டு வருகிறார்கள். தனிப்பட்ட அவரின் விருப்பு வெறுப்புகளுக்கு இனியும் அவரது தொண்டர்கள் கட்டுப் பட மாட்டார்கள். அவரது பேச்சால் ஏற்பட்ட மக்கள் கோபத்தை அவரது தொண்டர்கள் எதிர்கொள்ள முடியாமல் சங்கடப்படுகிறார்கள். அவர்கள் சரியான பாதையின் பக்கம் விரைவில் திரும்புவார்கள்.

முத்து ஹஸன், நாகை

கேள்வி: ஜெயலலிதா பிரதமர் கனவில் மிதக்கிறாராமே...?

பதில்: ஹெலிகாப்டரில் பறப்பதால், மிதப்பது போல் கனவு காண்கிறார் போலும். அவரது கனவால் நாட்டுக்கு ஆபத்துவராமல் இருந்தால் சரி.

சாதிக் அலி, மலேசியா

கேள்வி: ஜெயலலிதா தொகுதி கொடுக்கவில்லை என்பதற்காக சில முஸ்ம் அமைப்புகள் கருணாநிதி யிடம் சென்றுள்ளது குறித்து?

பதில்: போயஸ் தோட்டத்தில் காணாமல் போன பொருட்கள் கோபாலபுரத்தில் கண்டெடுக்கப்பட்டுள்ளன. இதற்கு மேல் எதுவும் சொல்வதற்கில்லை.

எஸ். ஜாகிர் உசேன், திருப்பத்தூர்

கேள்வி: இலங்கைத் தமிழர்களுக்காக கலைஞர் கருணாநிதி நடத்திய உண்ணாவிரதம் பற்றி?

பதில்: முன்பு கலைஞர் தயாரித்த பராசக்தி படம் மூன்று மணி நேரம் ஓடக்கூடியது. இப்போது அவரே நடித்த இலங்கைத் தமிழர்களுக்கான புதிய பராசக்தி படம் ஆறு மணி நேரம் ஓடியது. பராசக்தி, திரையரங்கில் ஓடியது. புதிய பராசக்தி படம் அண்ணா சமாதியில் ஒரே காட்சியோடு முடித்துக் கொள்ளப் பட்டது.

(மக்கள் உரிமை 05.51ல் வெளியான கேள்வி பதில்)

மயிலாடுதுறையின் அவலங்களும் உங்கள் ஓட்டும்

2009-05-06T17:38:00.000+05:30

சமுதாயத்தை தலைநிமிரச் செய்யுங்கள் தேர்தல் நிதி தாருங்கள்

2009-05-06T16:56:00.000+05:30

சமுதாயத்தின் தன்மானத்தைக் காக்க போர்ப் பரணி பாடி புறப்பட்டு நான்கு நாடாளுமன்றத் தொகுதிகளில் வேட்பாளர்களை நிறுத்தியுள்ளது மனிதநேய மக்கள் கட்சி. பண பலம், குண்டர் பலம் என அனைத்தையும் இறக்கிவிட்டு தன் தொண்டர்களுக்கு ஆட்டுக்கிடா விருந்து முதல் டாஸ்மாக் சரக்கு வரை சகல வசதிகளையும் செய்து கொடுத்து அதிரடியாக வலம் வரும் அரசியல் கட்சிகளின் வேட்பாளர் களுக்கு மத்தியில், கிடைத்த நேரத்தில் கிடைத்த உணவை சாப்பிட்டு, டீயையும் வடையையும் மட்டுமே பலநேரம் உணவாக உண்டு கூலி வாங்காமல் கொளுத்தும் வெயிலில் உற்சாகமாக தேர்தல் பிரச்சாரம் செய்து வருகிறார்கள் நமது தொண்டர்கள். நமது வேட்பாளர் களும் வீதி வீதியாக சளைக்காமல் பிரச்சாரம் செய்து வருகிறார்கள். ஜமாஅத் சந்திப்பு, முக்கியப் பிரமுகர்கள் சந்திப்பு என தூங்குவதற்கு நேரமின்றி துடிப்பாக உழைத்து வருகிறார்கள்.

ஆனால் தோள்பலம், தொண்டர் பலம் இருந்தும் பொருளாதார பலம் இல்லாததால் நமது பிரச்சாரப் பணிகளில் சிறு தொய்வு ஏற்பட்டுள்ளது. தேர்தல் ஆணையம் அனுமதித்துள்ள அளவில் மூன்றில் ஒரு பகுதியைக் கூட நாம் இதுவரை செலவு செய்ய வில்லை என்பதுதான் உண்மை. விளம் பரங்கள், பிரச்சார செலவுகளுக்கு பொருளாதாரமின்மை பெரிய தடையாக இருக்கிறது. நமது தொண்டர்களும் தாய்மார்களும் சமுதாயச் சொந்தங்களும் தம்மால் இயன்ற அளவுக்கு உதவி வருகிறார்கள். தேர்தல் பிரச்சாரத்துக்கு செல்லும் நமது வேட்பாளர்களிடமும், தொண்டர்களிடமும் தம்மால் இயன்றதை தேர்தல் நிதியாக கொடுத்து வருகிறார்கள். தமுமுக சகோதரர்கள் தங்கள் வீட்டு விசேஷங்களில் தேர்தல் நிதி வசலித்துத் தருகிறார்கள். நமது சகோதரர்களின் இந்தப் பணிகள் நம்மை நெகிழ்வடையச் செய்கிறது. எனினும் எறும்பு போல சிறுகச் சிறுக நாம் சேர்க் கும் தேர்தல் நிதி பெரும் பணக்கார முதலைகளோடு மோதும் நமக்கு போதாது. வாக்காளர்களுக்கு நாம் பணம் கொடுக்கப் போவதில்லை. ஆனால் நமது அன்றாடப் பிரச்சாரங்களுக்கும் விளம்பரங்களுக்கும் பெரும் பொருளாதாரம் தேவைப்படுகிறது.

சமுதாயத்தின் தனவந்தர்களே... நியாய உள்ளம் படைத்த வியாபார அன்பர்களே, தாய்மார்களே, சகோதரர்களே நீங்கள் அளிக்கும் நிதிதான் எங்கள் பணிகளை உற்சாகப்படுத்தும். வீரியமடையச் செய்யும். உங்கள் வாக்கு களோடு தேர்தல் நிதியையும் அளித்து சமுதாயத்தை தலைநிமிரச் செய்யுங்கள் என்று அன்போடு கேட்டுக் கொள்கிறோம்.

ம.ம.க.வை ஆதரிக்கும் அமைப்புகள்

2009-05-06T16:55:00.001+05:30

மனிதநேய மக்கள் கட்சி நான்கு பாராளுமன்றத் தொகுதிகளில் போட்டி யிடுகிறது. பல்வேறு அமைப்புகளும், சங்கங்களும், ம.ம.க.வுக்கு ஆதரவு தெரிவித்துள்ளன.

பாப்புலர் பிரண்ட் ஆப் இந்தியா, இந்திய தவ்ஹீத் ஜமாஅத், ஜமாஅத்தே இஸ்லாமி, தேசிய லீக் (நிஜாமுதீன்), கிறிஸ்தவ வாழ்வுரிமை இயக்கம், தாத்தா ரெட்டைமலை சீனிவாசனார் பேரவை, AIOBC, இஸ்லாமியர் விழிப்புணர்வு கழகம், தமிழ் மீனவ விடுதலை வேங்கைகள், சுதந்திரப் போராட்டத் தியாகிகள் சங்கம், தமிழக உரிமை இயக்கம், அருந்ததியர் நல அமைப்பு போன்ற அமைப்புகளும் மற்றும் பல்வேறு அரசு சாரா அமைப்பு கள், சங்கங்கள் ஆகியவை மனிதநேய மக்கள் கட்சியை ஆதரித்துள்ளன. இவற்றில் பல அமைப்புகள் தேர்தல் பிரச்சாரத்திலும் ஈடுபட்டு வருகின்றன

மனிதநேய மக்கள் கட்சியின் தேர்தல் அறிக்கை வெளியிடு

2009-05-06T16:47:00.000+05:30